ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಪಾಡ್ದ್ ಪೆದಿಮೆತ್ತಿ ದಿಕ್ಕಲ್ಲಿದಿ ಮಟ್ಟಿಲ್ಡ್ ಸೊಲ್ಮೆ ಸಂದಾದ್ ಬತ್ತೆ, ಅಡ್ಡ ಬೂರೊಂಡೆನೆ! ಕುಲೆ-ಪಿಲೆನ್ ಹಾಕ್ಲೆಂದ್ ದೈವ ದೇವೆರೆಗ್ ಕೈ ಮುಗಿದ್ ಮಾಪು ನಟ್ಟೊಂಡೆ. ಬಿರಮೆ ದೇವೆರ್ ಉಂಡು ಮಲ್ದೆರ್ ಗೆರಚಾರ ಮಾಜಾದ್.. ಕೊರೆಪೆಳ ಅಂಗೈಗ್ ಉಳ್ಳಾಕುಲೆ ಭಕುತಿಗ್ ಅಡಿ ಜಾರಾದ್ ಶಕುತಿ ಕೊರುದು ನೂಲ್-ಪಾಲ್ ಬಾಲೆನುಂಡು ಮಾನಾಲೆ. ಇಂಚ ಜನಪದರೆನ ಮನೋಭಾವೊಗು ಮದು ಪನ್ಪುನವು ಪೊರ್ಲು-ಚೋದ್ಯದ್ದೊಟ್ಟುಗ್ ರಂಗ್ ಜಿಂಜಿದುಂಡು. ಕುಲೆ ದುಷ್ಟ ಶಕುತಿಲೆನ್ ದೂರ ಮಲ್ಪರೆಗಾದ್ರ ದೈವ ದೇವೆರೆನ್ ಭಕುತಿಡ್ ಸುಗಿತೊಂದಿತ್ತೆರ್ಗೆ
ಬಾಲೆಗ್ ಕೊದಿ ದೆಪ್ಪುನ ಕ್ರಮ: (ಬಂಜಿ ಉಬ್ಬೇರ್ಲೆಕ್ಕಾದ್ ಬಂಜಿಗ್ ತಿನರೆ ಕೇಂಡಿಜಡ, ಬಂಜಿ ಬೇನೆಡ್ ಬುಲ್ತೊಂದಿತ್ತಂಡ) ಇಲ್ಲದ ಮೂಜಿಮೂಲೆದ ಮೂಜಿ ಎಲ್ಯ ಬೊರ್ಗಲ್, ಮಾಡ್ ಮೂಜಿಮೂಲೆದ ಮೂಜಿ ಮುಲಿಕಡ್ಡಿ ಅತ್ತಡ ಓಡ್ದ ಪಾಮಚಿ, ಜಾಲ್ದ ತುಲಸಿಕಟ್ಟೆದಲ್ಪದ ಮೂಜಿ ಚಿಮಿಟಿ ಮಣ್ಣ್ ನ್ ಒಂಜಿ ತಾಂಬ್ರದ ಚೊಂಬುಗು ಪಾಡ್ದ್ ಐಕ್ ದಿಕ್ಕೆಲ್ದ ಮೂಜಿ ತುಂಡು ಗೆಂಡಲಾ ಪಾಡೊಡು. ಬಾಲೆದ ಬಂಜಿಗ್ ಏಪಲಾ ಕೊರ್ಪುನಂಚಿನ ಪೇರ್, ಮಣ್ಣಿ (ಬಡಾವು) ಕೊಜಪು, ನುಪ್ಪು, ನೈ, ಇಂಚ ಆ ಬಾಲೆ ತಿನ್ಪುನಂಚಿನ ಒಂತೆಮಡೆನ್ ಮಲ್ಲ ಬಟ್ಟಲ್ಗ್ ಪಾಡ್ದ್ ನಿಲ್ಕೆ ನೀರ್ ಮೈತ್ ದೀವೊಡು. ಬಾಲೆನ್ ನನಒರಿ ಪತೊಂದ್ ಕುಲ್ಲೊಡು. ಬೊಕ್ಕ ಅಂಚಿನ ಸಾಹಿತ್ಯ ಪಾಡ್ಡಿ ಚೊಂಬುಗು ಮೂಜಿ ಕಲ್ಲುಪ್ಪು, ಒಂಜಿ ಮುಂಚಿ ಪಾಡ್ದ್ ಬಾಲೆಗ್ ರಡ್ಡ್ ಸುತ್ತು ಸೀದ.. ಬೊಕ್ಕ ಒಂಜಿ ಸುತ್ತು ಪಿರ ತೊರತ್ದ್ ನೀರ್ದ ಬಟ್ಟಲ್ಗ್ ಕಂಕನೆಪಾಡೊಡು. ಐತ ಪುಗೆನ್ ಬಾಲೆಗ್ ಪತ್ದ್ ಬಾಲೆನ್ ಪತೊಂದು ಆ ಬಟ್ಟಲ್ನ್ ದಾಂಟ್ದ್ ಬರೊಡು. (ಕಂಕನೆ ಪಾಡಿಚೊಂಬು ಬಟ್ಟಲ್ಲದ ನೀರ್ನ್ ರೊಂಯ್ ರೊಂಯ್ ಸಬ್ದೊಡು ಪೂರಾ ಉಲಾಯಿ ಒಯ್ತೊನುಂಡು).
ಅಪಗ ಪನ್ಪಿ ಮಂತ್ರ :- ಅಪ್ಪೆ ಅಮ್ಮೆನ ಕೊದಿ, ಜೋಕ್ಲುಬಾಲ್ಲೆ ಕೊದಿ, ನಾಯಿ ಪುಚ್ಚೆದ ಕೊದಿ, ಮುಂಡೆ-ರಂಡೆನ ಕೊದಿ, ಕುಲೆ-ಪಿಲೆತ ಕೊದಿ, ಉಲಾಯಿದ ಕೊದಿ, ಪಿದಾಯಿದ ಕೊದಿ ಪೂರಾ ಕುಂದ್ದ್ ಆಜಡ್.
ನನೊಂಜಿ ಕ್ರಮ ಇಂಚ ಉಂಡು:- ಒಂಜಿ ತುಂಡು ನೀರುಳ್ಳಿ ಒಂಜಿ ಬೊಲ್ಲುಲ್ಲಿದರಿನ್ ಬಾಲೆಗ್ ಮಡೆ ಮಲ್ಪಾದ್ ಅವೆನ್ ಮೈಪುಕಡ್ಡಿಡ್ ತುರಿದ್ ತೂ-ಟ್ ಬಾಡಾದ್ ಬಾಲೆಗ್ ಮೂಜಿ ಸರ್ತಿ ದುಂಬು ಪಿರ ತೊರತ್ದ್ ಬಾಲೆದ ಬಂಜಿನ್ ನಮ್ಮೊ ಕೈ ಬಿರೆಲ್ಡ್ ತಟ್ಟ್ ದ್ ನೆಲಕ್ ಬೊಟ್ಟೋಡು.
ತಾಮ್ರದ ತಗಡ್ ಉರ್ಕ್ ಅತ್ತಡ ಉಡುತ ಚರ್ಮದ ಎಲ್ಯ ಪುಡಿಕೆಡ್ ಕೈಬೇವು, ಕಾವೇರಿ, ಆಡ್ಸೋಗೆ, ಎಕ್ಕಂಬರೆ, ಪುಲಿತಿರೆ, ನುಗ್ಗೆ, ಉತ್ತರನೆ, ಕದಿರು ನೆತ್ತ ಇರೆಲೆನ್
101
