.
ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ದಾನ ಕೊರ್ಪೆರ್. ಎನ್ನ ಬುಡೆದಿನ ಪೇರ್ ಜುಂಬುದು ಮಲ್ಲೆ ಆತಿನ ಬಾಲೆಲು ಇತ್ತೆ ಮಲ್ಲ ಮಲ್ಲ ಸ್ಥಾನ ಮಾನಡ್ ಉಲ್ಲೆರ್. ಐತ ಸಂತೇಸ ಎಂಕುಂಡು, ಅಪಗ ಅಕುಲು ಎಂಕ್ಲಗ್ ಪೊಸಕುರ್ವೆಡ್ ಅರಿ ತಾರಾಯಿ, ಬಚ್ಚಿರೆ ಬಜ್ಜಾಯಿ, ಬೆಲ್ಲ ಪೊಸ ಬೈರಾಸ್ದೊಟ್ಟುಗು ಕೈನಿಲ್ಕೆ ರೂಪಾಯಿ ಪಾವಲಿನ್ ದಾನ ಕೊರ್ಪುನಾಕುಲು ಇತ್ತೆರ್. ಅವ್ ಅಪಗದ ಸತ್ಯದ ಕಾಲ. ಇತ್ತೆ ದೂಜಿ ಪಾಡುನೆಟ್ ಅಂಚಿನ ಸೀಕುಲು ಬರ್ಪುಜ್ಜಿ. ಬರೆಗ್ಲ ಬಲ್ಲಿ. ಆಂಡ ಅಂಚಿನ ಕ್ರಮಕ್ಲು ಎನ್ನ ಅಪ್ಪೆನ ತರೆಕೇ ಅಲಿದ್ ಪೋಂಡುಂದ್ ಬೇನೆ ಆಪುಂಡು. ಇಂಚ ಒಂಜಿ ಕ್ರಮ ಇತ್ತ್ಂಡುಂದ್ ಪಂಡ ಇತ್ತೆದ ಜವನೆರ್ ಮಕ್ಕರ್ ಮಲ್ಪ. ಈ ಕ್ರಮ ಅತ್ತಾಂದೆ ಅಮಾಸೆ ಬೂದೆದಾನಿ ಪುಟ್ಟುದಿನ ಜೋಕ್ಲೆನ್ ಕಂಜಿ ಇತ್ತಿನ ಕಬೆತಿ ಪೆತ್ತದಡಿಕ್ ಮಿತ್ತ್ ಗ್ ಮೂಜಿ ಸರ್ತಿ ತೊರತ್ತ್ ದ್ ಪಿರ ಅಕುಲೆಗ್ ಕೊರೊಂನ್ದಿತ್ತ ಅಕುಲು ಅರಿ ತಾರಾಯಿ, ದಕ್ಷಿನೆ ಕೊರೊಂದಿತ್ತೆರ್. ಅವ್ ರಡ್ಡ್ ದಿನೊತ ಉನಸ್ಗ್ ಬರೊಂದಿತ್ತಂಡ್. ಆಂಡ ಆ ಬಾಲೆದ ಶನಿ ಎಂಕ್ಲೆನ ಬೆರಿಬುಡಂದೆ ಕುಲ್ಲುಂಡ? ಎನ್ಮೆದೆಣ್ಣೆಡ್ ಬಾಲೆನ್ ತೊರತ್ ಕೊರ್ಪೆರತ್ತ.. ಅವ್ ಮಲ್ಲ ಮಸನಿ.. ಆಂಡ ಎಂಕ್ಲೆನ ಕುಲತ ಕಸಬು ಮಲ್ದ್ ಜಡ ಕೊರಗಜ್ಜೆರೆಗ್ ಕೋಪ ಬರ್ಪುಂಡು. ಈರೆಗ್ ಗೊತ್ತಿಜ್ಜಿ ಅಪಗ ನಮ ಉಂಡುದು ದಕ್ಕಿನ ಮಡೆಯಿರೆನ್ ನುಂಗಾದ್ ಕರಟ್ ದೀಪೊತ್ತ, ಐತ ಮಡೆನ್ ಬಾಲೆದ ಬಾಯಿಗ್ ಮರ್ದ್ಂದ್ ಪಾಡುವ. ಅವ್, ಪತ್ತ್ ಜನ ಸಂತೇಸಡ್ ಉಂಡಿ ಮಡೆ ಅತ್ತ! ಆ ಬಾಲೆಗ್ ಎಂಕ್ಲೆನ ದೇವೆರ್ ಆಯುಷ್ಯ ಕೊರ್ಪೆರ್. ಇತ್ತೆ ಮಡೆ ತಿನರೆಬಲ್ಲಿಂದ್ ಸರಕಾರ ಕಾನೂನು ಮಲಲ್ತ್ಂಡ್. ಆಂಡಲಾ ಎಂಕ್ಲನ ದೇವೆರ್ ಮಡೆ ಕೇನ್ವೆರ್. ಐಕಾದ್ರ ನಮ್ ಗುಟ್ಟುಡಾಂಡಲ ಮಡೆತ ಇರೆನ್ ನಟ್ಟದ್ ಕೊರಗಜ್ಜಗ್ ಪನಿಯಾರ ಬಲಸುವ. ನಷ್ಟ-ಕಷ್ಟ ಬಲ್ಮೆಡ್ ಕೇನ್ನಗ ಎಂಕ್ಲೆಗ್ ತೋಜ್ದ್ ಬರ್ಪುನ ಆ ದೋಷನೆ! ತೈನಮುಟ್ಟ ಬದ್ಕೊಡತ್ತ? ಎನ್ನ ಜೋಕ್ಲೆನ ಕಾಲಗ್ ಎಂಚನ? ಈ ವಿಷಯನ್ ಆರ್ ಪಂಡಿಲೆಕ್ಕನೆ ಬರೆತೆ. ಅಕುಲೆನ ತುಳು ಬಾಸೆಲ ಬೇತೆ ನಮುನೆದ. ಐಕ್ ಅಕ್ಲೆನ ಮಂತ್ರಲ ಉಂಡುಗೆ.
ಬಾಲೆ ಬಂಗಾರ್, ಸೂತ್ರ ಗೆರಚಾರ ತುಂಬುದ್, ತರೆ ಆಡವುನ ಉಸಿಲ್ಗ್ ಎನ್ನೆದಾನ ಮಲ್ಪೊಡೇ! ಬಡವು ಕಟ್ಟಿನಾಯಗ್, ಉನುಪುದಾನ ಮಲ್ಪೊಡೆ! ಅಂಗಯಿ ಬುಡ್ದ್ ಬತ್ತಿನಾಯಗ್, ಪಣವು ದಾನ ಮಲ್ಪೊಡೆ, ಪೇರ್ ಪರ್ದ್ ಉಳ್ಳಕುಲೆ, ಕೂಳಿ ಪೋವಂದೆ, ಪಕ್ಕಿ ತಿಂದ್ದ್ ಉಳ್ಳಾಯ ಒಕ್ಕೆಲ್ ಪೋವಂದೆ, ಕೊರಗಜ್ಜ ಮಡೆ ಕೊರ್ಪೆ. ಕೊರ್ಪಾವೆ. ಉಸಿಲ್ ಕೊರ್ದ್ ಪತ್ತೆ ನೂಲ್-ಪಾಲ್ಗ್ ಕಾರ್ನಿಕಡ್ ಮಾಣಾಲ. ದೆಕ್ಕುಲು ಕೊರ್ತಿನ ಅರಿ, ತಾರೆ, ಬಚ್ಚಿರೆ ಪೂಳು, ಓ ಕೊರಗಜ್ಜೆರೆಗ್ ಬಾರನೆ. ದುಟ್ಟ ಕುಲೆಕುಲು ದಡಿ
100
