ಈ ಪುಟೊನು ಪ್ರಕಟಿಸದ್ ಆಂಡ್
ರಾಪೆ ಪಲಯಿಡ್ ತೂಪೆರಂಚಿಗೆ
ಓರೆಕಣ್ಣ್ಡ್ ಆಯನೆ;
7
ಅಕುಲೆ ತುಳುವೆರೆ ಪೊರ್ಲು ಪೊಂಜೊವು -
ಮುಗುರುಮಲ್ಲಿಗೆ ತೆಲಿಕೆಡ್,
ಸಾಲ್ ಸಾಲ್ಡ್ ಸೇಲೆ ಸೇಡ್
ನೇಜಿನಡ್ಪೆರ್ ನಲಿಕೆಡ್.
8
ಮೆಲ್ಲ ಮೆಲ್ಲಗ್ ಗಾಳಿ ಬೀಜುಂಡು
ಪೂತ ಪರಿಮಳೊ ಸುತ್ತಲ,
ತಾರೆಬಾರೆಲ ತರೆನ್ ತೂಂಕುಂಡು
ಓಬೆಲೆದ ದನಿ ಕೇನ್ಲ,
9
ಕಂಡೊದತ್ತ್ದ್ ಬೆನ್ನಿ ಬೆಂದ್ದ್
ಬಾಲೆಲಿಲ್ಲಗ್ ಬನ್ನಗ,
ತುಳುತ ಅಪ್ಪೆನ ತೆಳಿತ ಗಂಜಿಡ್
ಎಂಚಿ ಸಂತೊಸು-ಉನ್ನಗ
10
ಗುಡ್ಡೆ ಏರ್ಯೆರ್ ಕಡಲ್ ದಾಂಟ್ಯೆರ್
ದೂರೊದೂರುಗು ಪೋಯೆರ್;
ಓಲು ಉಪ್ಪಡ್ ಬಾಸೆ ಒಂಜೇ
ಅಕ್ಕೆ ಅಣ್ಣಾ ಲೆತ್ತೆರ್.
11
ಬುಡುಗಡೆದ ಸಿರಿ ಬೊಳ್ಪು ತೋಜಿಂಡ್
ಗಾಂಧಿತಪಸ್ ಪುಣ್ಯೊಡು;
ದೇಸೊದೆಡ್ಡೆಗ್ ಬಾಸೆದೆಡ್ಡೆಗ್
ಬೆನೊಡು ನಮೊ ಸಮೋ ಮಣ್ಣಗ್.
(1983)
ಕಯ್ಯಾರೆರ್ನ ಕಬಿತೆಲು / 36
