ಈ ಪುಟೊನು ಪ್ರಕಟಿಸದ್ ಆಂಡ್
ಸಾರೊ ಎಸಳ್ ದ ತಾಮರೆ
ಏತ್ ಪೊರ್ಲುದ ಬಾಸೆ ನಮ ತುಳು
ಸಾರೊ ಎಸಳ್ದ ತಾಮರೆ;
ಪಂಡಿಬಾಯಿಡ್ ಕೇಂಡಿ ಕೆಬಿಟ್
ಉರ್ಕುಂಡಮೃತೊದ ನುರೆ ನುರೆ.
2
ಅಪ್ಪೆಪೇರ್ದ ಒಪ್ಪ ಜತ್ತ್oಡ್
ಮೈಟ್ ಮನಸ್ಡ್ ದಿಂಜಿಂಡ್,
ನಿದ್ರೆ ಕನಟ್ಲ ಅಪ್ಪೆಪಾತೆರೊ
ಜೀವೊಡೇ ಸೊರೊ ಸೇರ್ಂಡ್.
3
ಎತ್ತರೆತ್ತರೊ ಗುಡ್ಡೆಬೆರಿಟ್,
ನೀಲೊ ನೀರ್ದ ಕಡಲ ಬರಿಟ್,
ಕಳಮೆ ಕಮ್ಮೆನೊದಿಂಜಿ ಕಂಡೊ,
ಪೊರ್ಲುಡಿಂಚಿನ ಭೂಮಿ ಉಂಡೊ?
4
ಮಿತ್ತ ಸೊರ್ಗೊದ ಪೆತ್ತ ಕಂಜಿ
ತುಳುವನಾಡ್ಗ್ ಬತ್ತಡೊಂಜಿ
ಸತ್ಯಪುತ್ರೆರೆ ಬದ್ಕ್ಗಾದ್
ನಿತ್ಯ ಉಂತುಂಡು ಜಾಗೆತೂದ್
5
ದಯಿತ ಸಾಲ್ಡ್ ಮರತ ಮೇಲ್ಡ್
ಗಿಳಿಯೊ ಕಲಕಲ ಕೋಗಿಲೆ:
ವೀಣೆರಾಗೊದ ತಂತಿ ಕೇನೊಡೊ
ಪಾತೆರೊಡು ತುಳು ಜೋಕುಲೆ
6
ಅಗೆಲ ತಿಗಲೆದ ಗಲ್ಲ ಮೀಸೆದ
ರಟ್ಟೆಗಟ್ಟಿದ ಜವ್ವನೆ,
ಕಯ್ಯಾರೆರ್ನ ಕಬಿತೆಲು / 35
