ಈ ಪುಟೊನು ಪ್ರಕಟಿಸದ್ ಆಂಡ್
10
ಇಲ್ಲ್ಲ್ಲ್ ನೂರ್ದ್ ನೆಯ್ಮುದ್ದೆ ತಿಂದ್ದ್
ಪೊರ್ಲು ಪೊಣ್ಣುಲೆ ಕಣ್ಣ್ಕಟ್ಯೆರ್ಗೆ -ಜೋಜೋ
11
ರಾಸೊದ ನಲಿಕೆಡ್ ರಾಗೋದ ರಂಗ್ಡ್
ವಾಸುದೇವೆರ್ ನಲಿನಲಿತೆರ್ಗೆ - ಜೋಜೋ
12
ಅಕ್ರೂರೆ ಲೆತ್ತ್ದ್ ಬಿಲ್ಲಹಬ್ಬೊಗು ಪೋದ್
ಆ ಕ್ರೂರಕಂಸನ್ ಕೆರಿಯೆರ್ಗೆ – ಜೋಜೋ
13
ಕತ್ತಲೆ ಕೋಣೆದ ಅಪ್ಪೆಮ್ಮೆ ಬಂಚೋದಾ -
ಪತ್ತನ್ ಮಾತಲ ಕಳೆಯೆರೆಗೆ - ಜೋಜೋ
14
ಪೊಸತಾದ್ ದ್ವಾರಕೆ ಪಟ್ಟನೊ ಕಟ್ಯೆರ್
ವಸುದೇವ ಮಗೆ ಕಿಟ್ಣದೇಬೆರ್ಗೆ - ಜೋಜೋ
15
ಸತ್ಯಮ್ಮ ರುಗ್ಮಿಣಿ ಎಣ್ಮ ಪಟ್ಟೊದ ರಾಣಿ
ನಿತ್ಯಸೇವೆಡ್ ಸುಕೊಟಿತ್ತೆರ್ಗೆ - ಜೋಜೋ
16
ರಾಜರಾಜೆ ಸೇರಿ ರಾಜಸೂಯೊದ ದಿನ
ರಾಜಮರ್ಯಾದಿನ್ ಪಡೆಯೆರ್ಗೆ - ಜೋಜೋ
17
ಭಾರತಯುದ್ದೊಡು ಪಾಂಡವಪುಣ್ಯಡು
ಸಾರಥಿ ಅರ್ಜುನಗಾಯೆರ್ಗೆ - ಜೋಜೋ
18
ಅನ್ಯಾಯೊ ಆಪತ್ತನಿಷ್ಟೊನ್ ಕಳೆಯೆರ್
ಪುಣ್ಯಪುರುಸೆ ಕಿಟ್ಣದೇಬೆರ್ಗೆ - ಜೋಜೋ
19
ತುಳುನಾಡ್ಡುಪ್ಪುನ ತುಳುಜನಕತೆ
ತುಳುಪಾತೆರೊಡೆ ಪೊರ್ಲುಪಂಡೆರ್ಗೆ – ಜೋಜೋ
(1934)
ಕಯ್ಯಾರೆರ್ನ ಕಬಿತೆಲು / 16
