ಈ ಪುಟೊನು ಪ್ರಕಟಿಸದ್ ಆಂಡ್
ಪೆತ್ತ
ಪೆತ್ತ ಈ ಅಪ್ಪೆತ್ತ? ಏಪೊಲ
ಮಿತ್ತ ಭೂಮಿದ ಸತ್ಯನೇ,
ಪತ್ತ್ ದೀ ತುಳುನಾಡ್ ಕಾಪುಲ
ಸತ್ಯಪುತ್ರೆರೆ ಕೀರ್ತಿನೆ
2
ಧನ್ಯ ಧರಣೀತಲೊನೆ ದಿಂಜಿ
ಪುಣ್ಯಫಲೊನೇ ಫಲಿತಿ ಬಂಜಿ -
ಡೆನ್ನಜನ್ನೊ ಬರಡ್ ಒಂಜಿ
ನಿನ್ನಪೇರೇ ಪರುವೆ ಕಂಜಿ
3
ತೂದು ಮಡ್ಡಿದ ಮಾತ ರುಚಿನ್,
ಮೇಗುಡ್ಡೆದ ಪಂತಿ ಪಜಿರ್ನ್,
ಹೇದಯಾನಿಧಿ ಕೊರಿಯ ಒಯಿನ್?
ಸ್ವಾದು ಸ್ವಾದುದ ಪೇರ್ ನೆಯಿನ್
4
ನಿನ್ನ ಅಳೆನೆಯ ಪರ್ತಿನಾಕುಲು
ನಿನ್ನ ಪುದರ್ಡ್ ಪಿರ್ತಿದಾಕುಲು,
ನಿನ್ನ ಪೇರ್ನ್ ಪರಿನ ಜೋಕುಲು
ಸನ್ನುತಿನ್ ಸಂದಾವೊ ಬಾಲೆಲು.
(1934)
ಕಯ್ಯಾರೆರ್ನ ಕಬಿತೆಲು / 17
