ಈ ಪುಟೊನು ಪ್ರಕಟಿಸದ್ ಆಂಡ್
ಸಿರಿಕಿಟ್ಣದೇಬೆರ್
ಜೋಜೋ
ಜೋಕುಲೆಪದೋ ಕೇನೊಡೀ ಬಾಲೆ,
ಜೋಜೋ ಸಿರಿಕಿಟ್ಲದೇಬೆರ್ಗೆ-ಜೋಜೋ
1
ಅಟ್ಟೆಮಿ ನಡುಇರ್ಲ್ ರೋಣಿನಚ್ಚತ್ರೋಡು
ಪುಟೈರ್ ಸಿರಿ ಕಿಟ್ಣ ದೇಬೆರ್ಗೆ -ಜೋ ಜೋ
2
ಕಡಲ್ ನಡುಟೊಂಜಿ ಮಾಮಲ್ಲ ಮಾಸೇಸ
ಒಡಲ್ಡ್ ಜೆತ್ತೊಂಡಿ ಮಾಸಾಮಿಗೆ ಜೋಜೋ
3
ಆ ವಸುದೇವನ್ ಮಗೆಯಾದ್ ಬತ್ತೆರ್
ದೇವಕಿ ಬಂಜಿಡ್ ಜತ್ತೆರ್ಗೆ ಜೋಜೋ
4
ನಂಜಿದ ಮಿರೆಕೊರಿ ಪಾತಕಿ ಪೂತನಿ
ಬಂಜಿದ ನೆತ್ತೆರ್ ಒಯ್ತೆರ್ಗೆ - ಜೋಜೋ
5
ಗಾಡಿದ ರೂಪುದ ರಕ್ಕಸಮಾಯೆನ್
ಪೋಡ್ಯಂದೆ ತರೆ ಚೆಂಡ್ದಂಟ್ಯೆರ್ಗೆ ಜೋಜೋ
6
ಗಾಳಿದ ಧೂಳ್ಡ್
ಲೋಕೊನೆ ಮುರ್ಕಾಯಿ
ಖೂಳನ ಕರ್ಲ್ನ್ ಕದತೆರ್ಗೆ ಜೋಜೋ
7
ವತ್ಸಧೇನುಕಬಕ ಇಂಚನೆ ನನಪಾಕ
ಕುತ್ಸಿತೆರೆನ್ ಮಾತ ಕಳೆಯೆರ್ಗೆ - ಜೋಜೋ
8
ಬಲರಾಮ ಬಲಪತ್ದಾನಂದಮಯೆರಾದ್
ಬಲತೆರ್ ನಂದಗೋಕುಲೊಡಾರ್ಗೆ – ಜೋಜೋ
9
ಕಾಳಿಂಗಮರ್ದನಗೊಬ್ಬು ಗೊಬ್ಬುದ್
ಲೀಲಾವಿನೋದೊಡೆ ಮೆರೆಯೆರ್ಗೆ- ಜೋಜೋ
ಕಯ್ಯಾರೆರ್ನ ಕಬಿತೆಲು / 15
