ಈ ಪುಟೊನು ಪ್ರಕಟಿಸದ್ ಆಂಡ್
ಗಾಂಧಿ
ಅತ್ತ? ಈತರೆದೆರ್ತ ಲೋಕೋದ
ಮಿತ್ತ್ , ನಿನ ನಿಜ ಕೀರ್ತಿಡ್,
ಸತ್ಯಸಾದಿನೆ ಪತ್ತ್ ದುಂತಿನ
ನಿತ್ಯಮಂಗಲ ಮೂರ್ತಿಡ್
2
ಸತ್ಯಶಾಂತಿಸಮುದ್ರಮಥನೊಡು
ಮಿತ್ ಬತ್ತನ? ಪುಣ್ಯಕಥನೊಡು
ಜೆತ್ತಿ ಜನತೆದ ಜಾಗೃತಿದ ನಡು,
ನಿತ್ಯ ಸತ್ಯಾಗ್ರಹೋದ ರೂಪೊಡು
3
ತಿರ್ತ್ ತಾರ್ನ ಸುಪ್ತ ಜನತೆಗ್
ಮಿತ್ತ ಮಹಿಮದ ತತ್ವ ತಿರ್ಲ್ನ್
ಬಿತ್ತ್ ನಾ ಕಾರಣೊಡೆ ಇತ್ತೆಲ
ಸುತ್ತು ಸಾರುಂಡಹಿಂಸತತ್ವಲ
4
ಧನ್ಯಜೀವಿಲೆ ಉನ್ನತೋನ್ನತ
ಸನ್ನುತಿದ ಸಂಭ್ರಮೊನೆ ಸಾಧಿತ,
ನಿನ್ನ ನೆನಪೇ ಸತ್ಯೊದಾ ಸುದೆ
ಪುಣ್ಯಫಲಿತ್ನ ಸೊರ್ಗೊದಾ ಸುಧೆ
5
ನಿನ್ನ ದರ್ಶನೊ ದಿವ್ಯದರ್ಶನೊ,
ಉನ್ನತೋನ್ನತ ಪುಣ್ಯಸ್ಪರ್ಶನೊ ,
ನಿನ್ನ ಈ ಗುಣೋ ಧನ್ಯ ಜೀವನೊ,
ಎನ್ನ ಪ್ರಾಣೋಗು ನಿನ್ನ ಚೇತನೊ.
(1934)
ಕಯ್ಯಾರೆರ್ನ ಕಬಿತೆಲು / 14
