ಕರ್ನಾಟಕೊಗು ಬರ್ಪುಂಡೋ... ಬರ್ಪುಂಡೋ.. ಪಂದ್ ಕನಕಟ್ಟೊಂದು,
ಕಲಂಬರೊಂದು, ಎಕ್ಕಲೆಕ್ಕಲ್ದ್ ಜೀವಮಾನ ಇಡೀ ಕಾತಿನ ಕವಿ 'ಏತ್ ಕಾಲೊಡ್ದಿಂಚಿ ಕಾಪುವೆ' ಪಂದ್, ಕಾತ್ ಕಾತ್ ದ್ ಕಡೆಕ್ಕ್ ಲ ಬರ್ಪನೋ? ಪನ್ಪಿ ಪ್ರಶ್ನೆ, ಪ್ರಶ್ನೆ ಆದೇ ಒರಿಂಡ್.
“ಲೆಪ್ಪುನ್ಯೇರ್' ಕಬಿತೆಡ್ ಯೇರೋ ಲೆಪ್ಪುನ, ಒಲ್ಪಡ್ದೋ ಲೆಪ್ಪುನ ಒಂಜಿ ಸ್ವರ
ಕೇನೊಂದುಂಡು, ನಿದ್ರೆಡಿತ್ತಿನಕುಲು ಒರ ಲಕ್ಕಲೇ ಎಚ್ಚರಾಲೆ, ನಮ್ಮ ನಿದ್ರೆಡೇ ಇತ್ತಂಡ
ನಮಕ್ ಕೇಡ್ ಕಾಲ ಒದಗು, ನಿದ್ರೆಡಿತ್ತಿನಪಗ ನಮ್ಮ ಇಲ್ಲದ ಉಳಯಿಯೇ ನುರ್ಕುದು
ನಮ ಮಣ್ಡ್ ಆ ಬ್ರಿಟಿಸೆರ್ ಸೊರ್ಕ್ಯೆರ್. ಅಂಚಾದ್ ಲಕ್ಕಲೇ, ಲೆಪ್ಪುನೆ ಬೇತೆ ಏರ್ಲಾ
ಅತ್ತ್ ನಮನ್ ಪೆದ್ದಿ ಅಪ್ಪೆನೇ ಲೆತ್ತೊಂದುಲ್ಲೆರ್. ಒಟ್ಟುಡು ನಮ ಅಪ್ಪೆನ್ ಪಂಡ ನಮ್ಮ
ದೇಶ, ನಾಡ್ನ್ ಎಚ್ಚರಾದ್ ಕಾತೊನುಗ ನಮಕ್ ತಿಕಿನ ಸ್ವಾತಂತ್ರ್ಯನು ಒರಿತೊನುಗ
ಪನ್ಪಿ ಧ್ವನಿ ಕಬಿತೆಡ್ ಪುಟ್ಟುಂಡು.
ಈ ಸಂಕಲನೊದ ರಡ್ಡನೇ ಭಾಗೊಡು ಕಯ್ಯಾರರ ತುಳು ಸಂಬಂಧೀ ಕನ್ನಡ ಕಬಿತೆಲು ಉಂಡು. ತುಳುತ್ತ ವಿಚಾರೊಡು ಕನ್ನಡೊಡು ಕಯ್ಯಾರೆರ್ ಬರೆತೆರ್ ಪನ್ಪಿನವೇ ಮಲ್ಲ ಒಂಜಿ ಪೆರ್ಮೆ 'ಭೂತಾಳ ಪಾಡ್ಯ' ಪನ್ಪಿ ಕಬಿತೆಡ್ ತುಳುನಾಡ್ದ ಅಳಿಯ ಸಂತಾನ ಕಟ್ಟ್ ಉಂಡಾಯಿನೆನ್ ಕಥನ ಕಬಿತೆದ ಮಾದರಿಡ್ ಪಂಡೊಂದು ಪೋಪೆರ್. 'ನೇತ್ರಾವತಿ' ಕಬಿತೆಡ್, ತುಳುನಾಡ ಮಾಮಲ್ಲ ಸುದೆ ಸಮುದ್ರರಾಜನ ಮೋಕೆದ ಸತಿಂದ್ ನೇತ್ರಾವತಿನ್ ವರ್ಣನೆ ಮಲ್ಪುನ ಚಿತ್ರಣ ಉಂಡು. ಕಯ್ಯಾರರ ಊರುಗು ಕೈತಲಾಯಿನ 'ಪೊಸಡಿ ಗುಂಪೆ' ಪನ್ನ್ಪಿ ಬೆಟ್ಟ ಪ್ರಕೃತಿ ರಮಣೀಯವಾಯಿನ ಜಾಗೆ, ಅವು ಮಾತೆರೆಗ್ಲಾ ಕುಸಿಕೊರ್ಪುನ ಜಾಗೆ. ಅಂಚಾದ್ 'ಪೊಸಡಿಗುಂಪೆ' ಕಬಿತೆಡ್ ಆ ಬೆಟ್ಟೋದ ಬಗೆಟ್ ವರ್ಣನೆ ಮಲ್ತೊಂದು, ಅವು ಕೊರ್ಪುನ ಶಾಂತಿ ಸಮಾಧಾನದ ಸ್ಥಿತಿನ್ ಪಂಡೊಂದು, ಎನ್ನ ತುಳುನಾಡ್ದ ಕೀರ್ತಿನೇ ಅವು ದೇರ್ತ್ ಪತ್ತುಂಡುಂದು ಪನ್ಪಿ ಭಾವ ಪೊರ್ಲಾದ್ ಉಂಡು. 'ತುಳುನಾಡಿತಿ' ಕಬಿತೆ ಇಡೀ ತುಳುನಾಡ್ ಬೊಕ್ಕ ಮುಲ್ಪದ ಸಾಂಸ್ಕೃತಿಕ ಪರಿಕಲ್ಪನೆಲೆನ್ ಪೊಣ್ಣು ಪನ್ಪಿ ಗ್ರಹಿಕೆಡ್ ಕಟ್ಟಿನವು. 'ಕೊರಗ' ಪನ್ಪಿ ಕಬಿತೆ ಮಹತ್ವದ ಧ್ವನಿ ಸಾಧ್ಯತೆಲೆನ್ ದೀವೊಂದು ರಚನೆಯಾಯಿನ ಕಬಿತೆ. ತುಳುನಾಡ್ದ ಕೊರಗ ಜನಾಂಗದ ನಿಲೆಟ್ ರಚನೆಯಾತ್ಂಡ್ಂದ್ ತೋಜಿಂಡಲಾ ಕನ್ನಡೊದ ಸಂದರ್ಭೋಡು ಅವು ಬೇತೆ ಮರ್ಗಿಲ್ನ್ಹಾ ತೋಜಾವುಂಡು ಪನ್ನಿನವು ಕಬಿತೆದ ಹೆಚ್ಚಲ್ಮೆ. ಕವಿ ಮುದ್ದಣೆ, ಪಂಜೆ ಮಂಗೇಶರಾಯೆರ್ ಬೊಕ್ಕ ರಾಷ್ಟ್ರಕವಿ ಗೋವಿಂದ ಪೈಕುಲು ಕನ್ನಡ ಸಾಹಿತ್ಯ ಲೋಕೊಡು ಮಲ್ಲ ಪುದರ್ ಪಡೆತಿನಕುಲು. ಅಕ್ಲೆನ ಪ್ರತಿಭೆಲೆಗ್ ಸರಿಯಾಯಿನ ಪ್ರತಿಭೆಲು ನನೊರಿ ತಿಕ್ಯೆರೆ ಸಾಧ್ಯನೇ ಇಜ್ಜಿ. ಇಂಚಿನ ಪ್ರತಿಭೆಲು ತುಳುನಾಡ್ದಕುಲು. ಈ ಮಣ್ಣ್ ಡ್ ಪುಟ್ಟುದು ಬಳತಿನಕುಲು. ತುಳುಮಣ್ಣ್ ದ ಗಂಧೊನು ತಂಕುಲೆನ ಬರವುಡು ಗಳಸೊನ್ನಕುಲು. ಅಂಚಾದ್ ಕಯ್ಯಾರೆರ್ನ ತುಳು ಸಮ್ಮಂದೀ ಕನ್ನಡ ಕಬಿತೆಲೆಡ್ ಮುದ್ದಣನ ಬಗೆಟ್ ಬರೆಯಿನ 'ನೂರು ನೂರು
xi
