ಕಣ್ಣೀರು', ಪಂಜೆನ ಬಗೆಟ್ 'ನವೋದಯ ಋಷಿ', ಎಂ.ಗೋವಿಂದ ಪೈಕುಲೆ ಬಗೆಟ್
ಬರೆಯಿನ 'ರಾಷ್ಟ್ರಕವಿ' ಪನ್ಪಿ ಕಬಿತೆಲೆನ್ ಸೇರ್ಪಾವೊಂದ. 'ಈ ನಾಡು' ಪನ್ಪಿ ಕಬಿತೆ
ತುಳುನಾಡ್ದ ವೈಭವೊನು ಪಂಡೊಂದು ಇನಿ ಆ ವೈಭವೊ ಮೂಲು ತೋಜೊಂದಿಜ್ಜಿ
ಪನ್ಪಿ ವ್ಯಥೆನ್ ಪನ್ಪುಂಡು. 'ಗೆರೆ ತಪ್ಪದಿರೆ ಬರೆವೆ' ಎಲ್ಯ ಕಬಿತೆಯಾಂಡಲ ಐಟೊಂಜಿ
ಮಲ್ಲ ನೆಲೆ ಉಂಡು. ಈ ಕಬಿತೆಡ್ ತುಳು ಸಂಸ್ಕೃತಿ ದಾದ ತೋಜುಂಡುಂದು
ಓದುಗರ್ ಕೇನ್ವರ್. ಉಂದೆಟ್ ರೈಕುಲೆನ ಬದ್ಕ್ ಬೊಕ್ಕ ಬರವು ಉಂಡು ಪನ್ಪಿನವೇ
ಮೂಲು ಮುಖ್ಯ. “ನೇಗಿಲಿನ ಸಮಕೆ ಲೇಖನಿ ಹಿಡಿದ ಕೈಯಲ್ಲಿ 1 ಗೆರೆ ತಪ್ಪದಿರೆ
ಬರೆವೆ ಭೂಪಟದಿ, ಪುಟದಿ; ತಲೆಯ ತೂಗಿತು ತೆನೆಯ ಭಾರದಲಿ ನವಶಾಲಿ |
ಅರಳಿ ಬಂದಿತೊ ಕವಿತೆ, ಹೊಸತು ಸಂಪುಟದಿ | ಪಂದ್ ಬರೆಯಿನ ಈ ಸಾಲ್ಲೆಡ್
ರೈಕುಲೆನ ಬೆನ್ನಿ ಬೊಕ್ಕ ಸಾಹಿತ್ಯ ಬೆನ್ನಿದ ದುನಿಪು ಈ ಕಬಿತೆಡ್ ಗಟ್ಟಿಯಾದ್ ಮೂಡ್ದು
ಬತ್ತದ್ಂಡ್.
ಇಂಚ 'ಕಯ್ಯಾರೆರ್ನ ಕಬಿತೆಲು' ಪನ್ಪಿ ಈ ಸಂಪೊಲಿಕೆದ ಕೋಪೆಡ್ ತುಳುನಾಡ್,
ತುಳು ಭಾಷೆ, ತುಳು ಸಂಸ್ಕೃತಿ, ತುಳು ಪರಿಸರ, ತುಳು ಜನ, ಆಚಾರ-ಇಚಾರೊಲು,
ತುಳುತ್ತ ಬಹುಮುಖೀ ಆಲೋಚನೆಲು ನೆಗತ್ತ್ ತೋಜುಂಡು. ಅಲ್ಪಲ್ಪ ಕಯ್ಯಾರೆರ್ನ
ಭಕ್ತಿದ ಭಾವೊಲು ಉರ್ಕುದು ತೋಜುನೆನ್ ತೂವೊಲಿ. ಗೇಯತೆದ ಗುಣ ಇಪ್ಪುನ
ಅರೆನ ಕಬಿತೆಲು ಜನ ಸಾಮಾನ್ಯರೆಗ್ಲಾ ಅರ್ಥ ಆಪಿನವು. ಒಂಜಿ ನಾಡ್ ಕಟ್ಟುನ
ಸಂದರ್ಭೋಡು, ಬಾಸೆ ಒರಿಪುನ ಸಂದರ್ಭೋಡು ಜನ ಸಾಮಾನ್ಯರೆಲ್ಲಾ ವಿಚಾರೊಲು
ತಡ್ಕೊಂಡನೇ ಅವು ಸಾರ್ಥಕತೆ ಪಡೆಯೊನುನು. ಈ ದಿಟ್ಟಿಡ್ ನಮ ಕಯಾರರ ತುಳು
ಕಬಿತೆಲೆನ್ ತೂವೊಡಾಪುಂಡು.
ಸೊಲ್ಮೆ ಸಂದಾಯ: ಕಯ್ಯಾರೆ ಕಬಿತೆಲೆ ಬೂಕುನೊಂಜಿ ಇಂಚ ಮಲ್ಪುಗ ಪನ್ನಗ ಎಂಕ್ಲೆನ ಅಕಾಡೆಮಿದ ಮಾತೆರ್ಲಾ ಉಂದು ನಮ್ಮ ಕಯ್ಯಾರೆರೆಗ್ ಅಕಾಡೆಮಿ ಕೊರ್ಪುನ ಗೌರವೊ ಪಂದ್ ಸಂತೋಸುಡೆ ಒತ್ತೊಂದರ್. ಕರ್ನಾಟಕ ಸಾಹಿತ್ಯ ಅಕಾಡೆಮಿದ ಅಧ್ಯಕ್ಷೆ ಶ್ರೀಮತಿ ಎಮ್. ಜಾನಕಿ ಬ್ರಹ್ಮಾವರ, ರಿಜಿಸ್ಟ್ರಾರ್ ಶ್ರೀ ಬಿ. ಚಂದ್ರಹಾಸ ರೈಕುಲು ಅಂಚನೆ ಅಕಾಡೆಮಿದ ಸರ್ವ ಸದಸ್ಯೆರೆಗ್ಲಾ ಮೋಕೆಡ್ ಸೊಲ್ಮೆ ಸಂದಾಯ ಮಲ್ತೊನುವೆ. ಅಂಚನೆ ಕಯಾರೆರ್ನ ಈ ಬೇಲೆಡ್ ಎಂಕ್ ಸಕಾಯೊ ಮಲ್ತಿನ ಎನ್ನ ಗುರು ಸಮಾನೆರಾಯಿನ ಶ್ರೀ ಯು. ದಿವಾಕರ ರೈ ಮಂಜೇಶ್ವರ ದಾರೆಗ್, ಕಯ್ಯಾರೆರ್ನ ಕುಟುಮೊದ್ಲಕ್ಲೆಗ್ಲಾ ಸೊಲ್ಮೆಲು. ಪೊರ್ಲುಡು ಅಚ್ಚಿ ಮಲ್ತ್ ಕೊರಿನ ಆಕೃತಿ ಪ್ರಿಂಟ್ಸ್ದ ಕಲ್ಲೂರು ನಾಗೇಶ ಬೊಕ್ಕ ಅರೆನ ಬಳಗದಕ್ಲೆಗ್ ಅಂಚನೆ ಮಾತಾ ತುಳುವ ಬಂಧುಲೆಗ್ಲಾ ಅರ್ತಿಡ್-ಪಿರ್ತಿಡ್ ಸೋಲೈತ್ದ್ ಸೊಲ್ಮೆ ಸಂದಾವೆ.
ಸಂಪಾದಕೆ
xii
