ಕೊರ್ಲೇಂದ್ ಕೇಣ್ಯರ ಸುರುಮಲ್ತೆರ್. ಬ್ಯಾಂಕ್ಗ್ ಬಾಕಿಲ್ ಪಾಡೊಡಾಂಡ್. ಪಣಿಯಾಡಿದಾರೆನ ಬಗ್ಗೆ ಯಾನ್ ಡಾ. ಟಿ.ಎಂ.ಎ. ಪೈಕುಲೆಡ ಕೇಣ್ನಗ 'ಪಣಿಯಾಡಿದಾರ್ ಊರು ಬುಡುದು ಪೋಯೆರೆ ಬಲ್ಲಿತ್ತ್ಂಡ್ ". ಇಂಚ ಆರ್ ಪಂಡೆರ್. ಕಾರ್ಪೊರೇಶನ್ ಬ್ಯಾಂಕ್ ಸ್ಥಾಪನೆ ಮಲ್ತಿನ ಹಾಜಿ ಅಬ್ದುಲ್ಲಾ ಸಾಹೇಬೆರ್ ಊರು ಬುಡ್ಡು ಜೀವ ಗೆತೊಂಡರ್. ಪಣಿಯಾಡಿದಾರ್ ಊರುಬುಡುದು ಪೋಯೆರ್. ಉಂದು ರಡ್ಡ್ ಲಾ ಉಡ್ಪಿದ ಇಂಚಪದ ಚರಿತ್ರೆದ ಕಯ್ಪೆ ನಿನೆಪುಲು.
"ಊರುಡು ನಂಜಾಂಡ ಪಾರ್ದ್ ಬದ್ಕೊಡು" ಇಂಚ ಒಂಜ ತುಳು ಗಾದೆ ಉಂಡು. ಪಣಿಯಾಡಿದಾರ್, ತುಳುನಾಡ್ ಬ್ಯಾಂಕ್ ಮುರ್ಕಿಕೂಡ್ಲೆ ಪೆದ್ದ್ ದಿ ಅಪ್ಪೆ, ಬಂಜಿನಾಲ್ ಬುಡೆದಿ- ಜೋಕುಲೆನ್ ಬುಡ್ಡು ಪಣಂದೆ ಪೋಯೆರ್. ಕೆಲವು ತಿಂಗೊಲುಡ್ಡು ಬೊಕ್ಕ ಊರುಗು ಬತ್ತ್ದ್ ಬುಡೆದಿ - ಜೋಕುಲೆನ್ ತಮಿಳುನಾಡ್ದ ಮಧುರೆಗ್ ಲೆಸೊಂದು ಪೋಯೆರ್. ಪಣಿಯಾಡಿದಾರೆನ ಅಪ್ಪೆ ಯಮುನಕ್ಕ ಮಗನ ಸೋಲುನು ತೂದು ಇಲ್ಲದ ಉಗ್ಗೆಲ್ ಗ್ ಬೂರುದು ಸೈತೆರ್.
೯
ಮಧುರೆ ಮದ್ರಾಸ್ಡ್
ಪಣಿಯಾಡಿದಾರ್ ಉಡ್ಪಿ ಬುಡುದು ಮಧುರೆಗ್ ಪೋಯಿನಾರ್ ಅವುಲು ಊದುಬತ್ತಿದ ಅಂಗಡಿ ದೀವೊಂದು ಬಂಗೊಡು ಬದ್ಕಿಯೆರ್. 1942ನೇ ಇಸ್ವಿ ಸ್ವಾತಂತ್ರ್ಯ ಚಳವಳ ಜೋರಾವೊಂದಿತ್ತ್ಂಡ್. ಒಂಜಿ ದಿನ ಮಧುರೆಡ್ ಕರ್ಫ಼್ಯು ಇತ್ತ್ಂಡ್. ಪಣಿಯಾಡಿದಾರ್ ದೇವಸ್ಥಾನೊಗ್ ಪೋವೊಂದಿತ್ತೆರ್. ರಸ್ತೆಡ್ ಲಾಠಿಚಾರ್ಜ್ಡ್ ಪೆಟ್ಟ್ ತಿಂದ್ ದ್, ಮತಿ ತತ್ತ್ ದ್ ಬೂರ್ಯೆರ್. ಉಡ್ಪಿಡಿಪ್ಪ್ನಗ ಆರೆನ ಒಂಜಿ ಮೂಜಿ ವರ್ಸದ ಬಾಲೆ (ಮುರಳೀಧರ) ಸೈತ್ದಿತ್ತ್ಂಡ್. ಮಧುರೆಡ್ ಆರ್ ತನ ಪದಿನೆಣ್ಮ ವರ್ಸೊದ ಮಗ ರಮಾಕಾಂತನ್ ಕಲೆವೊಂಡೆರ್. ಪಣಿಯಾಡಿದಾರೆನ ಬುಡೆದಿ ಭಾರತಿಬಾಯಿ 1945ಟ್ ತೀರ್ದ್ ಪೋಯೆರ್.
1950ಡು ಪಣಿಯಾಡಿದಾರ್ ಮದ್ರಾಸ್ಡ್ ಬುಡಾರ ಮಲ್ತೆರ್. ಕನ್ನಡ ಸಿನೆಮಾಲೆನ್ ಪ್ರದರ್ಶನೊಗು ಕೊರಿನ ಒಂಜಿ ಏಜೆನ್ಸಿ ಸುರುಮಲ್ತೆರ್. ತನ ಜೋಕುಲೆನ್ (ವಾದಿರಾಜ್, ಜವಹರ್, ಹರಿಣಿ) ಕನ್ನಡ ಸಿನಿಮಾರಂಗೊಡು ದುಂಬು ಪೋವರೆ ಉಮೇದ್ ಕೊರ್ಯೆರ್.
ಮಧುರೆಡಿಪ್ಪುನಗ ಪಣಿಯಾಡಿದಾರೆಗ್ ಸರಕಾರೊಡ್ಡು ಒಂಜಿ ಕಾಕಜಿ ಬತ್ತ್ಂಡ್. "ಈರ್ ಸ್ವಾತಂತ್ರ್ಯ ಚಳವಳೊಟ್ಟ್ ಬೆನ್ನಿನಾರ್, ಈರೆಗ್ ಪದಿನೈನ್ ಎಕ್ರೆ ಜಾಗ ಕೂರ್ಪ. ವೋಲ್ ಆವೊಂದ್
19
