`ಮುಕುಂದ ನಿವಾಸ'ದೌಲು ಆರೆನ ಇಲ್ಲ್ ಇತ್ತ್ಂಡ್. ಆರ್ 1932ನೆ ಇಸ್ವಿಡ್ ಉಡ್ಪಿಡ್ ತುಳುನಾಡು ಪ್ರೆಸ್ನ್, 1934ಟ್ಟ್ ಮಣಿಪಾಲೊಡು ಮಣಿಪಾಲ ಪ್ರೆಸ್'ನ್ ಸುರುಮಲ್ತೆರ್. 1937ಟ್ಟ ಪಾ.ವೆಂ. ಆಚಾರ್ಯ ಮಣಿಪಾಲ ಪವರ್ ಪ್ರೆಸ್ದ ಮೆನೇಜರ್ ಆದ್ ಸೇರ್ಯೆರ್. ಮದ್ರಾಸ್ಡ್ ಇತ್ತಿನ ಅನ್ನಿ ಬೆಸೆಂಟ್ರನ `ನ್ಯಾಷನಲ್ ಪ್ರೆಸ್ದ ಒಂತೆ ಮೆಶಿನ್ಸನ್ ಪಣಿಯಾಡಿದಾರ್ ಮಣಿಪಾಲ ಪ್ರೆಸ್ಗ್ ತರ್ಪುಡಿಯೆರ್ಗೆ. `ತುಳು ಸಾಹಿತ್ಯ ಮಾಲೆ'ದ ಮಸ್ತ್ ಬೂಕುಲು ತುಳುನಾಡ್ ಪ್ರೆಸ್ಡ್ ಅಚ್ಚಾತ.
ತುಳುನಾಡ್ ಬ್ಯಾಂಕ್ ಕತೆ ಪಣಿಯಾಡಿದಾರೆನ ಸೋಲುದ ಕತೆ, ಹಾಜಿ ಅಬ್ದುಲ್ಲಾ ಸಾಹೇಬರ್ 1906ಟ್ಟ್ ಉಡ್ಪಿಡ್ ಸ್ಥಾಪನೆ ಮಲ್ತಿನ ಕಾರ್ಪೊರೇಶನ್ ಬ್ಯಾಂಕ್ ದಕ್ಷಿಣ ಕನ್ನಡ ಜಿಲ್ಲೆದ ಸುರುತ್ತ ಬ್ಯಾಂಕ್. ಕೆನರಾ ಬ್ಯಾಂಕ್ (ಕುಡ್ಲ - 1906), ಪಾಂಗಾಳ ನಾಯಕ್ ಬ್ಯಾಂಕ್ (1920-ಉಡುಪಿ) ಜಯಲಕ್ಷ್ಮಿ ಬ್ಯಾಂಕ್ (ಕುಡ್ಲ - 1923), ಕರ್ಣಾಟಕ ಬ್ಯಾಂಕ್ (ಕುಡ್ಡ - 1924), ಉಡುಪಿ ಬ್ಯಾಂಕ್ (ಉಡುಪಿ - 1925) ಕೆಥೋಲಿಕ್ ಬ್ಯಾಂಕ್ (ಕುಡ್ಡ - 1925) ಸಿಂಡಿಕೇಟ್ ಬ್ಯಾಂಕ್ (ಉಡುಪಿ - 1925) ಮೂಲ್ಕಿ ಬ್ಯಾಂಕ್ (ಮೂಲ್ಕಿ - 1929) ವಿಜಯ ಬ್ಯಾಂಕ್ (ಕುಡ್ಡ - 1931} ಬ್ಯಾಂಕ್ ಆಫ್ ಮಂಗಳೂರು (ಕುಡ - 1931) ಕುಂದಾಪುರ ಬ್ಯಾಂಕ್ (ಕುಂದಾಪುರ - 1932) ದಕ್ಷಿಣ ಕನ್ನಡ ಜಿಲ್ಲೆಡ್ 1932 ಮುಟ್ಟ ಸುರುವಾಯಿನ ಬ್ಯಾಂಕುಲು ಈತ್.
ಪಣಿಯಾಡಿದಾರ್ ಸಪ್ಲೈ ಏಜೆನ್ಸಿ (ಲಿ) ಪಣ್ಪಿನ ಸಂಸ್ಥೆನ್ ನಡಪುಡೊಂದು ಇತ್ತೆರ್. ಉಂದೆನೇ ಮಲ್ಲೆ ಮಲ್ತ್ದ್ ತುಳುನಾಡು ಬ್ಯಾಂಕ್ ಆಫ್ ಸಪ್ಲೈ ಏಜೆನ್ಸಿ (ಲಿ)ನ್ ಆರ್.2.10.1933ಟ್ಸ್ ಸ್ಥಾಪನೆ ಮಲ್ತೆರ್. ತುಳುನಾಡ್ ಪ್ರೆಸ್ಲಾ ಈ ಬ್ಯಾಂಕ್ಗ್ ಸೇರ್ದಿತ್ತ್ಂಡ್. ಈ ಬ್ಯಾಂಕ್ 1933ಡ್ದ್ 1939ಮುಟ್ಟ ಬುಲೆವೊಂದಿತ್ತ್ಂಡ್. 1939ಡು ಈ ಬ್ಯಾಂಕ್ ವ್ಯವಹಾರ ಒಂಜಿ ಲಕ್ಷ ಐನ್ ಸಾವಿರೊಡ್ದು ಹೆಚ್ ಇತ್ತ್ಂಡ್. ಈ ಬ್ಯಾಂಕ್ ಆಜಿ ಶೇಕಡ ಬಡ್ಡಿ ಕೊರೊಂದಿತ್ತ್ಂಡ್.
1940ನೆ ಇಸ್ಟಿಡ್ ನವಂಬರ್ 3 ದಾನಿ `ತುಳುನಾಡು ಬ್ಯಾಂಕ್'ದ ಕತೆ ಮುಗಿಂಡ್. ಡಾ| ನವೀನಚಂದ್ರ ತಿಂಗಳಾಯೆರ್ ಪಣ್ಪಿಲೆಕ್ಕ, 'ಪ್ರೆಸ್ದ ಬೇರೊಡು ಮಸ್ತ್ ನಷ್ಟ ಆದ್ ಈ ಬ್ಯಾಂಕ್ ಬುಳೆಪಿನೆಡ್ದ್ ದುಂಬೇ ಸೈತ್ಂಡ್' (ತಿಂಗಳಾಯ - 1986, ಪು. 15) ತುಳುನಾಡ್ ಬ್ಯಾಂಕ್ ಎಂಚ ಮುರ್ಕುಂಡಂ ಪಣ್ಪಿನೆಕ್ಕ್ ಉಡ್ಪಿದ ಪರಬೆರ್ ಬೇತೆ ಬೇತೆ ಕತೆ ಪಣ್ಪೆರ್. ಪಣಿಯಾಡಿದಾರೆನ ಗಾಂಧೀವಾದ, ಸಮಾಜ ಸುಧಾರಣೆಲೆನ್ ಒಪ್ಪಂದಿನಗುಲು, ಆರ್ ರೈಸುನೆನ್ ತೂದು ಕಿಚ್ಚಾವೊಂದಿತ್ತಿನಗುಲು ಆರನ ಜಾತಿಡ್ಲಾ, ಬೇತೆ ಜಾತಿಡ್ಲಾ ಇತ್ತೆರ್. ಇಂಚಿನಗುಲು ಕೆಲವೆರ್ ತುಳುನಾಡು ಬ್ಯಾಂಕ್ ದಿವಾಳಿ ಆಂಡ್ಂದ್ ಸುಳ್ಳು ಸುದ್ದಿ ಪುಟ್ಟಾಯೆರ್.ಈ ಸುದ್ದಿನ್ ನಂಬಿನಗುಲು ಬ್ಯಾಂಕ್ಗ್ ಬತ್ತ್ ದ್ ಡಿಪಾಸಿಟ್ ವಾಪಾಸ್
18
