ಕೊರಡ್ಕಲ್ ಶ್ರೀನಿವಾಸ ರಾವ್ ಬೊಕ್ಕ ಬೇತೆ ಸಾಹಿತಿಲೆನ ಕನ್ನಡ ಬೂಕುಲೆನ್ ಪಣಿಯಾಡಿದಾರ್ ತನ್ನ ಸಪ್ಲೈ ಏಜೆನ್ಸಿಡ್ ಅಚ್ಛ್ ಮಲ್ಪಾಯೆರ್.
೭
ಅಂತರಂಗ'
`ಅಂತರಂಗ' ಪಣಿಯಾಡಿದಾ ಉಡ್ಪಿಡ್ ಪ್ರಕಟ ಮಲ್ಪಾವೊಂದಿತ್ತಿನ ಕನ್ನಡ ಮಾಸಪತ್ರಿಕೆ. `ಅಂತರಂಗ'ಡ್ಡಾವರ ಪಣಿಯಾಡಿದಾರೆನ ಪುದರ್ ಕರ್ನಾಟಕೊಡು ಮಾತ ಊರುಡು ರೈಸ್ಂಡ್. ಕೆ. ಹೈದರ್, ಎಂ.ವಿ. ಹೆಗ್ಡೆ, ಪಾ.ವೆಂ. ಆಚಾರ್ಯ, ಎನ್.ಎಸ್. ಕಾರಂತ ಮೊಗುಲು 'ಅಂತರಂಗ'ದ ಸಂಪಾದಕ ಮಂಡಳಿಡಿತ್ತೆರ್. ಕೊರಡ್ಕಲ್ ಶ್ರೀನಿವಾಸ ರಾಯೆರ್, ಪಾದೂರು ವಾಸುದೇವ ಉಪಾಧ್ಯ ಈ ಪತ್ರಿಕೆಗ್ ಬೆರಿಸಾಯ ಕೊರೊಂದಿತ್ತೆರ್.
ಪಣಿಯಾಡಿದಾರ್ ಉಡ್ಪಿ ಬುಡ್ಡು ಪೋಯಿಬೊಕ್ಕ ಒಂತೆ ವರ್ಸ 'ನವಯುಗ' ಪತ್ರಿಕೆದ ಕೆ. ಹೊನ್ನಯ್ಯ ಶೆಟ್ಟಿ (1905-1974) `ನವಯುಗ' ಪತ್ರಿಕೆನ್ ನಡಪಾಯೆರ್. ಮಹಾಯುದ್ಧ ಮುಗಿಬೊಕ್ಕ (1945) ಅಂತರಂಗನ್ ಉಂತಾದ್ ಅಂತರಂಗ'ದ ಪುದರ್ಡ್ ಒಂಜಿ ಪುಸ್ತಕಮಾಲೆನ್ ಸುರುಮಲ್ತೆರ್.
`ಅಂತರಂಗ' ಪತ್ರಿಕೆ ಇಂಚ ಇತ್ತ್ಂಡ್ಂದ್ ಬನ್ನಂಜೆ ರಾಮಾಚಾರ್ಯರ್ ಪಣ್ಪೆರ್- `ಅಂತರಂಗ' ವಾರಪತ್ರಿಕೆ ಆ ಕಾಲೊಡು ಒಂಜಿ ಕ್ರಾಂತಿಕಾರಿಯಾಯಿನ ಪ್ರಯೋಗ ಆದಿತ್ತ್ಂಡ್. ಇತ್ತೆದ `ಸುಧಾ' `ಕರ್ಮವೀರ' ತರಂಗ' ಆಕಾರೊಡು ಬಜೀ ಒಂಜಾಣೆಗ್ ಕೊರೊಂದಿತ್ತಿನ ಈ ಪತ್ರಿಕೆ ಬಾರಿ ಬೇಗ ಕರ್ನಾಟಕೊದ ಜನಕುಲೆನ ಮನಸ್ಸಿನ್ ಗೆಂದ್ಂಡ್. ಅಪನಗ ಜನಪ್ರಿಯವಾದಿತ್ತಿನ `ಪ್ರಜಾಮತ'ದ (ಬೆಂಗಳೂರ್ದವಾರ ಪತ್ರಿಕೆ) ಸಂಪಾದಕರಾದಿತ್ತಿನ ಶ್ರೀ ಬಿ.ಎನ್. ಗುಪ್ತರ್ ಅಂತರಂಗ ರೈಸುನೆನ್ ತೂದು, `ಉಂಬೆ ಒಲ್ತುಡ್ಡು ಬತ್ತಪ್ಪಾ, ಗ್ರಾಚಾರಂದ್ ಕಂಗಾಲಾದ್ ಪಾತೆರಿಯೆರ್ಗೆ. 'ಅಂತರಂಗ' ಕಂಡಿತವಾದ್ಲಾ ಉಡ್ಪಿದ ಪತ್ರಿಕೋದ್ಯಮೊಗು ಏರ್ಕೆನ್, ರಂಗ್ನ್, ಇನೆದಾಂತಿನ ಗೇಲ್ನ್ ಕೊಣತ್ತ್ ದ್ ಕೊರ್ಂಡು' (ಮುರಳೀಧರ ಉಪಾಧ್ಯ (ಸಂ) 1995)
೮
ತುಳುನಾಡು ಬ್ಯಾಂಕ್
ಪಣಿಯಾಡಿದಾರ್ ಉಡ್ಪಿಡ್ `ಭಾರತ ವಸ್ತು ಮಂದಿರಂದ್ ಅಂಗಡಿ ದೀದಿತ್ತೆರ್.ಇತ್ತೆದ
17
