ಈರೆ ತೆರಿಪಾವೊಡು" ಈ ಕಾಕಜಿನ್ ತೂದು ಪಣಿಯಾಡಿದಾರೆಗ್ ಪಿಸ್ರ್ ಬತ್ತ್ಂಡ್. `ಯಾನ್ ಜೈಲ್ಗ್ ಪೋಯಿನಿ ಆಸ್ತಿ ತಿಕ್ಕುಂಡೂಂದ್ ಅತ್ತ್ಂದ್ ಆರ್ ಪಂಡೆರ್ಗೆ. ಈ ಸಂಗತಿನ್ ನಿನೆಪು ಮಲ್ತೊಂದು ಆರೆನ ಮಲ್ಲಮಗೆ ವಾದಿರಾಜ್ ಪಣ್ಪೆರ್ - `ಅಪಯನ ಆದರ್ಶತ್ತಾವರ ಎಂಕ್ಲೆಗ್ ಮಸ್ತ್ ಕಷ್ಟ - ನಷ್ಟ ಆತ್ನ್ " ಸ್ವಾತಂತ್ರ್ಯ ತಿಕ್ಕಿಬೊಕ್ಕ ಪಣಿಯಾಡಿದಾರೆಗ್ ರಾಜಕೀಯೊಡು ಹೆಚ್ಚಿಗೆ ಮೋಕೆ ಇಜ್ಜಿ, ಸುಭಾಸ್ಚಂದ್ರ ಬೋಸೆರೆನ ಸಾವುದ ಸುದ್ದಿ ಕೇಣ್ದ್ ಆರ್ ಕಂಗಾಲಾಯೆರ್ಗೆ. 1940ನೆ ಇಸ್ಟಿಡ್ ಉಡ್ಪಿ ಬುಡ್ಡು ಪೋಯಿನ ಪಣಿಯಾಡಿದಾರ್ ಅಯಿಡ್ಡ್ ಬೊಕ್ಕ ಒರಲಾ ಉಡ್ಪಿದಂಚಿ ತರೆಪಾಡ್ದ್ ಜೆತ್ಜೆರ್.ಉಡ್ಪಿಡ್ ಒರಲಾಬತ್ತಿಜ್ಜ್ಯೆರ್. 1959 ಇಸ್ವಿ ಸೆಪ್ಟೆಂಬರ್ 13ನೆ ತಾರೀಕ್ ಎಸ್.ಯು. ವಣಿಯಾಡಿದಾರ್ ತಿಗಲೆ ಸಂಕಟೊಡು ತೀರ್ದ್ ಪೋಯೆರ್.
ಎಸ್.ಯು. ಪಣಿಯಾಡಿದಾರೆನ ಬುಡೆದಿ ಭಾರತಿಬಾಯಿ ಪಣಿಯಾಡಿ ಬರೆದಿನ ಕೆಲವು ಕನ್ನಡ ಕತೆಕುಲು ಪತ್ರಿಕೆಲೆಡ್ ಅಚ್ಚಾದಿತ್ತ. ಭಾರತಿಬಾಯಿನ ತಂಗಡಿಲು - ಜಾನಕಿಬಾಯಿ, ಸರಸ್ವತಿ ಬಾಯಿ ಬೊಕ್ಕ ಮಂದಾಕಿನೀ ಬಾಯಿ ಪೊಣ್ಜೊವುಲೆಗ್ ಕಲ್ಪಾವುನೆತ್ತ ಬಗ್ಗೆ ಮಸ್ತ್ ಬೇಲೆ ಮಲ್ತೆರ್. ಕಂಡನೆ ಸೈತ್ಂಡ ಬುಡೆದಿನ (ವಿಧವೆನ) ತರೆಬೋಳು ಮಲ್ಪುನ ಸಂಪ್ರದಾಯ ಬ್ರಾಣೆರೆ ಜಾತಿಡ್ ಇತ್ತ್ಂಡ್. ಸರಸ್ವತಿ ಬಾಯಿ ತನಕಂಡನೆ ಮಹೋಪಾಧ್ಯಾಯ ಪದ್ಮನಾಭ ಶಾಸ್ತ್ರಿಲು ಸೈತಿ ಬೊಕ್ಕ ತನ ತರೆಬೋಳು ಮಲ್ಪೆರೆ ಒಪ್ಪಿಗೆ ಕೊರಂದೆ ಎದ್ರ್ ಉಂತ್ಯೆರ್. ನೆಕ್ಕ್ ಪಣಿಯಾಡಿದಾರೆನ ಬೆರಿಸಾಯಲಾ ಇತ್ತ್ಂಡ್.
ವಾದಿರಾಜ್, ಜವಹರ್, ಹರಿಣಿ ಬಿ.ಎಸ್. ರಾವ್, ರೇವತಿ ರಾವ್ ಬೊಕ್ಕ ರೋಹಿಣಿ ಹಾನಗಲ್ ಪಣಿಯಾಡಿದಾರೆನ ಜೋಕುಲು. ಮೊಗುಲು ಮಾತೆರೆಲಾ ಬೆಂಗ್ಳೂರ್ಡ್ ಉಲ್ಲೆರ್. ಹರಿಣಿ ಕನ್ನಡ ಸಿನೆಮೊಲೆನ ನಟಿ ಆದ್ ಪುದರ್ ಮಲ್ದೆರ್. ಹಾಸ್ಯ ಪಾತ್ರೊಡು ಮಿಂಚಿದಿನ ವಾದಿರಾಜೆರೆ ಪುದರ್ ಮಾತೆರೆಗ್ಲಾ ಗೊತ್ತುಂಡು. ಆರ್. ಅಂದಾಜ್ ನೂದು ಕನ್ನಡ ತೆಲುಗು-ತಮಿಳ್ ಸಿನಮಾಲೆಡ್ ಪಾತ್ರ ಮಲ್ತೆರ್. ವಾದಿರಾಜೆರ್ ತಯಾರ್ ಮಲ್ಪಾದಿನ ಕನ್ನಡ ಸಿನಮೊಲು ನಂದಾದೀಪ (1962) ನವಜೀವನ (1964) ನಾಂದಿ (1964) ನಮ್ಮ ಮಕ್ಕಳು (1969) ಕಾಕನ ಕೋಟೆ (1976) ದಂಗೆ ಎದ್ದ ಮಕ್ಕಳು (1979), ನಂದಾದೀಪ', `ನವಜೀವನ' ಸಿನಮೊಲೆಗ್ ರಾಷ್ಟ್ರಪ್ರಶಸ್ತಿ ತಿಕ್ಕ್ದ್ಂಡ್. `ನಾಂದಿ' ಕಾಮನ್ವೆಲ್ತ್ ಫಿಲ್ಮ್ ಫೆಸ್ಟಿವಲ್ ಲಂಡನ್ಗ್ (1965) ಪೋದಿತ್ತ್ಂಡ್.
೧೦
ಪಣಿಯಾಡಿದಾರ್ - ಜನ ಎಂಚ ?
ಸಂಸ್ಕೃತ ವಿದ್ವಾಂಸೆ ಆದಿತ್ತಿನ ಪಣಿಯಾಡಿದಾರ್ ತುಳು ಚಳವಳ ಸುರು ಮಲ್ದಿನಿ ಎಲ್ಯ ಸಂಗತಿ
20
