ಶೀನಪ್ಪ ಹೆಗ್ಡೆರ್, ತುಳುವ ಮಹಾಸಭೆ ಕಚೇರಿನ್ ತನ್ನ ಊರು ಪುರಾಲ್ (ಪೊಳಲಿ)ಗ್ ಕೊಣತ್ತೆರ್. ಶೀನಪ್ಪ ಹೆಗ್ಡೆರ್ಲಾ ಬಡಕಬಯಿಲ್ ಪರ್ಮೇಸ್ರಾಯೆರ್ಲಾ 1948ಮುಟ್ಟ ತುಳುವ ಮಹಾಸಭೆನ್ ನಡಪಾದ್ ಬೊಕ್ಕ ಉಂತಾಯೆರ್.ಕರ್ನಾಟಕ ಏಕೀಕರಣದಗುಲೆನ ದೊಂಡೆ ಮಲ್ಲೆ ಆದ್, ತುಳು ಚಳವಳತ್ತ ಕೂಕ್ಳು ಮೆಲ್ಲ ಆಯಿನವೇ ನೆಕ್ ಕಾರಣ.
೫
ತುಳು ಕಾಕಜಿಲು
ಪಣಿಯಾಡಿದಾರ್ ತನ್ನ ತುಳು ಚಳವಳಿ ದೋಸ್ತಿಲೆಗ್ ತುಳುಟ್ಟೇ ಕಾಕಜಿ ಬರವೊಂದಿತ್ತೆರ್.ಪಣಿಯಾಡಿದಾರೆಗ್ ಬೈದಿತ್ತಿನ ಒಂತೆ ಕಾಕಜಿಲು ಉಡ್ಪಿದ ಗೋವಿಂದ ಪೈ ಸಂಶೋಧನ ಕೇಂದ್ರೊದ `ತುಳುವ' (ಸಂಪುಟ -1, ಸಂಚಿಕೆ - 4, 1980) ಪತ್ರಿಕೆಡ್ ಅಚ್ಚಾತ.
ಪಣಿಯಾಡಿದಾರೆಗ್ ದಕ್ಷಿಣ ಆಫ್ರಿಕೊದ ಮೂಲನಿವಾಸಿನ ಶಿಕ್ಷಣ ಇಲಾಖೆದ ಪರೀಕ್ಷಾಧಿಕಾರಿಡ್ದ್ 'ಜುಲುವ್ಯಾಕರಣ' ಬೊಕ್ಕ `ಜುಲು ಸಂಪ್ರದಾಯಗಳು ಬೊಕ್ಕ ಜಾನಪದ' ಈ ರಡ್ಡ್ ಬೂಕುಲೆನ್ ತರ್ಪುಡ್ದಿನ ಸಂಗತಿ ಒಂಜಿ ಕಾಕಜಿಡ್ ತೆರಿದ್ ಬರ್ಪುಂಡು. ಪೊಳಲಿ ಶೀನಪ್ಪ ಹೆಗ್ಡೆರ್ ಪಣಿಯಾಡಿದಾರೆಗ್, `ತನಕುಳೆ ಅಪ್ಪಣೆ ಆಂಡ ತುಳು ಭಾಷೆದ ಸೇವೆ ಮಳ್ಪೆರ್ ತಯಾರ್ ಉಳ್ಳಂದ್ (30-8-1929) ಬರೆಯೆರ್. ಸತ್ಯಮಿತ್ರ ಬಂಗೇರರ್, `ತುಳುವೆರೆನ್ ಲಕ್ಕಾವರೆ ಸಾಧಾರಣ ಪ್ರಾಪಗಾಂಡ ಈಯ್ಯಾಂದ್, ಸುಮಾರಾದ್ ಲೇಖನೊಳು ಈಯ್ಯಂದ್' (3-5-1929) ಇಂಚ ಬರೆಯೆರ್. ಬಿ. ಮೋಹನಪ್ಪ ತಿಂಗಳಾಯೆರ್ (28-3-1929) ಇಂಚ ಕಾಕಜಿ ಬರೆಯರ್” -"ಒಂಜಿ ತುಳು ರಾಷ್ಟ್ರಗೀತೆ ತಯಾರ್ ಮಳ್ದೆ. ನೆಟ್ಟ್ ತುಳುನಾಡ ನೈಸರ್ಗಿಕ ಪೊರ್ಲುಲಾ, ಸುದೆಗುಡ್ಡೆದ ವರ್ಣನೆಲಾ ಬೈದ್ಂಡ್. ತುಳುನಾಡ್ದ ಪುದರ್ಪೋಯಿ ಅರಸುಳು, ಭಕ್ತೆರ್ ಇಣ್ಪಿ ಸಂಗತಿ ಯೆಂಕ್ ಗೊತ್ತು ಇಜ್ಜಿ; ದಯಮಲ್ತ್ದ್ ಆ ಸಂಗತಿ ಪಿರ ಟಪ್ಪಾಲ್ಗೇ ಬರೆದ್ ಕಡಪುಡುಲೇ'.
ತುಳುವ ಸಾಹಿತ್ಯ ಮಾಲೆದ ಬೂಕುಲೆಡ್ ಪ್ರಯೋಗ ಮಲ್ತಿನ ತುಳುಬಾಸೆದ ಬಗ್ಗೆ ಡಿ.ಡಿ. ಇಶ್ವಾಲೆರ್ ಪಣಿಯಾಡಿದಾರೆಗ್ ಇಂಚಬರೆಯೆರ್ - "ನಮ ತುಳುಸಾಹಿತ್ಯ ಮಾಲೆದ ರಡ್ಡ್ ಪುಸ್ತಕೊಳನ್ಲಾ ಯಾನ್ ದೆತ್ತೊಂಡು ಓದಿಯೆ. ಕೋಪ ಮಳ್ಪಡೆ, ದಾನೆಂದ್ಂಡ, ಈರೆನ ಬಾಸೆ ಸಂಪೂರ್ಣ ಆದ್ ಶಿವಳ್ಳಿ ಬ್ರಾಣೆರೆನವು, ಐತ ಪ್ರತ್ಯಯೊಳೆನ್ ಈರ್ ಒಂಜಿತ್ಲಾ ಪಗಪುಜ್ಜರ್, ಉಂದೆನ್ ಓದೆರೆ ಯಂಕುಳೆಲಕ್ಕಂತಿನಾಕುಳೆಗೆ ಕಷ್ಟ" ತುಳುವಾಲ ಬಲೀಂದ್ರೆ' ಈ ಪುಸ್ತಕೊನು ಬರಯಿ ಶೀನಪ್ಪ ಹಗ್ಡೆರ್
14
