ಅಂಚಿ ಬಾಸೆನ್ ಪೂರಾಸರಿ ಮಲ್ತ್ದ್ ವಾಡಿಕೆಡ್ ಉಪ್ಪು ಸುದ್ದ ತುಳುಭಾಷೆಡೇ ಬರೆತೆರ್. ಅವೆನ್ ತೂದು ಬಾಳ ಖುಷಿ ಬುಡಿಯ" (10.12.1929).
ಧರ್ಮಸ್ಥಳ ಮಂಜಯ್ಯ ಹೆಗ್ಡೆರ್ ಪಣಿಯಾಡಿದಾರ್ ಕಡಬುಡ್ತಿನ ತುಳು ವಾರ್ಷಿಕ' ಓದುದು ಬರೆಯಿನ ಕಾಕಜಿಡ್, `ಈರ್ ಸುರುಮಲ್ತಿನ ತುಳುತ್ತ ಕೆಲಸ ಒಂಜಿ ಮಲ್ಲ ಕೆಲಸಂದ್ ಯಾನ್ ತೆರಿಯೊಣ್ದೆ. ಈರೆಗ್ ಈ ಚಳವಳೊಟ್ಟು ಗೇಲಾವಡ್ಂದ್ ಯಾನ್ ಹಾರೈಕೆ ಮಲ್ಪುವೆ' (29.6.1929)
ತುಳು ಲಿಪಿಟ್ಟೆ ತುಳುಬಾಸೆನ್ ದಾಯೆಗ್ ಬರೆಯೆರೆ ಬಲ್ಲಿಂದ್ ಮದ್ರಾಸ್ ಡಾ. ಯು. ರಾಮರಾವ್ ಬರೆಯಿನ ಕಾಕಜಿಗ್ `ತುಳುವ ಮಹಾಸಭೆ ಕಾರ್ಯದರ್ಶಿ ಪಣಿಯಾಡಿದಾರ್ ಇಂಚ ಜವಾಬುದೋಲೆ ಬರೆಯೆರ್ - "ತುಳುಟ್ಟು ದುಂಬುಡಿತ್ತಿನ ಲಿಪಿನ್ ಓದರೆ ಬ್ರಾಣೆರೆಗೇ ಮಸ್ತ್ ಜನೊಕ್ಕು ಬರ್ಪುಜ್ಜಿ. ಬೇತೆ ಜಾತಿದಗಲೆಗ್ ಅವು ಗೊತ್ತೇ ಇಜ್ಜಿ, ಇಂಚ ಇಪ್ಪುನಗ ಇತ್ತನ ಪರಿಸ್ಥಿತಿಟ್ಟ್ ಆ ಲಿಪಿ ಒಯ್ಯ್ಕ್ ಲಾ ಆವಂದ್".
ಮೊಳಹಳ್ಳಿ ಶಿವರಾಯೆರೆಗ್ ಒಂಜಿ ತುಳುನಾಟಕ ಬೋಡೂಂದ್ ಶಿವರಾಮ ಕಾರಂತೆರ್ (2- 2-1929) ಪಣಿಯಾಡಿದಾರೆಗ್ ಕಾಕಜಿ ಬರೆಯೆರ್ ಉಂದೇ ವಿಷಯದ ಬಗ್ಗೆ ಮೊಳಹಳ್ಳಿ (12.2.1929) ಬರೆದಿನ ಕನ್ನಡ ಕಾಕಜಿದ ರಡ್ಡ್ ಸಾಲ್ನ್ ತುಳುಟ್ಟು ಕೊರೊಂದುಲ್ಲೆ. 'ಕನ್ನಡ ನಾಟಕೊಲೆಡ್ ಪ್ರಯೋಜನ ಆವಂದಿನ ಆದಿದ್ರಾವಿಡ ಸಮಾಜೊದ ಜನಕುಲೆಡ ಪ್ರಚಾರೊಗ್ ಈ ನಾಟಕ ಬೋಡು. ಶಿವಳ್ಳಿ ಬ್ರಾಣೆರ್ ಪಾತೆರಿನ ಪರಿಷ್ಕಾರವಾಯಿನ ತುಳು ಮೂಲು ಬೊಡ್ಚಿ. ನಾಟಕೊಡು ಪಿರ ಒರಿದಿನ ಜನಕುಲೆನ್ ಸಾಮಾಜಿಕ ಆರ್ಥಿಕ ವಿಷಯೊಲೆಡ್ ಮಿತ್ತ್ ದೆರ್ಪೆರೆ ತಾದಿ ತೋಜಾವೊಡು"
೬
ತುಳುವ ಸಾಹಿತ್ಯಮಾಲೆ
ಪಣಿಯಾಡಿದಾರೆನ ತುಳುಚಳವಳತ್ತ ಒಂಜಿ ಮಲ್ಲ, ಒರಿದಿನ ಬೇಲೆ ಪಂಡ ತುಳುವ ಸಾಹಿತ್ಯ ಮಾಲೆ'. ಉಡ್ಪಿದ ಪೇಜಾವರ ಮಠ ಶ್ರೀ ವಿಶ್ವಮಾನ್ಯ ತೀರ್ಥ ಸ್ವಾಮಿಳು ತುಳುಸಾಹಿತ್ಯ ಮಾಲೆಗ್ ದಿಂಜ ಬೆರಿಸಾಯ ಕೊರ್ಯೆರ್. ತುಳು ಸಾಹಿತ್ಯ ಮಾಲೆಡ್ ಪಣಿಯಾಡಿದಾರ್ ಅಚ್ಛ್ ಮಲ್ಪಾಯಿನ ಬೂಕುಲು -
೧ ಬಡಕಬೈಲ್ ಪರಮೇಶ್ವರಯ್ಯೆರ್ನ - `ತುಳು ಕಿಟ್ನರಾಜಿ ಪರ್ಸಂಗೊ' (1929)
೨ಪೊಳಲಿ ಶೀನಪ್ಪ ಹೆಗ್ಡೆರೆನ- `ತುಳುವಾಲ ಬಲಿಯೇಂದ್ರ' (1929)
15
