ರಡ್ಡ್ ಸಂಘೊಳೆನ ಅಗತ್ಯ : ಬಾಸೆದ ಬುಲೆಚ್ಚಿಲಗ್ ಒಂಜಿ ಪ್ರತ್ಯೇಕ ಸಂಸ್ಥೆ, ತುಳುನಾಡ್ ಸ್ಥಾಪನೆ ಮಲ್ಪರೆ ಬೇತೆನೆ ಒಂಜಿ ಸಂಸ್ಥೆ ಅಗತ್ಯ ಪಣ್ಣಿನ ಎಂಕ್ಲೆಗ್ ಗೊತ್ತಿಜ್ಜಂದಿನ ಆತ್ತ್. ಆಂಡ ಇತ್ತೆದ ಪರಿಸ್ಥಿತಿಟ್ ರಡ್ಧ್ ಸಂಸ್ಥೆಲೆನ್ ಸುರುಮಲ್ತ್ದ್ ಬೇಲೆ ಮಲ್ಪುನಿ ಬಂಗ ಆಯಿನೆಡ್ಡಾವರ ಒಂಜೇ ಸಂಸ್ಥೆನ್ ಮಲ್ತ್ದ್, ಬೆನ್ನಿನಗುಲು ದುಂಬು ಬತ್ತಿ ಕೂಡ್ಲೆ ಆಯಿನಾತ್ ಬೇಗ ಸಾಹಿತ್ಯ ಸಂಸ್ಥೆನ್ ಬೇತೆ ಮಲ್ಲುವ. ನೆಟ್ಟ್ ಸಾಹಿತ್ಯ ಪ್ರೇಮಿಲು ಸೇರಿಪ್ಪುನೆಡ್ದಾವರ ತುಳು ಸಾಹಿತ್ಯದ ಬೆನ್ನಿ ಪೊರ್ಲುಡು ನಡಪುಂಡು. (ಎಸ್.ಯು. ಪಣಿಯಾಡಿ, ೧೯೨೮. ಭಾಷಾಂತರ - ಮುರಳೀಧರ ಉಪಾಧ್ಯ)
- ಪಣಿಯಾಡಿದಾರೆನ ತುಳುಮಹಾಸಭೆತ್ತ ಈ 'ವಿಜ್ಞಾಪನೆ' ಒಂಜಿ ಚಾರಿತ್ರಿಕ ದಾಖಲೆ. ನೆಟ್ಟ್, ತುಳುನಾಡ್ಡ ಗಡಿ, ಸ್ವತಂತ್ರ ರಾಜ್ಯ ಈ ವಿಷಯೊಲೆಡ್ ಬೇತೆ ಬೇತೆ ಗ್ರಯಿಕೆ ಉಂಡು. ಆಂಡ ತುಳು ಚಳವಳ ಎಂಚ ದುಂಬರಿಯೊಡು ಪಣ್ಪಿನೆತ್ತ ಬಗ್ಗೆ ಪಣಿಯಾಡಿದಾರ್ ಪೊರ್ಲುಡು ತಾದಿ ತೋಜಾದೆರ್ ಇನ್ಪಿನ ಅಂದಾಯಿನ ಪಾತೆರ.
ತುಳುವೆರ್ ಏರ್ಂದ್ ವ್ಯಾಖ್ಯಾನ ಮಲ್ತಿನೆಟ್ಟ `ತುಳು ಮಹಾಸಭೆ'ತ್ತ ಕಮಿಟಿದಗಲೆನ,ಪಣಿಯಾಡಿದಾರೆನ ಮಲ್ಲ ಮನಸ್ಸೇ ತೋಜುಂಡು.
೧. ತುಳುವೇ ಮಾತೃಭಾಷೆ ಆವೊಂತಿತ್ನಾಕುಳು ೨. ತುಳು ಪಾತೆರ ತೆರಿನಾಕುಳು ೩. ತುಳುನಾಡ್ಡ್ ಆವಾಸಂತೋತ್ತ್ನಾಂಕುಳು.
ಪೊಳಲಿ ಶೀನಪ್ಪ ಹಗ್ಡೆ, ಮೋಹನಪ್ಪ ತಿಂಗಳಾಯ, ಬೊಕ್ಕ ಸತ್ಯಮಿತ್ರ ಬಂಗೇರೆ ರ್ ಒಂಜೊಂಜಿ ರೂಪಾಯಿ ಕೊರ್ದು ತುಳುವ ಮಹಾಸಭೆ ಸದಸ್ಯೆರಾಯಿನೆಕ್ಕ್ ದಾಖಲೆ ತಿಕ್ಕುಂಡು.
ದಕ್ಷಿಣ ಕನ್ನಡ ಜಿಲ್ಲೆದ 6.5.1931ತ ಜಿಲ್ಲಾ ಪರಿಷತ್ ಸಭೆಟ್ಟ್ ಎಸ್.ಯು. ಪಣಿಯಾಡಿದಾರ್ ಜಿಲ್ಲೆದ ಪುದರ್ನ್ ತುಳುನಾಡುಂದ್ ದೀವೊಡುಂದು ಠರಾವು ಮಂಡನೆ ಮಲ್ತೆರ್. ಶ್ರೀ ಎನ್.ಎಸ್. ಕಿಲ್ಲೆ ಈ ಠರಾವುಗ್ ಅನುಮೋದನೆ ಕೊರ್ಯೆರ್. ಈ ಠರಾವುಗು 22 ಜನ ಒಪ್ಪಿಗೆ ಕೊರ್ಯೆರ್. 44 ಜನ ಒಪ್ಪಿಗೆ ಇಜ್ಜಿಂದ್ ಪಂಡೆರ್. ಆಂಡ, ವಿಷಯ ನಿಯಾಮಕ ಮಂಡಳಿಡ್ ಮಾಂತೆರ್ಲಾ ಈ ಜಿಲ್ಲೆಗ್ ದಕ್ಷಿಣ ಕನ್ನಡ ಜಿಲ್ಲೆಂದ್ ಪುದರ್ ದೀತಿನಿ ತಪ್ಪುಂದು ಒಪ್ಯೆರ್. `ಮಂಗಳೂರು ತುಳುನಾಡು' ಈ ರಡ್ಡ್ ಪುದರ್ಡ್ ಮಂಗಳೂರು ಜಿಲ್ಲೆ ಇನ್ಪಿ ಪುದರ್ ಆವೊಂದ್ ಹೆಚ್ಚಿದಗುಲು ಪಂಡೆರ್.
1928ಡ್ದ್ 1940 ಮುಟ್ಟ ತುಳುವ ಮಹಾಸಭೆ ಕಚೇರಿ ಉಡ್ಪಿಡ್ ಇತ್ತ್ಂಡ್. 1940ನೆ ಇಸ್ವಿಡ್ ಪಣಿಯಾಡಿದಾರ್ ಉಡ್ಪಿ ಬುಡ್ಡು ಮಧುರೆಗ್ ಫೋಯೆರ್. ಪಣಿಯಾಡಿದಾರೆನ ದೋಸ್ತಿ ಪೊಳಲಿ
13
