ಸಾಸಮಲ್ತ್ಂಡ ಈ ಬೇಲೆನ್ ಮಲ್ತ್ದ್ ತೋಜಾವೊಲಿ. ತಿರ್ಲ್ ಎಂಚಿನ ಪಂಡ ಇತ್ತೆ ಎಂಕಲ್ನ ಸುರುತ್ತ ಧೈಯೊಲು - ೧. ತುಳುನಾಡ್ದ ಸಂಘಟನೆ. ೨. ತುಳು ಬಾಸೆದ ಬುಲೆಚಲ್, ೩ ತುಳುನಾಡ್ನ ಕುಡೊರ ಸ್ಥಾಪನೆ ಮಲ್ಪುನಿ.
ಪ್ರಾಂತರಚನೆ : ಇತ್ತೆ ಇಪ್ಪುನ ರಾಜ್ಯೊಲು ದುಂಬಗ್ಲಾ ಇಂಚನೆ ಇಪ್ಪಂದೆ ಹೆಜ್ಜೆ ಕಮ್ಮಿ ಆಪುಂಡೂನ್ನಿನ ಪ್ರತಿ ಒರಿ ರಾಜಕಾರಣಿಗ್ಲಾ ಗೊತ್ತಿಪ್ಪುನ ಸಂಗತಿ. ಆವರೆಗಿಪ್ಪುನ ಪ್ರಾಂತೊಲೆನ ರಚನೆಡ್ ತುಳುವೆರ್ ಒವ್ ಭಾಗೊನು ದೆತೊನೊಡು ಪಣ್ಪ್ನ ಪ್ರಶ್ನೆಗ್ ಸರಿಯಾಯಿನ ಉತ್ತರ ಕೊರ್ಪಿನ ಸ್ಥಿತಿಟ್ಸ್ ಇಜ್ಜಿ. ಈ ರೀತಿದ ತಾದಿಡೆ ಪೋವೊಡೂಂದು ಎಂಕಲ್ನ ಸಂಸ್ಥೆ ನಿಗಂಟ್ ಮಲ್ಟಿಜ್ಜಿ. ಯೋಚನೆ ಮಲ್ತ್ದ್ ಒವ್ ಸಾಧ್ಯನಾ ಅವನೇ ನಿಶ್ಚಯ ಮಲ್ಪುವ. ಈ ಚಳವಳೂಕು ಸಂಬಂಧ ಇತ್ತಿನಗಲೆಡನೆ ಬೇತೆ ಬೇತೆ ಅಭಿಪ್ರಾಯ ಇಪ್ಪುನೆಡ್ನಾವರ ಈ ಪಾತೆರ ಪಣೊಡಾಪುಂಡು.
೧. ತುಳುನಾಡ್ನ್ ಪ್ರತ್ಯೇಕವಾದ್ ದೀದ್ ಕಮಿಶನರೆನ ಪ್ರಾಂತೊನು ಮಲ್ಲೊಡು. ಈ ಪಕ್ಷದಗಲೆಡ ಹೈಕೋರ್ಟ್ ಬೊಕ್ಕ, ವಿಶ್ವವಿದ್ಯಾನಿಲಯೊಗು ಬೋಡಾದ್ ಬೇತೆ ಒಂಜಿ ಪ್ರಾಂತೊಡು ಸೇರೊಡೂನ್ಪಿ ಅಭಿಪ್ರಾಯಲಾ ಉಂಡು,
೨. ತುಳುನಾಡ್ನ್ ಜಿಲ್ಲೆ ಆದ್ ದೀವೊಂದು ಕರ್ನಾಟಕ ಪ್ರಾಂತೊಗೇ ಸೇರ್ಸವೊಡು, ತುಳುನಾಡ್ ತನ್ನ ಸಂಸ್ಕೃತಿ ಶಿಕ್ಷಣೋಡು ಸ್ವಾತಂತ್ರ್ಯ ದೀವೊಂದು ಬಾಕಿ ಮಾತಾ ವ್ಯವಹಾರೊಲೆಗ್ ಬೋಡಾದ್ ಕರ್ನಾಟಕದ ಒಟ್ಟುಗು ಸೇರ್ಧ್ ಇಪ್ಪೊಡು. ತುಳುನಾಡು ಕರ್ನಾಟಕ ಪ್ರಾಂತೊಗು ಸೇರಿನ ಒಂಜಿ ಜಿಲ್ಲೆಯಾದಿಪ್ಪೊಡು.
೩. ಸಂಯುಕ್ತ ಪ್ರಾಂತೊನು ರಚನೆ ಮಲ್ಪೊಡೂಂದು ಮೂಜನೆದ ಪಕ್ಷ, ಕೊಡಗು, ಬ್ರಿಟಿಷ ಮಲಬಾರ್ ಬೊಕ್ಕ ತುಳುನಾಡ್ನ್ ಸೇರ್ಸ್ಧ್ ಪಡ್ಡಾಯಿ ಕರಾವಳಿತ್ತ, ಸಂಯುಕ್ತ ಪ್ರಾಂತ(United Provincess of West Coast) ರಚನೆ ಮಲ್ಪೊಡೂಂದ್ , ಶಿಕ್ಷಣೋಡು ಮೂಜಿ ನಾಡ್ದಗುಲುಲಾ ತಂಕ್ಲನ ಸ್ವಾತಂತ್ರ್ಯನ್ ದೀವೊಂದು ಬಾಕಿ ಮಾತಾ ವ್ಯವಹಾರೊಡು ಒಟ್ಟಾದಿಪ್ಸೊಡೊಂದ್ ಈ ಪಕ್ಷದಗಲೆನ ಅಭಿಪ್ರಾಯ.
ಈ ರೀತಿದ ಬೇತೆ ಬೇತೆ ಅಭಿಪ್ರಾಯೊಲು ನಮನ ಉಲಾಯಿ ಇತ್ತನೇ ಇಪ್ಪುನೆತ್ತಡ್ದಾವರ ನೆತ್ತ ಎಡ್ಡೆ ಪಡ್ಕೆನ್ ಶ್ರೇಯಸ್ಸ್ನ್ ವಿಚಾರ್ತ್ಧ್ ಇಂಚಿನವೇ ಬೋಡೂಂದ್ ನಿರ್ಧಾರ ಮಲ್ವುನ ವಿಷಯ ಈ ತುಳುನಾಡ್ದ್ ಜನೊಕುಲೆಗ್ ಸೇರ್ಧ್ಂಡ್, ಆಯಿನೆಡ್ಡಾವರ, ಎಂಕಲ್ನ ಸಂಸ್ಥೆ ಇತ್ತೆ ಎವು ಅಭಿಪ್ರಾಯನ್ಲಾ ದೀವೊಣಂದೆ ಮಾತೆರೆಗ್ಲಾ ಒಪ್ಪಿಗೆ ಆಯಿನ ಉದ್ದೇಶೊನೇ ದೀವೊಂದುಂಡು.
12
