ಮಲ್ಪೆರೆ ಆಪುಂಡೊಂದ್, ತುಳು ಬಾಸೆಡೇ ತಂಕುಲ್ನ ಗ್ರಯಿಕೆಲೆನ್ ಪಂಡ ಮರ್ಯಾದೆಗ್ ಕಮ್ಮಿ ಆಪುಜಿಂದ್ ತೆರಿಪಾದ್ ಕೊರ್ಪಿನ ಸುರುತ್ತ ಕರ್ತವ್ಯ. ತುಳುವೆರೆನ್ ತಮಿಳದಗುಲು, ಕರ್ನಾಟಕದಗುಲು ಎಂಚ ಗೌರವ ಕೊರ್ದು, ಸಸಾರ ಮಲ್ಪಂದೆ ತೂಪೆರ್ಂದ್ ಅಗಲ್ನ ಒಟ್ಟುಗು ಇತ್ತಿನಗಲೆಗ್ ಮಾತ್ರ ಗೊತ್ತುಂಡ್. ಏತೇ ಯೋಗ್ಯತೆ ಇತ್ತ್ಂಡಲಾ ತುಳುವೆ ಪಣ್ಪಿ ಒಂಜಿ ಕಾರಣಡ್ದ್ ಏತೋ ಸರ್ತಿ ಬಂಗ ಬುಡೊಡಾಪುಂಡು. ತುಳುವೆರ್ ಒಟ್ಟಾವಂದೆ ಇಪ್ಪುನವೆ, ಸ್ವಾಭಿಮಾನ ಇಜ್ಜಂದೆ ಇಪ್ಪುನವೆ ನೆಕ್ ಮೂಲ ಕಾರಣ ಆದುಂಡು. ಆಯಿನೆಡ್ಡಾವರ, ಎಂಕುಲು ತುಳುವೆರ್ ತುಳುನಾಡ್ಡ್ ತುಳು ಬಾಸೆಡೇ ಪತ್ತ್ ಸಮಸ್ತರೆನ ಕಾರ್ಯಕ್ರಮೊಲೆನ್, ಸಂಸ್ಥೆಲೆನ್ ನಡಪಾವು ನ್ಯಾಯ ಇನ್ಪಿನ ಸ್ವಾಭಿಮಾನ ತುಳುವೆರೆಡ ಸುರುಟ್ಟು ಬಲಕ್ಕೆ ಮಲ್ಪುನಿ, ತುಳುವೆರೆಡ ಸಂಘಟನಾ ಶಕ್ತಿನ್ ಪುಟ್ಟಾವುನಿ ಸುರುತ್ತ ಕರ್ತವ್ಯ. ಇಂಚಿನ ಅಭಿಮಾನೂನು ಪುಟ್ಟಾವರೆ ತುಳುವೆರ್ ತುಳುನಾಡ್ಡ್ ಬಡ್ಕೊಂದಿಪ್ಪುನಗುಲು, ದಕ್ಷಿಣ ಕನ್ನಡದಗುಲತ್ಂದ್ ತೆರಿಯೊಡಾಂಡ್. ಆಯಿನೆಡ್ಡಾವರ ತುಳು ಇನ್ಪಿನ ಪ್ರದೇಶಗು ಅವ್ವೇ ಪುದರ್ ದೀವೊಡು. ಈ ರೀತಿದ ಎಡ್ಡೆ ಚಳವಳನ್ ಸುರುಮಲ್ಪರೆ ತುಳುವೆರೆನ ಸಂಸ್ಥೆ ಅಗತ್ಯವಾಯಿನೆಡ್ದಾವರನೇ ಎಂಕಲ್ನ ಸಂಸ್ಥೆ ಪುಟ್ಟುದುಂಡು. ಕರ್ನಾಟಕ ರಾಜ್ಯೊಡು ತುಳುವೆರೆನ್ ತುಳುವೆರಾದೇ ಇಪ್ಪರೆ ಬುಡ್ಡು ದುಂಬು ಪೋಪಿನ ಎಡ್ಡೆ. ಅವೆನ್ ಬುಡ್ಡು, ತುಳುವೆರೆನ್ ಕನ್ನಡಿಗರಾದ್ ಮಲ್ಪುನೆಟ್ ತುಳುವೆರೆಗ್, ಕರ್ನಾಟಕ ಪ್ರಾಂತೊಗು, ಅಂಚನೇ ಭಾರತ ದೇಶ್ಗು ಎಡ್ಡೆ ಆವಂದ್.
ಎಂಕುಲ್ನ ಉದ್ದೇಶ ಎಂಚಿನಂದ್ ಸ್ಪಷ್ಟವಾದ್ ಪಣ್ಪಿನೆಡ್ಡಾವರ ಜನಕುಲೆನ ಮನಸ್ಸ್ ಡ್ ಬೇತೆ ಬೇತೆ ಕಲ್ಪನೆಗೆ ಅವಕಾಶ ಬರಂದ್. ತುಳುಬಾಸೆನ್ ಅಯ್ತ ಇತ್ತೆದ ಕಂಗಾಲ್ ಸ್ಥಿತಿಡ್ದ್ ಬಚಾವ್ ಮಲ್ತ್ದ್, ತುಳುಬಾಸೆಗ್ ಸಾರ್ವಜನಿಕ ಸಂಸ್ಥೆಲೆಡ್ ಮರ್ಯಾದೆ ತಿಕ್ಕರೆ ಬೋಡಾದ್ ಬೇಲೆ ಮಲ್ಪೊಡು. ನೆಕ್ ಬೋಡಾಯಿನ ಸಾಧನೊಳೆನ್ ನಾಡ್ದ್ ಎಂಕ್ಲೆಗ್ ಬೋಡಾಯಿನ ಬೇಲೆ ಮಲ್ಪೊಡು. ಈ ಪ್ರದೇಶೂಗು ಇತ್ತೆ ಇಪ್ಪುನ ಪುದರ್ನ್ ಗೆತ್ತ್ದ್ ತುಳುನಾಡು' ಪುದರ್ನ್ ದೀವೊಡು. ನೆಕ್ ಕೆಲವು ಅಡ್ಡಿಲಾ ಉಂಡು. ಇತ್ತೆದ ರಾಜಕೀಯ ವಿಭಾಗೊಡಿಪ್ಪುನ ದಕ್ಷಿಣ ಕನ್ನಡ ಜಿಲ್ಲೆ ಪೂರಲಾ ತುಳುನಾಡ್ ಅತ್ತ್. ಬಡಕಾಯಿಡ್ ಕರ್ನಾಟಕದ ಭಾಗಲಾ, ತೆಂಕಾಯಿಡ್ ಮಲಯಾಳದ ಭಾಗಲಾ ಸೇರ್ಂಡ್. ಮಲಯಾಳದ ಭಾಗೊನು ಮಲಯಾಳೊಗ್ ಬುಡ್ಡು ಕೊರುದು, ಕರ್ನಾಟಕೊದ ಬಾಗೊನು ಇತ್ತೆದ ಉತ್ತರ ಕನ್ನಡ ಜಿಲ್ಲೆಗ್ ಸೇರ್ಸಾವೊಡು. ಉಂದು ಕಷ್ಟದ ಸಂಗತಿ ಆಂಡಲಾ ಪ್ರಯತ್ನ ಮಲ್ತ್ದ್ ತೋಜಾವೊಡು. ಗಡಿಕುಲೆನ್ ನಿಶ್ಚಯ ಮಲ್ಪುನೆಟ್ಟೆ ಮಸ್ತ್ ಬಂಗ ಉಂಡು. ಇತ್ತೆದ ಪ್ರಾಂತೊಲೆನ ವಿಭಾಗೊಲೆಡ್ ಏತ್ ಸಮಸ್ಯೆ ಉಂಡಾ ಆತೇ ಉಂಡು. ಒಂಜೇ ಪ್ರಾಂತೊದ ಆಳ್ಮೆ ಆಂಡ ಒಂತೆ ಸುಲಭ ಇತ್ತ್ಂಡ್. ಇಂಚಿ ಬೊಂಬಾಯಿ ಅಂಚಿ ಮದ್ರಾಸ್ ಈ ರಡ್ಡ್ ಪ್ರಾಂತೊಲೆನ ಸಾಯಲಾ ಬೋಡು. ಆಂಡಲಾ,
11
