ಅಪಭ್ರಂಶ ಪಣ್ಪಿ ಕೆಲವೆರೆನ ಕಲ್ಪನೆಗ್ ಅಡಿಮುದೆಲ್ ಇಜ್ಜಿ. ದ್ರಾವಿಡ ಬಾಸೆಲೆನ ಚರಿತ್ರೆನ್ ವಿಮರ್ಶೆ ಮಲ್ತ್ಂಡಲಾ, ಭಾಷಾಶಾಸ್ತ್ರದ ದೃಷ್ಟಿಡ್ ವಿಮರ್ಶೆ ಮಲ್ತ್ಂಡಲಾ ಒಯಿತಲಾ ಅಪಭ್ರಂಶ ಅತ್ತ್ಂದ್, ತಮಿಳ್, ಕರ್ನಾಟಕ, ಆಂಧ್ರ, ಮಲಯಾಳ ಲಕ್ಕನೇ, ಸ್ವತಂತ್ರ ಬಾಸೆಂದ್ ಲಾ, ಮಾತ ಬಾಸೆಲಾ ಮೂಲದ್ರಾವಿಡ ಬಾಸೆಡ್ದ್ ಪುಟ್ಟುದಿನಂದ್ಲಾ ಭಾಷಾ ವಿಜ್ಞಾನಿಲು ತೆರಿಯಂದಿನ ಸಂಗತಿ ಅತ್ತ್. ಉಂದುಲಾ ಅತ್ತಂದೆ, ಉಚ್ಚಾರಣೆದ ವ್ಯತ್ಯಾಸೊಡ್ಡು ಒಂಜೇ ಶಬ್ದೊಗು ಅರ್ತ ಬೇತೆ ಆಪಿನ ಇಚಿತ್ರನ್ ತೂಂಡ ತುಳುಬಾಸೆದ ವೈಶಿಷ್ಟ್ಯ ತೋಜುಂಡು. ತುಳುಬಾಸೆನ್ ಶಾಸ್ತ್ರೀಯ ದೃಷ್ಟಿಡ್ ಕಲ್ಪಂದೆ ಆಯಿತ ಪೊರ್ಲು ತೋಜಿಬರಂದ್. ನನ ತುಳು ಬಾಸೆದ ಸಾಹಿತ್ಯೋಡು ಇಂಚಪದ ಒಂತೆ ಬೂಕುಲು ಅತ್ತಂದೆ ಬೇತೆ ಓವ್ಲಾ ತಿಕ್ಕುಜ್ಜಿ, ನೆತ್ತ ಪ್ರಾಕ್ರ ಸಾಹಿತ್ಯದ ವಿಚಾರೊಡು ಭಾಷಾಶಾಸ್ತ್ರಜ್ಞೆರೆನ ಅಭಿಪ್ರಾಯೊಲು ಬೇತೆ ಬೇತೆ ಉಂಡು, ತುಳುಕು ಪ್ರತ್ಯೇಕ ಲಿಪಿಲಾ ಉಂಡು. ಕನ್ನಡ ತೆಲುಗು ಲಿಪಿಕುಲೆಗ್ ಇಪ್ಪುನಾತೇ ಎತ್ಯಾಸ ತುಳು ಮಲಯಾಳ ಲಿಪಿಕ್ಲಾ ಉಂಡು, ಪ್ರಾಕ್ದ ಸಾಹಿತ್ಯ ತಿಕ್ಕದಿಜ್ಜಿ ಇನ್ಪಿ ಕಾರಣಡ್ದ್ ದುಂಬಗ್ ಸಾಹಿತ್ಯನ್ ಬುಲೆಪಾವರೆ ಬಲ್ಲಿಂದ್ ದಾಲ ಇಜ್ಜಿ. ನನ, ಮಿತ್ತ್ ಪಣ್ಪಿನ ಸಂಗತಿಲೆನ ಬಗ್ಗೆ ಇಚಾರ ಮಲ್ಪು.ಗ
ತುಳುವೆರೆನ ಇತ್ತೆದ ಸ್ಥಿತಿ:ತುಳುವೆರ್ ತಂಕುಲೆಡ ಇತ್ತಿನೆನ್ ಮಾತನ್ಲಾ ಕಲೆವೊಂದಿಪ್ಪುನೆಡ್ದಾವರ ಅಗಲೆಡ ಸ್ವಾಭಿಮಾನ ಚಿಹ್ನೆ ಇಜ್ಜಿಂದ್ ಆತ್ಂಡ್. ಇಲ್ಲಡ್ ಪಾತೆರ್ಪಿನ ಬಾಸೆ ಒಂಜಿ, ಪಿದಾಯಿ ವ್ಯವಹಾರ ಮಲ್ಪೊಡಾಯಿನ ಬಾಸೆ ಒಂಜಿ - ಇಂಚ ಆಯಿನೆಡ್ಡಾವರ ಏತೋ ತುಳುವೆರ್ ಸಾರ್ವಜನಿಕ ಸಂಸ್ಥೆಲೆಡ್ ತಂಕುಲ್ನ ಗ್ರಯಿಕೆನ್ ಪಣರೆಗಾವಂದೆ ಸೋಪುವೆರ್. ನೆಡ್ಡಾವರ ಏತೊ ಮಲ್ಲ ತಪ್ಪುಲು ಆದ್ ಪೋಪ. ಸಾರ್ವಜನಿಕ ಸಂಸ್ಥೆಲೆಡ್ ಇಂಗ್ಲಿಷ್ ಇಜ್ಜಿಂಡ ಕನ್ನಡೊಡು ಭಾಷಣೊಲೆನ್, ಚರ್ಚೆಲೆನ್ ಮಲ್ಪಾವುನೆಡ್ಡಾವರ ಏತೋ ಜನ ತುಳುವೆರೆಗ್ ಆರ್ತ ಆವಂದೆ ಪೋಪುಂಡು. ಮಾತೆರ್ಲಾ ಕನ್ನಡ ಕಲ್ತಿನಗುಲತ್ತ್, ಒಂತೆ ಕಲ್ತಿನಗಲೆಗ್ ತೆರಿಯುಜ್ಜಿ. ಇಂಚಾದ್, ತುಳುವೆರೆಗ್ ಆಪಿನ ಕಷ್ಟಲಾ ನಷ್ಟಲಾ ಆತೀತತ್. ಇಂಚಿನ ಸಂದರ್ಬೊಡು ತುಳು ಬಾಸೆಡ್ ಪಾತೆರ್ಪಿನಲಾ ತಪ್ಪು ಇನ್ಪಿನ ಕಲ್ಪನೆ ಮಸ್ತ್ ತುಳುವೆರೆಗ್ ಬೈದ್ಂಡ್. ಎಂಕಲ್ನ ದೇಶೊಡು ಕಾಂಗ್ರೆಸ್ ಒಂಜೆನ್ ಬುಡುಂಡ ಸಾರ್ವಜನಿಕ ಸಂಸ್ಥೆ ಬೇತೆ ಒವ್ಲಾ ಇಜ್ಜಿ. ಬೇಂಕ್ ಸೊಸೈಟಿಲೆನ್ ಬುಡುಂಡ ಜನೊಕುಲು ಒಂಜಿ ಕಡೆಟ್ ಒಟ್ಟಾವರೆ ಸಾಧ್ಯ ಇಜ್ಜಿ. ಕಾಂಗ್ರೆಸ್ ಚಳವಳ ಬಜೀ ರಾಜಕೀಯದ ಆದಿಪ್ಪುನೆಡ್ಡಾವರ, ಅಭಿಪ್ರಾಯಭೇದ ಬೊಕ್ಕ ಬೇತೆ ಕಾರಣಡ್ಡಾವರ ಮಾತಲ್ಲಾ ಒಟ್ಟಾಪುಜ್ಜೆರ್. ಅವು ಅತ್ತಾವಂದೆ, ಜಾತಿ ಸಂಸ್ಥೆಲು ಮಸ್ತ ಉಲ್ಲ. ಅಕುಲು ಮಾತಾ ತುಳುವೆರೆನ್ ಆಯಿನಾತ್ ಬೇತೆ ಬೇತೆ ಇಪ್ಪುಲಕ್ಕ ಮಲ್ತೊಂದುಲ್ಲ. ತಂಕುಲು ಕರ್ನಾಟಕದಗುಲು ಇನ್ಪಿನ ಗ್ರಯಿಕೆ ಸಾಧ್ಯ ಇಜ್ಜಂದಿನೆಡ್ದಾವರ ತುಳುವೆರಾದ್ ಒವೊಂಜಿ ಚಳವಳಿನ್ಲಾ
10
