೧. ತುಳು ಅಪ್ಪೆ ಬಾಸೆ ಆದ್ ಇಪ್ಪುನಗುಲು
೨. ತುಳು ತೆರಿದಿನಗುಲು
೩. ತುಳುನಾಡ್ಡ್ ಇಪ್ಪುನಗುಲು
ಇಂಚ ಮೂಜಿ ರೀತಿಡ್ ಅರ್ತ ಮಲ್ಪೊಲಿ.ತುಳುನಾಡ್ಡ್ ಹೆಚ್ ಕಮ್ಮಿ 10 ಲಕ್ಷ ಜನ ಉಲ್ಲೆರ್.ಆಯಿನೆಡ್ಡಾವರ ತುಳುವೆರ್ ಪಂಡ, ಕರ್ನಾಟಕ, ಆಂಧ್ರ, ತಮಿಳ್, ಬಂಗಾಳಿ, ಗುಜರಾತಿ ಶಬ್ದೊಲೆನ ಅರ್ತ ಮಲ್ಪಿಲೆಕ್ಕನೆ ಅರ್ತ ಮಲ್ಪೊಡು ಅತ್ತಂದೆ ಬೇತೆ ವಾ ರೀತಿದ ಕಿಞ್ಞಾತಿಗೆದ ಅರ್ತ ಮಲ್ಪುನಿ ಸರಿ ಅತ್ತ್.
ತುಳುನಾಡು - ಈ ನಾಡ್ ಎಂಕುಲು ಇಂಚಪ ಕಲ್ಪನೆ ಮಲ್ತಿನ ಅತ್ತ್, ಪ್ರಾಕ್ದ ಕಾಲೊಡ್ಡುಲಾ ಈ ನಾಡ್ಗ್ ತುಳು ಇನ್ಪಿಪುದರ್ ಇತ್ತ್ಂಡ್. ಪ್ರಾಕ್ದ ಗ್ರಂಥಲೆಡ್ ಅಯ್ತ ಗಡಿಕುಲೆನ ವಿವರಣೆ ತಿಕ್ಕುಂಡು. ಇತ್ತೆದ ಗಡಿಕುಲೆಗ್ಲಾ ದುಂಬುದ ಕಾಲೊದ ಗಡಿಕುಲೆಗಾ ಹೆಚ್ ಕಮ್ಮಿ ಇಪ್ಪೊಲಿ. ಅವೊಂಜಿ ದೋಷ ಅತ್, ಮಸ್ತ್ ಕಾಲೊಡ್ಡಿಂಚಿ ತುಳುನಾಡ್ದ ತನ್ನಾದಿಗೆನ್ ತುಳುವರಸೆ ಕಾತೊಂದಿತ್ತೆರ್. ಕೊಂಕಣ, ಕೇರಳ, ಕರ್ನಾಟಕೊಲು ತುಳುತ್ವನ್ ರಟ್ಟಾವರೆ ಸಾಧ್ಯ ಇಜ್ಜಿ. ತುಳುನಾಡ್ ಕರ್ನಾಟಕೊದ ಸಾಮ್ರಾಜ್ಯದ ಅಂಕೆಡ್ ಬತ್ತಿ ಬೊಕ್ಕ ತುಳುವೆರ್ ತಂಕುಲ್ನ ವೈಶಿಷ್ಟ್ಯನ್ಲಾ ಸಂಸ್ಕೃತಿನ್ಲಾ ಕಾತೊಂದಿತ್ತ. ಬ್ರಿಟಿಷೆರೆನ ಅರಸೊತ್ತಿಗೆ ಬತ್ತಿಬೊಕ್ಕ ಕರ್ನಾಟಕದ ಪ್ರಭಾವ ಹೆಚ್ಚಾದ್ ಸುರುಟ್ಟು ಕನ್ನಡ ಜಿಲ್ಲೆಂದ್, ಇತ್ತೆ ದಕ್ಷಿಣ ಕನ್ನಡ ಜಿಲ್ಲೆಂದ್ ಪುದರ್ ಬತ್ತ್ದ್ ಮುಲ್ತ ಸ್ಥಿತಿಗತಿಕ್ಲೆನ್ ತೂದು ತೆರಿನಗಲೆಗ್ ಉಂದು ಕರ್ನಾಟಕ' ಇನ್ಪಿ ಗ್ರಯಿಕೆ ಆಂಡ ಹೆಚ್ಚಿದ ಆಶ್ಚರ್ಯದ ಸಂಗತಿ ಅತ್ತ್. ಅಂಚನೆ, ಪಡ್ಡಾಯಿದ ಕಡಲ್ ಏಳ್ ವಿಭಾಗೊಲೆನ್ ಒಂಜಿ ಕಡೆಟ್ಟ್ ಕೊಂಕಣಂದ್, ಬೊಕ್ಕೊಂಜಿ ಕಡೆಟ್ಟ್ ಕೇರಳಂದ್ ಪುದರ್ ದೀತಿನಿ ಕೇರಳ ಕೊಂಕಣದ ಅಭಿಮಾಗಳು ಆದಿಪೊಡು. ಅಂಚತ್ತಾಂಡ, ಈ ಪುದರ್ ಬೈದಿನ ಕಾಲೊಡು ತುಳುನಾಡು ಕೊಂಕಣ ಸಾಮ್ರಾಜ್ಯದ ಅಂಕೆಡ್, ಕೇರಳ ಸಾಮ್ರಾಜ್ಯದ ಅಂಕಡ್ ಇತ್ತ್ಂಡ್ಂದ್ ಎಣ್ಣೊಲಿ. ಆಂಡಲಾ, ಈ ರಡ್ಡ್ ಪುದರುಳು ತುಳುನಾಡ್ ಇಜ್ಜಿಂದ್ ಪಣ್ಣುಜ್ಜ. ಹೆಚ್ಚಿದ ಸಂಗತಿ ಮೂಲು ಅಗತ್ಯ ಇಜ್ಜಂದಿನೆಡ್ಡಾವರ ತುಳುನಾಡ್ ಇನ್ಪಿ ಭೂಭಾಗ ಅವೇ ಪುದರ್ಡ್ ಪ್ರಾಚೀನ ಕಾಲೊಡ್ಡುಲಾ ಇತ್ತ್ ಂಡಲಾ, ಕರ್ನಾಟಕ-ಕೊಂಕಣ-ಕೇರಳ ಉಂದು ಸೇರಿನ ಅತ್ಂದ್ ಮಾತ್ರ ಪಣ್ಪೊ.ತುಳುನಾಡ್ ಅಂಚಿಂಚಿದ ನಾಡ್ಲೆನ ಲಕ್ಕನೇ ಭಾರಿ ಪ್ರಾಕ್ದ ಕಾಲೊಡ್ಡ ಇತ್ತ್ಂಡ್ ಪನ್ಪಿನೈಕ್ಕ್ ಎದ್ರ್ ಪಾತೆರ ಇಜ್ಜಿ..
ತುಳುಬಾಷೆ : ತುಳು ಬಾಸೆ ತುಳುವೆರೆನಾತೇ ಪ್ರಾಕ್ದ ಬಾಸೆ, ತುಳುಬಾಸೆ ಪಂಡ ಕನ್ನಡೊದ
9
