ಪೂಜೆ ಮಲ್ತೊಂದಿತ್ತೆರ್. ತರೆಕ್ಕಿತ್ತ್ಂಡ ಕಾರ್ಗಿಜ್ಜಿ, ಕಾರ್ಗಿತ್ತ್ಂಡ ತರೆಕ್ಕಿಜ್ಜಿ ಪಣ್ಪಿನ ಬಂಗೊಡು ಆರೆನ ಬದ್ಕ್ ಸಾಗೊಂದಿತ್ತ್ಂಡ್. ಸುಬ್ರಾಯ ಉಪಾಧ್ಯೆರೆನ ಮಗೆ ವಾದಿರಾಜ ಉಪಾಧ್ಯೆರ್. ವಾದಿರಾಜ ಉಪಾಧ್ಯರೆನ ರಾಮಣಿ ಯಮುನ. ಮೊಗುಲನ ಕಿಞ್ಚ ಮಗೆಎಸ್.ಯು. ಪಣಿಯಾಡಿ (ಶ್ರೀನಿವಾಸ ಉಪಾಧ್ಯ ಪಣಿಯಾಡಿ). ಲಕ್ಷ್ಮೀನಾರಾಯಣ ಉಪಾಧ್ಯ, ಅನಂತ ಕೃಷ್ಣ ಉಪಾಧ್ಯ, ಎಸ್.ಯು. ಪಣಿಯಾಡಿದಾರನ ಇರ್ವೆರ್ ಪಲಯನಗುಲು. ಪದ್ಮಾವತಿ ಪಲ್ದಿ. (ಪಣಿಯಾಡಿಡ್ ಇಪ್ಪುನ ಎಸ್.ಯು. ಪಣಿಯಾಡಿದಾರೆನ ಇಲ್ಲಗ್ ಇತ್ತೆ ಯಮುನಾ ನಿಲಯ' ಪಣ್ದ್ ಆರೆನ ಅಪ್ಪೆನ ಪುದರ್ ದೀತೆರ್.ಯಾನ್ (ಮುರಳೀಧರ ಉಪಾಧ್ಯ) ಎಂ.ಜಿ.ಎಂ. ಕಾಲೇಜ್ಡ್ ಕಲ್ತೊಂದಿಪ್ಪುನಗ ಈ ಇಲ್ಲಡ್ ಇತ್ತೆ. ಎಸ್.ಯು. ಪಣಿಯಾಡಿದಾರೆನ ಪಲಯೆ ಲಕ್ಷ್ಮೀನಾರಾಯಣ ಉಪಾಧ್ಯೆರೆನ (ಎಚ್ಚು ಪಾಧ್ಯ ) ಮಗ ಅನಂತ ಪದ್ಮನಾಭ ಉಪಾಧ್ಯೆರ್.ಆರೆನ (ಅನಂತ ಪದ್ಮನಾಭ ಉಪಾಧ್ಯರೆನ) ರಾಮಣಿ ಇಂದಿರಾ ಎನ್ನ ಪಲ್ದಿ).
ವಾದಿರಾಜ ಉಪಾಧ್ಯ -ಯಮುನಾ ಈ ಪುರುಷ-ರಾಮಣಿನ ಕಿನ್ಯ ಮಗೆ ಆದ್ ಎಸ್.ಯು. ಪಣಿಯಾಡಿ (ಶ್ರೀನಿವಾಸ ಉಪಾದ್ಯ) 1897ನೇ ಇಸ್ವಿ ಏಪ್ರಿಲ್ 4ನೇ ತಾರೀಕ್ದಾನಿ ಪುಟ್ಟಿಯೆರ್. ಬ್ರಿಟಿಷೆರೆನ ಮದ್ರಾಸ್ ಪ್ರಾಂತೊದ ಸೌತ್ ಕೆನರಾ (ದಕ್ಷಿಣ ಕನ್ನಡ ಜಿಲ್ಲೆದ ಒಂಜಿ ಮಲ್ಲ ಪೇಂಟೆ ಆದಿತ್ತಿನ ಉಡುಪಿಡ್ ಈ ಶತಮಾನೊದ ಸುರುಟ್ಟು ಹೈಸ್ಕೂಲ್ ಕಲ್ಪರೆಗ್ ಬೋಡಾಯಿನ ಸೌಕರ್ಯ ಇತ್ತ್ಂಡ್. ಎಸ್.ಯು, ಪಣಿಯಾಡಿ ಉಡುಪಿಡ್ ಒಂತೆ ವರ್ಸ ಕನ್ನಡ, ಸಂಸ್ಕೃತ, ಇಂಗ್ಲೀಷ್ ಕಲ್ತೆರ್. ಸಂಸ್ಕೃತೊಡು ಹೆಚ್ಚಿಗೆ ಕಲ್ಪರೆ ಆರ್ ಸುರುಟು ಮೈಸೂರುಗು ಬೊಕ್ಕ ಮದ್ರಾಸ್ಗ್ ಪೋಯೆರ್. ಸಂಸ್ಕೃತ ಕಲ್ಪುನಗ ಕರ್ಚ್ಗ್ ದುಡ್ಡು ದಾಂತೆ ಒರ ಆರ್ ತನ ಕೆಬಿತ ಮುರು ಮಾರಿಯರ್ ಗೆ. ಸಂಸ್ಕೃತ ಶಿರೋಮಣಿ ಪರೀಕ್ಷೆಡ್ ಆರೆಗ್ ಬಂಗಾರೊದ ಪದಕ ತಿಕ್ಕ್ಂಡ್. 1920ಡು ಆರ್ ಗುಜರಾತ್ ದ ಬರೋಡದ ಲೈಬ್ರೇರಿಡ್ ಉದ್ಯೋಗೊಗು ಸೇರ್ಯೆರ್. ಅವುಲು ಮೂಜಿ ವರ್ಸ ಇತ್ತಿ ಬೊಕ್ಕ 1923ನೇ ಇಸ್ಟಿಡ್ ಆರ್ ಉಡ್ಪಿಗ್ ವಾಪಾಸ್ ಬತ್ತೆರ್. ಉಡ್ಪಿಡ್ ಬೇರ, ಸ್ವಾತಂತ್ರ್ಯ ಹೋರಾಟ ಬೊಕ್ಕ ತುಳು ಚಳವಳ ಸುರು ಮಲ್ತೆರ್. ಮಹಾತ್ಮಾ ಗಾಂಧೀಜಿ 1915ನೆ ದಕ್ಷಿಣ ಆಫ್ರಿಕೊಡ್ಡು ಭಾರತೊಗು ಬತ್ತೆರ್.1922ನೇ ಇಸ್ವಿಡ್ ಆರ್ ಗುಜರಾತ್ದ ಬಾರ್ಡೋಲಿ ಜಿಲ್ಲೆಡ್ ಕಂದಾಯ ಕಟ್ಟುಜ್ಜ' ಚಳವಳ ಸುರುಮಲ್ತೆರ್. ಗಾಂಧೀಜಿ ತನ್ನ ಅಪ್ಪೆ ಬಾಸೆ ಗುಜರಾತಿಡ್ ಬೂಕು, ಲೇಖನ ಬರೆವೊಂದಿತ್ತೆರ್.ಮಹಾತ್ಮಾ ಗಾಂಧೀಜಿಯೆರೆನ ಪ್ರಭಾವ ಪಣಿಯಾಡಿದಾರೆನ ಮಿತ್ತ್ ಆಂಡ್.
1923ನೇ ಇಸ್ವಿಡ್ದ್ 1940 ಮುಟ್ಟ ಪಣಿಯಾಡಿದಾರ್ ಉಡ್ಪಿದ ಸಾಂಸ್ಕೃತಿಕ ರಂಗೊಡು ಮೆರೆವೊಂದಿತ್ತೆರ್. ಬರೋಡ 1923ನೇ ಇಸ್ವಿಡ್ ಊರುಗು ಬತ್ತ್ದ್ ರಡ್ಡ್-ಮೂಜಿ ವರ್ಸೊಡು
2
