ಸೊನ್ನೆ ಮಾರ್ಲೆರೆ ಮದಿಮೆ ಈತ್ಜ್ಜಿ. ಇಂಚಜ್ಜಿ ಪನ್ಪಿ ಗೌಜಿಡೇ ಮುಗಿತ್ತೆರ್.
ಸೊನ್ನೆ ಮಾರ್ಲೆರ್ ಉರ್ಕಿದೊಟ್ಟ ಅರಮನೆಟ್ಟ್ ಸುಖ ಸಂತೋಷೊಡೇ ದಿನ
ಕರಿತೊಂದಿತ್ತೆರ್.
ಮದಿಮೆ ಆದ್ ರಡ್ಜ್ ಮೂಜಿ ವರ್ಸ ಕರಿಂಡಲಾ ಸೊನ್ನೆ ಪೊಣ್ಣು ಪೋದು
ಪೊಂಜೊವಾತ್ಜಲ್! ಮದಿಮಲಾವಂದಿ ಸೊನ್ನೆ ಕೈ ಪತಿ ಕಂಡನೆ ಮನಸ್ಸ್ಗ್ಲಾ ಬೇಸರ್ ಆದ್ ಒರಿಯಲ್.
ಈ ಸುದ್ದಿ ಊರುಡು, ನಿರೆಟ್ಸ್, ಗುಣು ಗುಣು ಪಾತೆರೊಗು ಇಡೆ ಮಲ್ತ್ಂಡ್.
ಸುದ್ದಿ ಕೇಂಡಿನಕುಲು ಸೊನ್ನೆಗ್ ಕೊಂಗಿ ಕಟಿಯರ್. ಕೋರೆ ಪಂಡೆರ್. ಈ
ಈ ಬೇನೆ ಬೇಜಾರ್ಡ್ ಸೊನ್ನೆ ನಿತ್ಯ ಕಣ್ಣೀರ್ಡ್ ಕೈ ದೆಕೊಂದೇ ಉಲ್ಲಲ್.
ಮರತ್ತ ಮದೆಟ್ಟ್ ಬಾಲೆ
ನಂದಳಿಕೆ, ಕಾನ ಬೊಟ್ಟುದ ನಿರೆ ಊರು ಬೊಳ್ಮಣ್. ಬೊಳ್ಮಣ್ಡೊಂಜಿ ಮಡುಕುದ ಇಲ್ಲ್. ಅವು ಬ್ರಾಣೆರೆ ಇಲ್ಲ್. ದಿಂಜಿದಿ ಮಲ್ಲಾದಿಗೆದ ಇಲ್ಲ್.
ಒಂಜಿ ದಿನ ಮಡುಕುದ ಭಟ್ರ್ ಅರೆನ ಬುಡೆದಿ ಚಂದ್ರಾವತಿ ಅಮ್ಮ ಊರುದ ಉಲಯಿದ ಸಂಬಂದದ ಇಲ್ಲಡೆ ಕಾರ್ಯೊಗು ಪೋತೆರ್.
ಚಂದ್ರಾವತಿ ತಿಂಗೊಲು ದಿಂಜಿದಿನ ಬಂಜಿನಾರ್. ಬಯ್ಯಡ್ ಪಿರ ಬನ್ನಗ ತಾದಿಡೊಂಜಿ ತಂದೇವುದ ಮರ. ಮರತ್ತ ಮುದೆಲ್ದ್ ಚಂದ್ರಾವತಿ ಕಾರ ಬಚ್ಚೆಲ್ಗ್ ಉಂತಿಯೆರ್. ಉಸುಲು ಬುಡಿಯೆರ್.
ಬೀಜುನ ಗಾಳಿ, ಮರತ್ತ ನಿರೆಲ್, ಅರೆನ ಬಚ್ಛೆಲ್ ಬಿರಿತೊಂಡೆರ್. ಮದಲೆದ ಕೂಡಿ ಒಯ್ದಿದ್ ಮೋನೆದ ಮುತ್ತು ಬೆಗರ್ ಒರೆಸೊಂಡೆರ್!
ಮಿತ್ತ್ ತೂಂಡ, ತಂದೇವುದ ಮರಟ್ಟ್ ತೆಗ್ಲೆ, ತೆಗ್ಲೆದ ಕೊಡಿ ಇರೆ ದಿಂಜಿದಿತ್ತ್ಂಡ್.
ಅವೆನ್ ತೂದು ಚಂದ್ರಾವತಿಗ್ ಮನಸ್ಸಿಡೊಂಜಿ ಆಸೆ ತೆಗ್ಲೊಂದೇ ಬತ್ತ್ಂಡ್,
8
