ಒಂಜಿಸಿದ್ದ ಅರಿ ಪಾಡ್ ಕಡೆದ್, ತಂದೆವುದ ಇರೆಟ್ ಗಟ್ಟಿ ಮಲ್ತ್ ತಿನೊಡು ಪನ್ನಿನ ಆಸೆ ಬೇರ್ ಕೊರುಂಡು. ಕೈತಲೆ ಕುಲ್ಲುದಿ ಕಂಡನೆಡ ಪಂಡ ಚಂದ್ರಾವತಿ - ಆಂಡ ಮಲ್ವುನು ದಾನೆ? ಇರೆ ಕೈಕ್ ಎಕ್ಕಾವುಜಿ, ಕಂಡನೆಗ್ ಮರ ಮಿತ್ ಪೋವರೆ ತೀರಂದ್ ತೆರಿಯಂದ್, “ಆವಡ್‌ಯಾ, ನಿನ್ನ ಆಸೆ ತೀರಾನೆ. ಇಲ್ಲಗ್ ಪೋಯಿ ಬೇಲೆದಾಯೆ ಚಲ್ಲಪ್ಪಡ ಇರೆ ಕೊಟ್ಟ ಕನಪ್ಪಾಗ" ಪಂಡೆರ್ ಭಟ್, ಚಂದ್ರಾವತಿ. Q ಮಗುರು ಮನದಾನಿ, ಚಲ್ಲಪ್ಪನ್ ಲೆತ್ತೆರ್. ತಂದೇವುದ ಇರೆ ಕನಯರೆ ಪಂಡೆರ್ ಚಲ್ಲಪ್ಪ ಕೈ ಬೇರೆ ಬುಡಿಯೆ, ಅಮಸರಮಸರೊಡೇ ಬತ್ತೆ, ತಂದೇವುದ ಮರ ತೂಯೆ, ಮಿತ್ ಪೋಯೆ, ತೆಗ್‌ ತೆಗ್‌ ಇರೆ ಕೊಯ್ಕೆ. ಚಲ್ಲಪ್ಪ ಇರೆ ಕೊಯ್ಯಂದಿತ್ತಿನಂಚನೇ ಮರ ಮರಕಟ್‌ ಪೋತೆ, ಮೈ ಬೆಗರ್‌ಂಡ್, ಕೈ ನಡ್‌ಂಡ್, ಉಡಲ್‌ಡ್ ಗುಡು ಗುಡು, ತಿಗಲೆಡ್ ಬಡ ಬಡ. “ಚಲ್ಲಪ್ಪ ತಿರ್ ತೂವೆಡ, ಮರ ಮುದೆಲ್ಲೊಂಜಿ ಪಟ್ಟೆ ಪಿಲಿ! ಪಿಲಿ ಪಿರಕಾರ್ ಮಡ್ತಿದ್ ಚಕ್ಕಪ್ಪ ಕುಲೊಂದುಂಡು, ನಾಲಯಿ ನೀಡೊಂದು ಮಿತ್ ಚಲ್ಲಪ್ಪನೇ ತೂವೊಂದುಂಡು! ಪಂಡ ಚಲ್ಲಪ್ಪ ಧೈರ್ಯ ಮಲ್ಗೊಂಡೆ. ದೈವ ದೇವೆರೆನ್ ಸುಗಿತೊಂಡೆ. ಕೈ ಮುಗಿದ್ "ಓ ಪಿಲಿಯೆ! ಬೈದಿನಂಚ ಬೈದಿ ತಾದಿಡೆ ಪಿರ ಪೋಲ, ಯಾನ್ ಬಡವೆ. ಎಂಕ್ ಮುನಿಯಡ ಮಾನಿ ಕೆರಡ" 52 ಈತ್ ಕೇಂಡಿನ ಪಿಲಿ, ಕುಲ್ಲಿನ ಒಂಜಿ ಪಜ್ಜೆ ದುಂಬು ಲೈತ್ಂಡ್, ಮರತ್ತ ಮುದೆಲ್‌ಗ್ ಬತ್ತ್ ಕುಲ್ಲುಂಡು. ಚಲ್ಲಪ್ಪ ಜೀವದ ಆಸೆ ಬುಡಿಯೆ, ಪಿಲಿಟ್ಟ ಬಾಮಿದ್ ಪಂಡೆ. "ನಿನ್ನ ತಾದಿ ಈ ಪದ್ಮಾ ಪಿಲಿಯೇ, ಎನ್ನ ತಾದಿಡ್ ಎನನ್ ಪೋವರ ಬುಡು" 9
