ಈ ಪುಟೊನು ಪ್ರಕಟಿಸದ್ ಆಂಡ್
"ಮಗಾ ಸೊನ್ನೆ! ಈ ಪೊಣ್ಣು ಪೊಂಜೊವಾಪಿ ಪೊರ್ತು ಪಂತಿನ ಪರಕೆ ಬಾಕಿ ಒರಿದ್ಂಡ್. ಬಾಲೆಲು ದಾಂತಿ ಪೊರ್ತು ಉರಿ ಬೆಮ್ಮೆರೆಗ್ ಪಂತಿ ಪರಕೆ ಬಾಕಿ ಒರಿದ್ಂಡ್. ಪನಿಯರೆ ಒಂಜಿ ಕಾಲ. ಬೂಟರೆ ಏಳ್ ಕಾಲ. ಆಂಡಲಾ ಪರಕೆ ಪಂತಿನನೇ ಮರತ್ತ್ ಬುಡಿಯತ್ತಾ?"
ನಿನ್ನ ಜೋಕುಲೆ ಮದಿಮೆಗೆ ದಿನ ಪನೊಡ್ಡ ಪಂಡಿ ಪರಕೆ ಸಂದಾವು. ಆತಾವಂದೆ ದಿನ ಪನಯೆ.
ಬೆರಣನ ಕಟ್ ಪಾತೆರ ಕೇಂಡಿ ಸೊನ್ನೆನ ಕಣ್ಣ್ ಕೆಂಪಾಂಡ್. ಮೈ ನಡ್ಗ್ಂಡ್. ಕೂಲಿ ತುಚೊಂದು ಗರ್ವೊಡೇ ಪಾತೆರಿಯಲ್ ಸೊನ್ನೆ.
"ಓ ಭಟ್ರೆ! ಕೊರಿ ಸಲಿಗೆ ಹೆಚ್ಚಾಂಡ? ಬೆರಣೆ ಪನ್ಪಿ ಪಿತ್ತ ನೆತ್ತಿಗ್ ಏರ್ ಪೋಂಡಾ? ಎಂಕುಲು ಪರಕೆ ಪನ್ಪಿ ಪೊರ್ತು ಈರ್ ದಾನೆ ತರೆ ಮಿತ್ತ್ಡಿತ್ತರಾ? ಕಾರ ತಿರ್ತ್ಗಾತರಾ?"
"ಈರ್ ಬತ್ತಿ ತಾದಿ ಪತ್ತ್ ಲೆ - ಪಂಚಾಂಗದ ಕಟ್ಟ್ ಕಟ್ಟಿ, ಕಟ್ಟೆ ಜಪ್ಪಿ" ಸೊನ್ನೆ ಕಟು ಪಾತೆರ ಪಂಡಲ್.
27
