ಬೆರಣಿ ದಿಡ್ಕ ಲಕಿಯೆರ್. ಪಂಚಾಂಗದ ಕಟ್ಟ್ ಕಟಿಯೆರ್. ಆವಡಪ್ಪಾ! ಆವಡ್. ಎನ್ನ ಪಾತೆರದ ಸೋವುಕಲೆ ಮುರ್ತ ಲೆತ್ತ್ ದ್ ಇಲ್ಲ್ ಪೊಗ್ಗುನಗನೇ ತೆರಿದ್ ಬರು. ಕಣ್ಣಿಗ್ ತೋಜಿನ ಕೈಕ್ ತಿಕ್ಕಂದೆ ಪೋವು" ಪಂಡಿನ ಬೆರಣೆ ಏಳ್ ಮುಟ್ಟ ದುಂಬು ಪೋತೆರ್.
ಆತಾನಗ ಗುರು ಮಾರ್ಲೆರ್ ನಿದ್ರೆ ಬುಡುದು ದಿಡ್ಕ ಲಕ್ದೆರ್, "ಏರಡ ಪಾತೆರ್ಪಯಾ? ದಾದ ಕತೆ? ಕಣ್ಣಿಗ್ ತೋಜಿನ ಕೈಕ್ ತಿಕ್ಕಂದ್ ಪನ್ಪೆರತ್ತಾ? ಏರವು? ಓಲವು?”
ಪುಗೆಲ್ದ ಪಟ್ಟೆ ಶಾಲ್ಡ್ ಕಣ್ಣೊರೆಸೊಂದು ತೂನಗ ಬೆರಣೆ ದುಗುಡೊಡು ಪೋಪಿನ ತೋಜುಂಡು.
ಸೊನ್ನೆ ನಡತಿ ಕತೆ ಪೂರಾ ಪಂಡಲ್.
“ಅಯ್ಯೋ ಸೊನ್ನೆ! ಪಂಡಿ ಪರಕೆ ನಮ ಮದತ್ತ್ ಬುಡಿಯ. ಐಡ್ದಾವರನೇ ಜೋಕುಲೆ ಮದಿಮೆಗ್ ಅಂಗಾರೆ ದಿನ ತಿಕ್ ದ್ಂಡ್. ಬೆರಣ ಶಾಪ ಸುಳ್ಳಾವಂದ್" ಪಂಡೆರ್ ಗುರು ಮಾರ್ಲೆ.
ಎದುರು ತೂಂಡ ಬೆರಣೆ ಕಣ್ಣ್ ಗ್ ತೋಜುಜೆರ್. ಅಲ್ತ್ ಬತ್ತಿನ ಬಟ್ರ್ ಉರ್ಕಿದೊಟ್ಟುದ ಜಾಲ್ ಜತ್ತೆರ್. ಅರಮನೆತ್ತ, ಹೆಬ್ಬಾಕಿಲ್ಗ್ ಬತ್ತೆರ್. ಇಲ್ಲದುಂಬುಡು ಜನಮಾನಿ ತೋಜುಜಿ.
ಸೀದಾ ಕಿದೆಕ್ ಬತ್ತೆರ್. ದಿಂಜಿದಿ ಕಿದೆಟ್ಟಿತ್ತಿ ಕಂಜಿ ಕೈಕಂಜಿಲೆ ಬಲ್ಲ್ ತಪ್ಪಾಯೆರ್. ಎದುರು ಬಾಕ್ಯಾರ್ಗ್ ಜಪುಡಾಯೆರ್.
“ಬಂಜಿ ದಿಂಜಿ ತಿನಿ, ಮೈ ನಿಲಿಕೆ ಪೊರಡಿ. ದೇರಿಯರೆ ಬತ್ತೆರ್ಡ ಕಣ್ಣಿಗ್ ತೋಜಿರೆ ಬಲ್ಲೆ. ಕೈಕ್ಕ್ ತಿಕ್ಕ್ದ್ ಬರಡೆ. ಪತ್ತರೆ ಬತ್ತೆರ್ಡ ಒರ್ಲ ಬಾರ ಕಾಡ್ ಪತ್ತಿ ಪಂಡಿನ ಬೆರಣೆ. ತಿರ್ಗ್ ಜಾಲ್ಗ್ ಬತ್ತೆರ್. ಎದುರು ಮುಂದಿಲ ಬಾಕಿಲ್ಡ್ ಉಂತಿಯೆರ್!
ಅಬ್ಬಗೆ - ದಾರಗೆನ ಚೆನ್ನೆದಾಟ
ಇಲ್ಲ್ ಮುಂದಿಲ್ಗ್ ಬತ್ತಿ ಬೆರಣೆ-
ಏರಪ್ಪಾ ಇಲ್ಲಡ್? ಕಂಜಿ ಕೈಕಂಜಿ ಸಾಲ್ ಕಟ್ಟ್ ದ್ ಬೆನ್ತಿ ಬುಳೆ ತಿಂದೊಂದು
ಸುಡುಸುಕಾರಿ ಮಲ್ತ - ಪಂಡ್ದ್ ಬಾಕಿಲ್ ಬೊಟ್ಟಿಯೆರ್.
28
