ಕೊರಿಯೆರ್.
ಪಂಡಿ ದಿನೊಟ್ಟೆ ಉರ್ಕಿದೊಟ್ಟುಗು ಬತ್ತಿನ ಚಂದ್ರಮ ಸೆಟ್ಟಿ ರೀತಿ ರಿವಾಜಿದಂಚ ನಿಶ್ಚಯದ ಬಚ್ಚಿರೆ ಪೂಲು ಪಗತ್ತೊಂಡೆರ್.
ಜೋಯಿಸೆರೆಗ್ ಲೆಪ್ಪುಡಾಯೆರ್. ದಿನ ಗಳಿಗೆ ತೂಪಾಯೆರ್. ه ಈ ದಿನ ಕರಿದ್ ಮಿತ್ತ ಅಂಗಾರೆದಾನಿ ಮದಿಮೆಗ್ ಮುಹೂರ್ತ ಪಂಡೆರ್ ಜೋಯಿಸರ್. ಅವೆನೇ ಸರಿ ಮಲ್ತೊಂಡೆರ್ ಕೂಡಿದ್ ಹಿರಿಯೆರ್.
ಉರ್ಕಿದೊಟ್ಟ - ಕಾನ ಬೊಟ್ಟ - ಕೆದಿಂಜೆ ಪರಾಡಿಡ್ದ್ ಜನ ಅಬ್ಬಗ ದಾರಗೆರೆ ಮದಿಮೆದ ಗೌಜಿ ಗದ್ದಲ ಸುದ್ದಿ ಸೂಲೆಕದ ಪಾತೆರ ಕತೆಟ್ಟ್ ಮಾತೆನ್ನ ಮದತ್ತೆರ್.
ಮದಿಮೆಗ್ ಕಾಯಿ ಮುರ್ತ
ನಿಶ್ಚಯದ ಗೌಜಿ ಗದ್ದಲ ಮುಗಿದ್ - ಆನಿ ಬಯ್ಯಗ್ ಕಂಡನೆ ಮಾರ್ಲಡ ಸೊನ್ನೆ ಪನ್ಪಲ್.
ಇನಿಡ್ದ್ ಎಡ್ಮ ದಿನೊಕ್ಕು ಜೋಕುಲ್ನ ಮದಿಮೆಗ್ ದಿನ ಆತ್ಂಡ್. ನಮ್ಮ ಪೊದ್ದೆರ್ ಇಷ್ಟೆರೆಗೆ. ಜಾತಿ ಬಂಧುಲೆಗ್ ಹೇಳಿಕೆ ಕೊರೊಡು. ಕಾಯಿ ಪೂಲು ಬಚ್ಚಿರೆ ಕೊರುದು ಮೂರ್ತೊಗು ಲೆಪ್ಪೋಡು.
ದೊಂಪ ಸಿಂಗಾರ ಆವೊಡು. ಅಟಿಲ್ಗ್ ಅಟ್ಟಲೆ ಪಾಡೊಡು. ನಮ್ಮ ಜೋಕುಲೆ ತರೆಕ್ ರಡ್ಡ್ ಅರಿ ಪಾಡೊಡು.
ಸೊನ್ನೆ ಪಂಡಿ ಪಾತೆರ ಕೇಂಡಿ ಗುರು ಮಾರ್ಲೆ ಒಕ್ಕಲ್ ಸಕ್ಕೆಲ್ ಲೆಪುಡಾಯೆರ್.ದೊಂಪ ಸಿಂಗಾರ ಮಲ್ಪಾಯೆರ್. ಮಂಟಪ ಕಟ್ಟಾಯೆರ್. ಅಟ್ಟಲ ಪಾಡ್ಪಾಯೆರ್.
ಮನದಾನಿ ಪುಲಕಲ ದುಂಬು ಕೋರಿ ಕಿಲೆಪುನಗನೇ ಸೊನ್ನೆ - ಗುರು ಮಾರ್ಲೆರ್ ಲಕ್ಕಿಯೆರ್.
24
