ಓ ಭಾವಾ! ಎನನ್ ಪದಿ ಅಪ್ಪೆ ಸತ್ಯದ ಮಗಲಾದ್‌ ಸತ್ಯಲೋಕದ ಸಿರಿ ಅಂದ್‌ಂದಾಂಡ, ಮಾಯೆದ ರೂಪೊಡು ಎನ್ನ ಬೆರಿ ಸಾಯೊಗು ಬರೊಡು. ಎನ್ನ ಒಪ್ಪ ಪುಟ್ಟಿನ ಎನ ಮೆಗ್ಗೆ . ಕುಮಾರೆ ಎಂಕೊಂಜಿ ಶಕ್ತಿ ಕೊರೊಡು. ಎಲ್ಲೆ ಮೂಡಿ ಸೂರ್ಯ ಕಂತೊಡ್ಡ ಯಾನ್ ಪೊಣ್ಣು ಪೊದು ಪೊಂಜೊವಾವೊಡು. ಈತಾಂಡ ಮಜಲೊಟ್ಟು ಉರಿ ಬೆಮ್ಮೆರೆಗ್ ಎನ್ನ ಮೂಂಕುದ ಮೂಂಕುತಿ ದೆತ್ತ್ದ್ ಬೆರ್ಮರ ಗುಂಡೊಗು ಮುಗುಳಿ ದೀಪಾವೆ. "ಕೈತ ಇಡೆ ಕಾಜಿ ದೆತ್ತ್ದ್ ಬೆರ್ಮೆರೆ ಮೂರ್ತಿಗ್ ಬಲಿ ಮಂಟಪ ಕಟ್ಟಾನೆ" ಪಂಡ್‌ದ್ ಕೈ ಮುಗಿದ್ ಅಡ್ಡ ಬೂರಿಯಲ್ ಸೊನ್ನೆ, ಚಾರು ಮಾರ್ಲೆ ಗುರು ಮಾರ್ಲೆ‌್ರಾ ಅಲೆ ಸಮೊಟ್ಟು ಕೈ ಮುಗಿತ್ತೆ ಮನಸ್ ನಿನ್ನೆ ದೇವೆರೆನ್ ಸುಗಿತೊಂಡೆರ್. ಜತ್ತೆರ್. ಕಟ್ಟಿನ ಮುಡಿಪು ಪಂಡಿ ಪರಕೆ ಕಾಣಿಕೆನ್ ಕನತ್ತ ಕಲ್ಲ ಕಲೆಂಬಿದ ಬಾಕಿಲ್ ಉಲಯಿ ದೀಯೆರ್. ಬೀಗ ಮುದ್ರಿಕೆ ಮರ್! ಅಬ್ಬಗೆ - ದಾರಗೆ ಉದಿಯ ಬೆಂದ ಆನಿದ ದಿನ ಕರಿದ್ ಪೋಂಡು, ಮಗುರ ಮನದಾನಿ ಜಾಮದ ಕೋರಿ ಕೆಲಪುನಗನೇ ಸೊನ್ನೆ ಲಕ್‌ದಲ್ ಕಿದೆಕ್ ಪೋಯಲ್, ಕಂಜಿ ಕೈಕಂಜಿಲೆಗ್ ಮೇವು ಪಾಡಿಯಲ್. ಬೊಲ್ಪ ಪೆತ್ತೊಲೆನ್ ಬೊರಿಯಲ್, ಕೈಕಂಜಿ ಬಲ್ಡ್ ತಪ್ಪಾದ್ ಗುಡ್ಡೆಗ್ ದೇರಿಯಲ್ どう ಆ ಪೊರ್ತುಗೇ ಸೊನ್ನೆ ಸಂಕಡೊಡು ತರೊಳಿದ ದರಿಗುಂಟ ಪತಿಯಲ್, ತರೆ ತಗ್ಗಾಯಲ್. ದಿಂಜಿದಿ ಉಡಲ್ಸ್ ಬೆಮ್ಮೆರೆನ್ ನೆನೆಂಡಲ್: ಬೊಟ್ಟ ಬೊಟ್ಟ ಕಣ್ಣೀ ಜಪುಡಾಯಲ್. 20
