ಪಂತರ್‌ಗೆ ಅಂಚ ಕೊನೊವರೆಂದ್ ಬತ್ತೆ ಪನೊಂದು ಬಂಜಿ ಪೂಜುವೆ. ಆಯನ ಅಂದಾಜಿ ತೂನಗನೇ ಮಲಿವಾಳ್‌ಗ್ ಅರ್ಥ ಆಂಡ್. ಆಂಡ ದಾನೆ ಮಲ್ಪುನು? ಉನರೆ ಪಂಡ ಅರ್ಧ ಮುಡಿ ಅರಿತ್ತ ಗಂಜಿ ಗುರೆಡೇ ಬೈಪಾಡೊಡು, ಪಂಡಡ ಗುರಾರಿ ಎಂಕೇ ಮುಕ್ಕುರು ದಕ್ಕುವೊಲು, ದಾನ ಮುನುಂದು ಪಿರ ತೂದು "ಆಂ... ಮಂಜಣೆ ದಾಯೆ ಉಂತುದಿನಿ ಓಲ ಅವುಲ ಆ ಬೈತ್ತ ಮುಟ್ಟೆಡ್ ಒಂಜಿ ಕಟ್ಟ ಕಟೊಂದು ಪೋ ಪನೊಂದು .... ಪನೊಂದು ಕಾರ್ ಕುಡೊಂದು ಉನರೆ ಉಲಯಿ ಪೋಯೆರ್. ಬಂಜಿದ ಕರ್ಲ್ ಬಾಯಿಗ್ ಬನ್ನಗ ಅಂಗಲಪ್ಪುಡು ಉಬಿನೀ ದಿಂಗೊಂದಿತ್ತಿನ ಮಂಜಣಗ್ ಕನನೀರ್ ಬತ್ತ್ಂಡ್, ಗಂಜಿ ಇಜ್ಜಿಡ ಮಲೆತ್‌ ತೆಲಿಯಾಂಡಲಾ ಪರುವೆ.
F ಕೇಂದ್ ಪರಿಯೆಡ ಎನ್ನ ತೆಲಾರುಗುತ್ತುದ ಮರಾದಿಗ್ ಕುಂದೆಲ್, ಮಲಿವಾಳ್‌ ಮನೆ ದೀದ್ ಕುಲಿನ ಸೊರ ಕೇನುಂಡು, ತಂಜನೊಗು ಬೆಂಜನ ಪಾಡ್ಜ್ ಬರುಂಬು ಬರುಂಬುದು ಉನ್ನಿನ ಅಜನೆ ಆವೊಂದುಂಡು, ದಾನೆ ಮಲ್ಲುನು ಪರು ಕಡೆವೊಂಡೆ ಮಂಜಣೆ, ಅಂಚಿಂಚಿ ತನಗ ತೋಟೊಡು ಲ ಲ ಕಂಗ್‌ ಪಾಡಿ ತೊಜೊಂದುಂಡು. ಅಡೆ ಪೋದು ನಾಲ್ ಕಂಗ್‌ ಪರಿಪುವೆ. ಕಾರ್‌ಡಿಕ್ಟ್ ಪಾಡ್‌ದ್ ಪೊರ್ಲುಡು ಪಿಜಿಂಟಾವೆ. ಜಾಲ್‌ಗ್ ಬತ್ತೆ. ಮಲಿವಾಳರನ ಗುರಾರಿ ಉಪ್ಪಿನ ತೋಜಂದಿಲೆಕ್ಕ ಬಾಕಿಲ್ ಒಂದುವೆರ್. 19
