ಎನ್ನಪ್ಪೆ ದುಗ್ಗು ಬಲಸ್‌ದೊಡು ಯಾನ್ ಮಗ ಮಂಜಣೆ ತಿಂತೊಡು ಈತ್ ಪಂಡ್‌ದ್ ಗರಂದ್ ಅಡಿಗೆ ದೆಪ್ಪುವೆ. ಅಪಗ ಕೊಡಿಂಜದ ಕಲ್ ರಡ್ ತುಂಡು ಆಡ್ ಅದ್‌ ಬುಡುಂಡುಗೆ, ಅಪ್ಪನ ಮೋಕೆದ ಅಡ್ ಬಲಸ್‌ ಅಟಿಲ್ ದಾಂತೆ ಮಂಜಣಗ್ ಬಂಜಿ ಆರುಜಿ, ಮಾಮಿ ಏತ್ ಪಾಡಿಯೊಲುಡಲಾ ಆಯಗ್ ಬಂಜಿ ದಿಂಜುಜಿ, ದಾಯೆ ಪಂಡ ಅಲ್ಪ ಅಪ್ಪೆನ ಉಡಲ್‌ದ ಮೋಕೆ ಇಜ್ಜಿ, ಅಪ್ಪ ಅಪ್ಪನೇ ಮಾಮಿ ಮಾಮಿಯೇ. ಆಂಡ ಈ ಉಡಲ್ಲ ತಡಿಲ್‌ನ್ ಮಂಜಣೆ ಯಾರಡ ಪನೊಡು.? ತಡ್ಯ 7 ಬೈತ್ತ ಮುಟ್ಟೆಡ್ ಅರಿತ್ತ ಕೂಟಯಿ ತೆಲಾರಗುತ್ತುಡು ಬೈ ಮುಗೀದ್‌ಂಡ್, ಬಗ್ಗಣ್ಣ ಅಡ್ಯಂತಾಯೆ ಒಂಜಿ ದಿನ ಪುಲ್ಯ ಕಾಂಡೆ ಲಕಿನಾರ್ ಅಶ್ವತ್ತೆ ಮಂಜಣನ್ ಲೆತ್ತೆರ್, "ಅಂದಂದ ಮಂಜಣ ಪಂಜದ ಮಲ್ಲಿಡ ಒಂಜಿ ಕಟ್ಟ ಬೈ ಪಂತೆ, ಪೋದು ಕನ ಪಂಡೆರ್, ತಮ್ಮಲೆನ ಬಲ್ಮಾನದ ಪಾತೆರೊನು ಮನಸ್ ದಾಂತೆ ಇತ್ತ್ಂಡಲಾ ಮನಸ್‌ಡೇ ಮುನ್ನೊಂದು ಮಂಡೆ ಆಡವನೇ ಅತ್ತಾಂದೆ ಆವಂದ್‌ಂದ್ ಪಂತಿನ ಮಗೆ ಮಂಜಣೆ ಅತ್ತ್. ಅಂಚ ಪುಲ್ಯ ಕಾಂಡ. ಬಂಜಿಡ್ ಬಡವು. ಪುರಿ ಬುಲಿತೊಂದೊಂಡು ಬಂಜೆ ತೂ ಬರೊಂದುಂಡು, ಆಂಡಲಾ ಬಡವು ಆಪುಂಡುಂದು ಪನರೆ ಆವಂದೆ ಅಂಗಲಪ್ಪುಡೇ ಪಂಜದ ತಾದಿ ಪತಿಯೆ ಮಂಜಣೆ, ಪೋನಗ ಎನ್ನುವ " ಇತ್ತೆ ಪಂಜದ ಮಲಿವಾಳ್ ಕಾಂಡೆದ ಗಂಜಿದ ಒಣಸ್‌ಗ್ ಬಸ್ಸಿನ ಪೊರು, ಬೇಗ ಪೋಯೆಡ ಈ ಪೊರ್ತುಗು ಎನನ್ ರಡ್ ಉನರೆ ಪನಂದೆ ಕುಲ್ಲಯೆ. ಅವನೇ ಎನ್ನೊಂದು ಉಪ್ಪುದ ಕಟ್ಟದಲ್ಪ ತುದೆಕ್ಟ್ ಜತ್ತ್ದ್ ಪೊಯ್ಕೆ ಪಾಡ್ ತಿಕ್ಕಿಯೆ. ಕೂಲಿ ಮೋನೆ ದೆಕ್ಕೊಂಡೆ. ಪಂಜದ ಗುತ್ತುದ ಪೊಡಿಯಟ್ಟಿದ ಚಟಿನ್‌ಾ ಬೊಲ್ಯನ್ಯ ಪಾಡಿನ ಬೆಚ್ಚ ಗಂಜಿಲಾ ನೆಂಪಾದ್ ಬಾಯಿಡ್ ನೀರ್ ಒಸರೊಂದುಂಡು. ಬೀಸ ಬೀಸ ಅಜೆ ದತ್ತೆ. ಮಂಜಣೆ ಎನ್ನಿನಂಚನೇ ಜಾಲ್ ಮಿತರ್‌ನಗ ಮಲಿವಾಳ್ ಮಡಿಯಾವೊಂದುಲ್ಲೆರ್. ಚಂಡಿ ತುತಿಯೆ, ಸಿರಿಗಿಂಡೆದ ನೀ ಪತಿಯೆರ್, ತೊಲಚಿ ಕಟ್ಟೆದ ದುಂಬು ಮುಡಯಿ ತೂದು ನೆಸರ್ ದೇವೆರೆನ್ ಸುಗಿತೊಂದುಲ್ಲೆರ್, ಕೊಡಿ ಕೈಟ್ ನೀರ್ ಬುಡಿಯೆರ್, ನಾಲಯಿಗ್ ತಾಗಾಯೆರ್. ತೊಲಚಿದ ಕೊಡಿನ್ ಮುತ್ತುದು ಕೆಬಿಕ್ ದೀಯೆರ್, ಉಲಯಿ ಉನರೆ ಪಿಜಿರ್‌ನಗ ಕಾಂಕರಿನ ಸೊರ ಕೇಂದ್ ಪಿರ ತಿರಿಯೆರ್, ತೂನಗ ಮಂಜಣೇ, ಇಂಬೆ ಸಂತೆ ಕುಡ ಬತ್ತ್ಂಡ ಪಂಡ್‌ದ್ ಎನ್ನಿಯೆರ್. ಮಲಿವಾಳ, "ಆಂ ದಾನೆ ಬತ್ತ ಮಂಜಣೆ? ಪಂಡ್‌ದ್ ಕೇನುವೆರ್" ಬೈ ಕೊರೆಂದ್ 18
