A ಮಂಜಣೆ ಸುತ್ತ ತಿರ್ ತೂನಗ ಯೇರಾ ತೋಜುಜೆ, ಬಡವುಡುಲಾ ಗರ್ವೊಡುಲಾ ಕಣ್ ಕೆಂಪಾತ್‌ಂಡ್. ಮಿತ್ತ ಜಾಲ್‌ಡ್ ಒಂಜಿ ಮಲ್ಲ ಬೈತ್ತ ಮುಟ್ಟೆ, ಅಯಿತ ಉಲಯಿ ನರೆದ ತೆತ್ತಿದ ಅರಿತ್ತ ಕೂಟಯಿ, ಉಂದೆಕ್ಟ್ ಉಂದೇ ಮರ್‌ಂದ್ ಎನ್ನದ್ ಕಂಗ್ ಪಿಜಿಂಟಾದ್ ಕೂಟಯಿದಡಿಕ್ಟ್ ಪಾಡುವೆ. ನಾಲ್ ಸುತ್ತೊಡು ನಾಲ್ ಕಂಗ್ ಪಾಡ್‌ದ್ ಒಂಜೆಕ್ಕೊಂಜಿ ತೊರು ಕಟ್ಟುವೆ. ಯೇರೇರ ಕುತ್ತಟ್ರೊಡು ಉಪೊಡಾಯಿನ ಅರಿತ ಮುಡಿ, ಪಾಪದಾಯನ ಬೆಗರ್‌ದ ಪನಿತ್ತಂಚಿನ, ಕಡಮಡ್‌ಾ ಐನೂರು ಮುಡಿ ಅರಿ ಕೂಟಯಿಡುಂಡು, ಇಡೀ ಕೂಟಯಿನ್ ಒಂಜೇ ಪೊದಿಕೆ ಮಲ್ತ್ ದ ತುಂಬಿಯೆ, ಜಾಲ್ ಜಪ್ಪುನಗ ಪುಡೆಟ್ಟಿತ್ತಿನ ಗೆಂದಳಿ ತಾರೆ ತಾಂಟ್‌ಂಡ್. ಒರಸಿನ ಬರಸ್‌ಗ್ ಅಡ್ಡೆಗೆ ಪೊಲೀದ್ ತರೆ ಕಂತ ಪಾಡ್‌ಂಡ್. ಮಂಜಣೆ ಪಿರ ತೂವಂದೆ ಪಂಜದ ಗುತ್ತು ಜತ್ತೆ, ತೆಲಾರ ಗುತ್ತುದ ಸಾದಿ ಪತಿಯೆ, ಕೂಟಯಿ ತುಂಬೊಂದು ಬನ್ನಗ ತಾದಿಡ್ ಏತ್ ಅರಿತ್ತ ಮುಡಿಕ್ಕುಲು ಪಿಂಕ್‌ ತಿರ್ ತಾಲ್ಗೊಂಡ್‌ಂದ್ ಪನರೆ ಆವಂದ್, ಸೀದ ಕನತ್‌ ಕಜೆಕಂಬುಲ ಕಡತೊಂದು ತೆಲಾರಗುತ್ತುದ ಜಾಲ್‌ಡ್ ಕೂಟಯಿನ್ ಪಾಡುವೆ. ಕೂಟಯಿ ಬೂರಿನ ಬರಸ್‌ಗ್ ಕಿದೆಟ್ಟಿತ್ತಿನ ಕಾಟಿ ಎರ್ಲು ಬೊಲ್ಟಿವ್ ದಿಡ್‌ ಲಕ್‌ದ್ ಉಂತುದ. ಪಂಜದ ಮಲಿವಾಳ್‌ ಬಂಜಾರ ಉಂಡೊಂದು ಆಡಿಗೆ ದೆತ್ತೊಂದು ಕಚ್ಚದ ಕುಚ್ಚಿನ್ ಸಡಿಲ್ ಮಲ್ಲೊಂದು ಪಿದಯಿ ಬತ್ತೆರ್ ಇಂಬೆನ ಮಾರಿ ಇತ್ತೆ ಪೋದುಪ್ಪು ಪಂಡ್‌ದ್ ಎನ್ನಿದ್ ಬಾಕಿಲ್ ಒಂದಾಯೆ, ದಾದೆನ್ ತೂಪಿನಿ ಮಲಿವಾಳನ ಪರುಬಾಯಿಡ್ ನೀರಿಜ್ಜಿ, ಕೂಟಯಿ ತೋಜುಜಿ, ಉಂದು ದಾದ ಮಾಯಕಂದ್ ಬೆಗರೊಂದು ಪಿದಯಿ ಬನ್ನಗ ತೆರೀಂಡ್, ಜಾಲ್‌ಡ್ ಕಂಗ್ ಪೀಂಟಾನಗ ಅರೀದಿನ ನೀರ್‌ಡ್ ಜಾಲ್ ಚಂಡಿ ಆತ್‌ಂಡ್. ಅರ್ಧ ಮುಡಿ ಅರಿತ್ತ ಆಸೆಗ್ ಪೋದು ಎನ್ನ ನುಪ್ಪುದ ಕರನೇ ದರೀದ್ ಪೋಂಡುಂದು ಎನ್ನದ್ ಮಂಡೆ ಮಂಡ ದತ್ತೊಂಡರ್. ಬೊಡೆದಿಡ ನಾಲ್ ಉದ್ದುದು ಜನಮಾನಿ ಲೆತ್ತೊಂಡೆರ್, ನಾಲ್ ಬಟ್ಕರ್ ತಲಾರ್‌ಗ್ ಬತ್ತೆರ್. ಮುಟ್ಟು ಮಿತರಂದೆ ಜಾಲ್ ಉಂತುದು ಬಗ್ಗಣ್ಣ ಅಡ್ಯಂತಾಯೆರೆನ್ ಲೆಪ್ಪುವೆರ್, ಮಲಿವಾಳರೆಗ್ ಕೋಪೊಡು ಕೊರದೊಡು ಉಬ್ಬಸ ಎನ್ನೊಂದುಂಡು, ಲೆಪ್ಪುನ ಸೊರ ಕೇಂದೇ ಇಂಚೆನೇ ಆವುಂದು ಎನ್ನದಿನ ಅಡ್ಯಂತಾಯೆ ಮುಗುಡು ತೆಲಿಕೆ ತರ್, ಕೊಡೆಂಜಿ ನಿಲೆ ಬಚ್ಚಿರೆ ಅಷ್ಟೊಂದು ಜಾಲ್‌ಗ್ ಜತ್ತ, "ದಾನೆ ಮಲ್ಟಿ ಎಂಕಲೆ ಮಂಜಣನ್ ಉನರೆ ಮಿನಿ ಪಂಡ್‌ಜರ್ ತೋಜುಂಡು". "ನಿಕಲ್ನ ಅರಿತ್ತ ಕೂಟಯಿ ಕಂತ್‌ದ್ ಓಲ ಅವುಲು ಪಾಡ್ಡೆ ಪಂಡ್‌ದ್ ತೋಜಾವರ್, ಮಲಿವಾಳರಗ್ ಪೋಯಿ ಜೀವ ಕೂಡುದು ಬತ್ತಿನಂಚಾಂಡ್, ತುಂಬರೆ ಬನ್ನಿ ಜವನೆರ್ ಮಂಜಣೆ ಮಿನಿ ಅಲ್ಪ ಉಲ್ಲೆನಾಂಡ್ ಸಂಕ್ಕೊಂದು ಕೂಟಿಯಿಗ್ ಕೈ ಪಾಡಿಯೆರ್. ه II ಒಂಜೇ ಪುದಟ್ಸ್ ದೆರ್ ತುಂಬೊಂದು ಬೈದಿನ ಅರಿತ್ತ ಕೂಟಯಿ, ಆಂಡ ಪಂಜದ ಜವನೆರೆಗ್ ಪಿರ ತುಂಬರೆ ಮೂಜಿ ದಿನ ಪತ್‌ಂಡ್, ತಾದಿಡ್ ತಾಲ್ಲಿನ ಅರಿತ್ತ ಮುಡಿಕ್‌ಲೆನ್ 20
