(row or ply in water), ದಾಯೆಗಿನ್ನಗ, ಈ ಜನಮಾನಿ ಎಡ್ಡೆಂತಿನ ಕಡಲ್ಕಸುಬುದ ಜನ-ನಾವಿಕೆ-ಇಂದ್ದ್. ಸೇಡಿಯಾಪು ಕೃಷ್ಣ ಭಟ್ರು ಪಂಡೆರ್ "ತುಳು" ಇನ್ನಗ ನೀರ್ ಇಂದ್ದ್. ತುಳುವ ಜನ ಶಾಂತಿಪ್ರಿಯೆರ್. ಮೃದುಸ್ವಭಾವದಕುಳು. ಈ ನಾಡ್ಡ್ ಏರಾಳ ತಿಕ್ಕುನ ತುಳುವೆ ಪಿಲಕಾಯಿ ದಂಟಿನ ಮೃದು ಪರಂದ್ಡ್ದಾವರೆ ಈ ನಾಡ್ಗ್ ತುಳುವ ಇನ್ಪಿ ಪುದರ್ ಬತ್ತ್ಂಡ್ ಇನ್ಪೆರ್ ಡಾ| ಕೆ.ವಿ.ರಮೇಶೆರ್.
ಆಂಡಾ ಈ ಪ್ರದೇಶೂಗು ಬತ್ತಿನ ಪುದರ್ ಜನಮಾನಿನ ಭಾಷೆಡ್ದ್ ಇಂದ್ದ್ ಮದಪೆರೆ ಬಲ್ಲಿ. ದಾಯೆಗಿನ್ನಗ, ಒಂಜಿ ಪ್ರದೇಶ ಜನಮಾನಿಗ್ ಅಕುಳೆಡ್ ಮುಖ್ಯವಾದ್ ತೋಜುನ ಸ್ವಭಾವ ಗುಣತ ಮಿತ್ತ್. ಅಕುಳಿಗ್ ಅಕುಳೆನ ನಾಡ್ಗ್ ಪುದರ್ ಪಡೆತ್ತೊಂದಿನ ಕ್ರಮ ಮಾತಾ ಇಡೆಟ್ಲಾ ತೋಜಿದ್ ಬರ್ಪುಂಡು. ಭಾಷೆ ಇನ್ಪಿನವು ಜನಮಾನಿನ ಗುರ್ತು ಮಾವುನ ಅಕಳಿನ ಸ್ವಭಾವ ಗುಣದ ಅಂಶ ಇಂದ್ ಪಣ್ಣಿನ ದಾವರೆ, ಭಾಷೆನೇ ಅಕುಳಿಗ್ ಪುದರ್ ಕನಪ್ಪಿನವಾದುಂಡು ಇ ತರ್ಕವೆ ಸಮಂಜಸವಾವು. ತಮಿಳುದಕುಳು ತಂಕುಳೆನ ಭಾಷೆ ಸೆನ್ದಮಿಳ್ ಇಂದೆರ್.ತೆಲುಗು ಭಾಷೆದಕುಳು ಅವು ತೀಪೆದವು ಇಂದೆರ್., ಕನ್ನಡದಕುಳು ಅಕಳೆನ ಭಾಷೆ ಕಸ್ತೂರಿ ಇಂದ್ದ್ ಪಡೊಂದು ಬತ್ತೆರ್. ತಂಕುಳಿನ ಆತ್ಮ ತೃಪ್ತಿಗಾದ್ ವಿದ್ವಾಂಸೆರ್ ಪಣ್ತಿನ ಅರ್ಥೋಡು ದಿಂಜ ಅಯಿತ (beauty) ತೋಜುನ ನಮ ಬರೆತಿನ ಮಹಾಕವಿ ರತ್ನಾಕರ ವರ್ಣಿ ಪಣ್ತಿನ ಲೆಕ್ಕೊ "ಎಂಚ ಪೊರ್ಲಾಂಡ್ ಎಂದು ತುಳುವೆರ್ ಮೈಯು ಕೇಳಬೇಕಣ್ಣಾ” ಇನ್ಪಿನಯಿಟ್ ತುಳುಭಾಷೆದ ಪೊರ್ಲು ದಿಂಜ ಅರ್ಥ ಕೊರ್ಪಿನ ಪದ. ತುಳುಭಾಷೆದ ಮುಖ್ಯ ಅರ್ಥಲಾ ಅವೇ ಇಂದ್ದ್ ಪಣೋಲಿ. ಪೊರ್ಲು ಇನ್ನಗ ಪರ್ಲ್ (pearl). ಪರ್ಲ್ ಇನ್ನಗ ಮುತ್ತು. ಮುತ್ತು ವ್ಯಾಪಾರ ಆವೊಂದಿತ್ತಿನ ಜಾಗ ತುಳುವನಾಡ್. ಬೇತೆ ಅರ್ಥ ಅಯಿಕ್ ಅಗತ್ಯವಿಜ್ಜಿ. ಮುತ್ತುದಂಚನೇ ಪೊರ್ಲಾದ್, ಕೆಬಿಕ್ ಕೇಣಿರೆ, ಬರೆವರೆ ಆಪಿನ ಭಾಷೆ "ಮುತ್ತಿನಂತಹ ಮಾತು" ಇಂದ್ದ್ ಕನ್ನಡಿಗೆ ಕೊಂಡಾಡುನಂಚಿನ ಅರ್ಥದ ಮಿತ್ ತುಳುಭಾಷೆ ಬುಳಿವಡ್. ತುಳುವೆರೆಗ್ ಆನಂದ-ತೃಪ್ತಿ ಕೊರಡ್.
2.82 ಈತ್ ಪಣ್ಣ್ಂಡ ಸಮಾಧಾನ ವಾವಂದ್. ಪ್ರತಿ ಒಂಜಿ ಶಬ್ದೊಗು ನಿರುಕ್ತಿ ಬೋಡು. ಅಯಿಕೊಂಜಿ ಮೂಲದ್ರವ್ಯದ ಮಿತ್ತ್ ದ ನಿಷ್ಪತ್ತಿ ತೋಜಾವೊಡು. ಅಂಚ ಇನ್ನಗ, ತುಳು ಪದ ಪಿದಯಿದಕುಳು ದೀತಿನ ಪುದರ್. ತೆಂಕಾಯಿದ ತಮಿಳ್ಗ್ ದ್ರಾವಿಡ ಇನ್ಪಿ ಪುದರ್ ಬಡಕಾಯಿದಕುಳು ಕೊರ್ತಿನಲೆಕ್ಕೊ. ಈ ನಾಡ್ಡ ಮುಖ್ಯ ಗುಣಸ್ವಭಾವ, ಅನುಕೂಲತೆದ ಮಿತ್ತ್ ಪಿದಯಿ ನಾಡಕುಳು. ಪರದೇಶದಕುಳು ಈ ನಾಡ್ನ್ ಗುರ್ತು-ಸಂಕೇತ
ತುಳುಪಾತೆರೊ
