ಮಾತ್ರ ಈ ಕೆಲಸ ಮಳ್ಪೆರೆ ಸಾಧ್ಯ ಇಂದ್ ದ್ ಖಚಿತವಾಪುಂಡು. ತುಳುವ ಜನಮಾನಿ ಕನ್ನಡದ ಒಂಜಿ ಅಂಶನೇ ಆದ್ ಪೋಯೆರೆ ವಿನಹ, ತುಳುವ ಭಾಷೆನ್ ಸ್ವತಂತ್ರ ರೂಪೊಡು ಬರವುಡ್ ಉಪಯೋಗ ಮಳ್ಪುನ ಶ್ರಮ ದೆತ್ತೊಣುಜೆರ್. ಅಕುಳೆನ ದುರಾದೃಷ್ಟ ಇನ್ಪಿನ್ ಲೆಕ್ಕೊ. ಪುಟ್ಟದ್ ಬಲತ್ತಿನ ಊರುಡು ಬೇಲೆ ತಿಕ್ಕಂದೆ ಬೊಂಬಾಯಿ, ಮದ್ರಾಸ್, ಬೆಂಗಳೂರಂಚಿನ ಮಲ್ಲ ನಗರಲೆಗ್ ಪೋಪಿನವಾಂಡ್. ಪೋಯಿನಕುಳು ಕನ್ನಡ ಅಥವಾ ಆಯಾಯ ಸ್ಥಳೀಯ ಭಾಷೆಡ್ ಓದುನ ವ್ಯವಹಾರ ಮಳ್ಪುನವ್. ಜೋಕುಳೇ ಆ ಭಾಷೆನ್ ಕಲ್ಪಾವುನವಾದ್ ಬತ್ತ್ಂಡ್. ತುಳುವೊಡು ಒರಿದಿನ ಅಪ್ಪೆ ಅಮ್ಮ ಪೊದ್ದೆರ್ ಇಷ್ಟೆರೆಗ್ ಕಾಗಜಿ ಬರೆಪಿನವುಲಾ ಕನ್ನಡೊಡು. ಅರೆಗಾಲದ ರಜೆಟ್, ರಡ್ಡ್ ಮೂಜಿ ವಾರ ಊರುಗ್ ಬತ್ತ್ಂಡ, ತುಳುವ ಪಾತೆರೊ ಸುತ್ತ ಮುತ್ತ ಕೇಣ್ದ್ ಬರ್ಪಿನ ತಂಕುಳೆನ ಭಾಷೆ ಇಂದ್ದ್ ತೆರಿಪಿವಾಂಡ್. ಮುಂಬಾಯಿ ನಗರೊಡು ಸಂಘ ಸಂಸ್ಥೆಲೆನ್ ಆಯಾಯ ಸಮಾಜದಕುಳು ಕಟ್ಟಿದ್, ಈ ಸಂಘಲೆನ್ ವ್ಯವಹಾರ ಕೂಡಾ ಎಚ್ಚಿಗೆ ಕನ್ನಡೊಡು ಅಥವಾ ಸ್ಥಳೀಯ ಭಾಷೆಡ್ ಆಂಡ್. ಮುಂಬಾಯಿ ನಗರೊಡೆ ತುಳುವರೆ ಸಂಖ್ಯೆ ದಿಂಜ. ಬೆಂಗಳೂರುಡು ಕೂಡಾ ಎಚ್ಚೊಂದು ಉಂಡು. ನಾನಾತರದ ಕೆಲಸ ಕಸುಬುದಕುಳು ಮೊಕುಳು, ಓದು ಬರವು ಗೊತ್ತಿತ್ತಿನಕುಳು ಪಾಕ. ಆಂಡಲಾ, ನಾಲಚ್ಚರ ತುಳುಟು ಬರೆಪಾ ಅಪ್ಪೆಗ್ ಅಮ್ಮ ತೆಗೆ ತಂಗಡಿಲೆಗ್ ಇನ್ಪಿ ಆತುರವಾವಡ್. ತಂಕುಳಿನ ಉಡಲ್ದ ಅಭಿಪ್ರಾಯಲೆನ್ ತುಳುಟು ಅಭಿವ್ಯಕ್ತ ಮಳ್ಪುನಕುಳು ಆವಡ್ ತೀರಾ ವಿರಳ. ಇನ್ನಗ ಇಜ್ಜಿಂದ್ದೇ ಪಣೋಲಿ. ಈ ಪರಿಸ್ಥಿತಿ ನನಲಾ ವಿಷಮ ವಾಪಿನವೇ ಸಾಧ್ಯ. ದಾಯೆಗಿನ್ನಗ, ಪರ ಊರುದ ವಲಸೆದಾಂತೆ ತುಳುವೆರೆಗ್ ಊರ್ದ ಸಂಪತ್ಡ್ ಬಾಳ್ವೆ ಇಷ್ಟ. ಅಂಚ ತೂವನಗ ಈ ಮಲ್ಲ ದೇಶೋಡು ಕೇರಳ ತಮಿಳುದ ಕೂಡಾ ಕೆಲಸ ನಾಡೊಂದು ಬೇತೆ ಬೇತೆ ಜಾಗಲೆಗ್ ಪೋಪಿನವು ಅನಿರ್ವಾಯವಾದುಂಡು. ಈ ಕಾರಣದ ಮಿತ್ತ್ ಮಾತೃಭಾಷೆ ಕಲ್ಪುನವು, ಅಯಿಟ್ ಬರೆಪಿನವು ಆವಂದ್ ಇನ್ಪಿ ನಿಯಮವಿಜ್ಜಿ. ತುಳುವೇ ಬರೆವರೆ ಯತ್ನ ಮಳ್ಪುವಾ ಇನ್ಪಿನಕುಳು ಒಂತೆ ಒಂತೆ ಆಂಡಲಾ ಅಭ್ಯಾಸ ಮಳ್ಪೊಡಾಂಡ ತುಳು ಧ್ವನಿಮೆ. ವ್ಯಾಕರಣ ವಿಷಯ ತೆರಿಯೊಂದಿನ ಅಗತ್ಯವುಂಡು. ಈತ್ ಮಾತಾ ದಾಯೆಗಿನ್ನಗ, ಮಾತೃ ಭಾಷೆಡೇ ಮೂಲತಃ ಜನಮಾನಿ ಎನ್ನೊಡು.ಚಿಂತನೆ ಮಳ್ಪೊಡು. ಆವೆನ್ ಬರವುಗ್ ಪತ್ತ್ ದ್. ನನ ಒರಿಯಗ್ ಪಿನ್ಹಾವೊಡು, ಆಪಗ ಆ ಜನಮಾನಿಗ್ ಆ ಸಮಾಜ ಸಮುದಾಯೊಗು ಉಪಯೋಗ, ನಾಡ್ದ್ ಉನ್ನತಿಗ್ ನನಲಾ ಅವಕಾಶ.
2.81 ತುಳು ಪದೊಕ್ ಅರ್ಥ ದಾನೆ ಇನ್ಪಿ ಕುತೂಹಲ ಮಾತೆರೆಗ್ಲಾ
ಉಂಡು. ವಿದ್ವಾಂಸೆರ್ ಇಂದೆಕ್ ಬೇತೆ ಬೇತೆ ಅರ್ಥ ಕಟ್ಟಿಯೆರ್. ಆ ಅರ್ಥದ
ಮಿತ್ ಅಕುಳು ಕೊರ್ತಿನ ಆಧಾರೊಲು ಕೂಡಾ ತೀರಾ ಸ್ವಾರಸ್ಯದವು.
ಉದಾ: ರಾಷ್ಟ್ರಕವಿ ಗೋವಿಂದ ಪೈಕುಳು ಪಣ್ತೆರ್ "ತುಳು" ಇನ್ನಗ ನೀರಾಟ
ಬುಧಾನಂದ ಶಿವಳ್ಳಿ
