ಇದ್ದಿ". ಇಂಚ ಸಂಸ್ಕೃತ ಭಾಷೆದ ಮಹತ್ವ ಭಾಷಾವಿಜ್ಞಾನ ನಾಂದಿ ಅಂಡ್ ಇಂದ್ದ್ ಪಣೋಲಿ.
ಮಾಕ್ಸ್ ಮುಲ್ಲರ್ ಪಣ್ತಿನ ಪಾತೆರೊ ತೂಲೆ: "A comparitive philologist without knowledge of Sanskrit is like an astronomer without knowledge of mathematics".
ಅಂಡ ಯುರೋಪ್‌ಡ್ ಸಂಸ್ಕೃತ ಭಾಷೆ ಒಂಜಿ ಮೃತಭಾಷೆ ಇಂದ್ದ್ ಗ್ರಹಿಪೊಂದು ಇತ್ತಿನಕುಳು ಕೂಡಾ ಇತ್ತೆರ್ ಅಪಗ. ಎಲ್ಲಿಸ್ ಇನ್ಪಿನಾ‌ರ್ ಪಣ್ತಿನ ಪಾತೆರೊನು ತೂಲೆ: "Almost in our own days came the discovery of Sanskrit, and philology proper began but alas at the wrong end.. for the pure science of language, to begin with Sanskrit was as much beginning at the wrong end, as it would have been to commence Zoology with palaeontology-the relations of life with the bones of the dead."
ಈ ರೀತಿದ ಜಿಜ್ಞಾಸೆಡ್, ಭಾಷಾಶಾಸ್ತ್ರ ಅಧ್ಯಯನಕಾರೆರ್, ಮೃತಭಾಷೆದ ಬದಲಾದ್, ರೂಢಿಡ್ ಇಪ್ಪುನ ಜೀವಂತವಾದುಪ್ಪುನ ಪ್ರಯೋಗ ನಡಪಂದಿನ ಭಾಷೆನಲಂಚಿ ತೂಯೆರ್. ಈ ಅಧ್ಯಯನ ಫಲವಾದ್, ಭಾರತೊಡು ಪ್ರಚಾರೊಡು ಇಪ್ಪುವ ದಕ್ಷಿಣದ ಪಾತೆರೊಲು, ಇನ್ನಗ ದ್ರಾವಿಡ ಭಾಷೆಲನ ಅಭ್ಯಾಸೊಡು ಆಸಕ್ತಿ ಪುಟ್ಟದ್ ಬತ್ತಂಡ್. ಈ ಕಾರ್ಯ ನಡತ್ತಿನಿ ಪಾಶ್ಚಿಮಾತ್ಯ ವಿದ್ವಾಂಸೆರೆಡ್, ಮುಖ್ಯವಾದ್ ಕ್ರಿಶ್ಚಿಯನ್ ಗುರುಕುಳೆಡ್ದ್ ಇಂದ್ದ್ ಗಮನಿಸೊಡು. ಉದಾ: ಡಾ। ರೈಟ್ ರೆವರೆಂಡ್। ಆರ್. ಕಾಲ್ಡ್‌ವೆಲ್ಲೆರೆನ ಪುದರ್ ಈ ಕೃತಿಟ್ ಗ್ರಂಥಮಾಲೆಡ್ (ಪರಾಮರ್ಶಿನಿ) ತೋಜಾದುಂಡು.
ರಡ್ಡನೆದಾದ್ ಡಾ। ಕಿಟ್ಟೆಲ್, ಕನ್ನಡದ ಅನುಪಮ ಕೋಶರಚನೆ ಮಲ್ತೆರ್. ರೆವರೆಂಡ್। ಜೆ. ಬ್ರಿಜೆಲೆರ್ ತುಳು ವ್ಯಾಕರಣ ಗ್ರಂಥದ ಅಸ್ತಿವಾರ ಪಾಡಿಯೆರ್. ಇಂದೆಟ್ ನಂತ್ರದ ಇರ್ವೆರ್ ವಿದ್ವಾಂಸೆರ್ ತಂಕುಳೆನ ಕೃತಿಲೆನ್ ಪ್ರಕಟಮಳ್ತಿನಿ ಈ ತುಳುನಾಡ್‌ಡ್-ಮಂಗಳೂರುಡು. ಭಾಷಾಶಾಸ್ತ್ರ ಅಪಗ ಭಾರತದ ವಿಶ್ವವಿದ್ಯಾಲಯಲೆಡ್ ವಿಕಾಸವಾದ್ ಅಧ್ಯಯನ ರೂಪೊದು ಬತ್ತ್‌ದಿತ್ತಿಜಿ. ಅಂಚಾಂಡಲಾ, ಈ ಕೃತಿಲು, ಭಾಷಾವಿದ್ಯಾರ್ಥಿಲು ಮದಪನಂಚಿನ ಗ್ರಂಥಲಾದ್ ಒಲಿದುಳ್ಳ. ಇನ್ನಗ, ಅಯಿಕುಳೆನ ಮಹತ್ವದ ಮಿತ್ತ್ ಬೇತೆ ವ್ಯಾಖ್ಯಾನ ಅನಗತ್ಯ.
ಜನಮಾನಿ ಪಾತೆರೊ
1.40 ಈತ್‌ಮಾತಾ ಭಾಷಾಧ್ಯಯನದ ಮಿತ್ತ್ ಪಣ್ಪಿನವಾಂಡ, ಭಾಷೆ ಎಂಚ ಉತ್ಪತ್ತಿ ಆಪಿನಿ, ಎಂಚ ಬುಳೆಪೊಂದು ಬಲತ್ತೊಂದು, ಬದಲಾವಣೆ ಆವೊಂದು
32
ತುಳು ಪಾತೆರೊ
