ಈ ಪುಟೊನು ಪ್ರಕಟಿಸದ್ ಆಂಡ್
- ೧೯ -
ದ್ಡ್, ನೀ‌ರ್‌ಡ್ ಬೊದ್‌ಲಂದ್ಲಂ.
ದೊಲು ಪೋದು ಮದ್ದೊಲಿಡ ದೂರು ಪಂಡಿ ಲೆಕ್ಕ.
ಧರ್ಮೊಗು ತಿಕ್ಕಿ ಎರ್ಮೆಗ್ ಕಣ್ಣ್ ಇಜ್ಜಿ.
ನಂದರ ಬದ್‌ಕ್ ನಾಯಿ ತಿಂದ್ಂಡ್‌ಗೆ.
ನಕ್ಕರು ಪಾಡ್ದ್ ಏರಿ ವೊಯಿಪುನಿ.
ನಟ್ಟಂದೆ ಕೊರಯೆ‌ರ್‌ಗೆ, ಬೊಟ್ಟಂದೆ ಕೇಣಂದ್‌ಗೆ.
ನಟ್ಟುನಾಯಗ್ ನಾಲ್ ಇಲ್ಲ್, ಬೊಟ್ಟುನಾಯಗ್ ಪದ್‌ರಡ್ ಇಲ್ಲ್.
ನಟ್ಟುನಾಯೆ ಪಲ್ಲೆಂಕಿಡ್ ಕುಳ್ಳುದು ಪೋಯಿ ಲೆಕ್ಕ.
ನಟ್ಟು ನಾಲಾಯಿಗ್ ನಾಚಿಗೆ ಇಜ್ಜಿಡ, ತಿನ್ಪಿ ಬಾಯಿಗ್ ಬಡಸ್ತನ ಇಜ್ಜಿಗೆ.
ಸಡಪೆರೆ ತೀರಂದಿನಾಯಗ್ ತುಂಬೆರೆ ತೀರಂದಿ ಪುದೆ.
ನಡು ತುದೆಟ್ ಕೈ ಬುಡಿ ಲೆಕ್ಕ.
ನರಕೂಡು ಭೇದ ಇಜ್ಜಿ, ಸ್ವರ್ಗೋಡು ರೋಗ ಇಜ್ಜಿ.
ನರಮಾನ್ಯ ಗುಣ ಇತ್ತ್‌ದ್ ತೂವೊಡು, ನೀರ್‌ದ ಗುಣ ಜತ್ತ್‌ದ್ ತೂವೊಡು.
ನರಮಾನ್ಯಗ್ ನಿಂದೆ ಮಳ್ಪುನಾಯೆ ಪಡಿಕೆ.
ನರಮಾನ್ಯ ಸುಯಿಲ್ ನೀರ್‌ದ ಮೇಲ್‌ಡ್ ಉಪ್ಪಿ ಮುಗುಳಿ.
ನರಮಾನಿ ಆಳ್‌ಲಾ ಅರಸುಲಾ ಆವೊಡು.
ನಲ್ಪೆರೆ ತೆರಿಯನಾಯೆ ಜಾಲ್ ವೋರೆ ಅಂದೆಗೆ.
ನಾಯಿ ಆಂಡಲಾ ಪೊಣ್ಣುಕಿನಿ ಪಾಡಿಯೆರೆ ಆವಂದ್.
ನಾಯಿತ ಕೇಂಡ್‌‌ದ್ ಬೋಂಟೆಗ್ ಪೋವೊಡಾ?
