- ೧೮ -
ತಿರ್ತ್ ಬೂರ್ಂಡಲಾ ನೆಲ ಬುಡಯೆ.
ತುಚ್ಚು ನಾಯಿ ಕೊರೆಪಂಪ್, ಕೊರೆಪು ನಾಯಿ ತುಚ್ಚಂದ್.
ತುದೆಕ್ ದಂಗ್‌ದಿ ಮರತ ಲೆಕ್ಕ.
ತೂ ತೆಕ್ಕ್ಂಡ್‍ಗೆ.
ತೆಲಿಕೆದ ಅಣ್ಜೆವುನುಲಾ ಅರ್ಪಿ ಪೊಣ್ಜೆವುನುಲಾ ನಂಬೆರೆ ಬಲ್ಲಿಗೆ.
ತೆಲಿಪುನ ಪೊಂಜೋವುನುಲಾ ಬುಳಿಪುನ ಆಣ್ಜೆವುನುಲಾ ನಂಬೆರೆ ಬಲ್ಲಿಗೆ.
ತೇವುದ ಕಾ‌ರ್‌ಗ್‌ ಕಂಜಿ ಕಟ್ಟ್‌ದ್ ಬೈದನಾ?
ತೈ ನಡ್‌ನಗನೇ ಫಲ ಆಪುಂಡಾ?
ತೊಡಂಕ್‌ಡ್ ತಿಗ ಗೆತ್ತಿ ಲೆಕ್ಕ.
ತೋಡು ಮುಡಯಿ, ಕಂಡ ಪಡ್ಡಯಿ.
ತೋಡು ಕಡಪರೆ ತೀರಂದಿನಾಯೆ ತುದೆ ಕಡಪೊಲ್ಯಾ?
ತೌಡು ಮುಕ್ಕೆಲೆ ಪೋಂಡ ಉಮಿ ಮುಕ್ಕೆಲೆ ಬರುವೆ.
ದಂಡೊಗು ಎದ್‌ರ್ ಉಂತೊಲಿ, ಸುದ್ದಿಗ್ ಎದ್‌ರ್ ಉಂತೊಲ್ಯಾ?
ದೆಪ್ಪೆರೆ ಪೋಂಡ ಪೆತ್ತ, ಬೊರಿಯೆರೆ ಪೋಂಡ ಬೋರಿ ಅಂಡ್‌ಗೆ.
ದಾರ ಮೋಂಟಾಂಡಲಾ ಬಿತ್ತ್ ಎಂಟು ಆತ್.
ದಾಲಾ ದಾಂತಿನಾಯೆ ದಾದೆಕ್‌ಲಾ ಎಣ್ಣಯೆ.
ದುಂಬುದ ಉಣಸ್ ಎಡ್ಡೆ, ಬೊಕ್ಕದ ಮೀಪಾಟ ಎಡ್ಡೆ.
ದುಂಬು ಪೋಲ ಅಂ‌ದ್‌ದ್ ಪಿರವುಡ್ದು ಕುದುಪುನಾಯೆ.
ದೂಜಿ ಮಳ್ತೊಂದು ಪೊಲ್ಲುದು ಬರ್ಪಿನಿ.
ದೇವೆರ್ ಕೈ ನೀಡುನಗ ಪೂಜಾರಿ ಬುಡಂದಿ ಲೆಕ್ಕ.
ದೇವರ್ ಕೊ‌ರ್ಂಡಲಾ ಭಟ್ಟೆರ್ ಬುಡುಪುಜೆರ್.
ದೇವರೆ ಆಶೀರ್ವಾದ ಇತ್ತಿನವೇ ಎಡ್ಡೆ ಜಾತಿ.
ದೇವೆರೆನ್ ನಂಬುನಾಯೆ ಶೆಟ್ಟುಜೆ, ಭೂತೊನು ನಂಬುನಾಯೆ ಬಾಳುಜೆ.
