ಬಂಗರಸು ಸೋಪುನಕಾಲೊಡು ಬೆದ್ರದ ಚೌಟೆರ್ ಬಂಗರಸುಗು ಸಾಯೊ ಮನ್ತಿನೆಡ್ದಾವರೊ
ಮೂತರರಸುನು ಸೋಪಾದ್ ಕಿಸ್ತೆರೆ ವರ್ಸ 1410ಟ್ ಚೌಚೆರೆಗ್ ಮಣೇಲ್, ಪೇಜಾವರ,
ಮುಂಡೇರ್ ಸೀಮೆನ್ ಸಾಯಕೊರಿನೆಕ್ಕ್ ಬೋಡಾದ್ ಬುಡ್ಡು ಕೊರ್ಯೆಗೆ. ಆಪೊರ್ತುಡು
ಬೈಲಂಗಡಿ ಮೂಲರೆಗ್ಲಾ ಬಂಗರಸುಲೆಗ್ಲಾ ಅಪಗಪಗ ಲಡಾಯಿ ಆವೊಂದಿತ್ತ್ಂಡ್.
ಈ ೧ನೇ ಲಕ್ಷುಮಪ್ಪನ ಕಾಲೊಡು ಉಬಾರ್ಡ್ ಕೋಟೆ ಕಟ್ಟಾಯೆ. ಅಂಚನೆ ನಂದಾರೊಡು
ಒಂಜಿ ನಿಧಿತಿಕ್ಕ್ ದ್ ಅಲ್ಪ ಒಂಜಿ ಅರಮನೆ ಕಟ್ಟಾಯೆ. ಸುತ್ತ ಒಂಜಿ ಕೋಟೆ ಕಟ್ಟಾಯೆ.
ವೀರಭದ್ರ ದೇವಸ್ಥಾನ ಪಿಲಿಚಂಡಿ ಗುಂಡ, ಮುಖ್ಯ ಪ್ರಾಣ ದೇವಸ್ತಾನ. ಆಧೀಶ್ವರ
ಬಸ್ತಿ ಕಟ್ಟಾಯೆ. ಚತುರಂಗ ಪೇಂಟೆದ ನಿರ್ಮಾಣ ಆಯನ ಕಾಲೊಡಾಂಡ್. ಆಯಗ್
ಸಜಿಪದ ಬಲ್ಲಾಳೆ ನಂದಿರಾಮ ಮಗಳ್ ದಾರಕ್ಕನ್ ಮದಿಮೆ ಮನ್ತ್ ಕೊರಿಯೆ.
ಆ ಕಾಲೊಡು ಸಜಿಪ ನಾಲ್ಕೆತಾಯಿಗ್ಲಾ ಗುಡಿಮಾಡ ಕಟ್ಟಾದ್ ಕೊರ್ಯೆ.
ಉಬಾರ್ಡ್ ಮಾಂಕಾಳಿ ಅಬ್ಬೆಗ್ಲ ಗುಂಡೊಕಟ್ಟಾಯೆ. ಆಯೆ ಕಿಸ್ತೆರೆ ವರ್ಸ 1455ಟ್
ತೀರಿಬುಕ್ಕ ಆಯನ ತಂಗಡಿ ರಡ್ನೇ ಶಂಕರಿ ದೇವಿಗ್ ಪಟ್ಟ ಆಂಡ್. ಈ ರಾಣಿ ಕಿಸ್ತೆರೆ
ವರ್ಸ 1491ಮುಟ್ಟ ರಾಜ್ಯ ಭಾರ ಮನ್ತೊಳು. ಮೋಳೆನ ಆಳ್ವಿಕೆದ ಕಾಲೋಡು ಮೊಳೆನ
ಮಗೆ ೨ನೇ ಶಂಕರಿಡ್ದ್ ಬುಕ್ಕ ಬಂಗಾಡಿ ವೀರಭದ್ರ ದೇವಳೊಗು ಉಂಬಳಿ ಉತ್ತಾರ
ಕೊರಿಯೆಗೆ. ೨ನೇ ಶಂಕರಿದ್ ಬುಕ್ಕ ಕಾಮರಾಯೆ ಪಟ್ಟ ಏರ್ಯೆ. ಇಂಬ್ಯೆನ ಆಳ್ವಿಕೆದ
ಕಾಲೊಡು ಪೋರ್ಚುಗೀಸೆರೆ ಹಾವಳಿ ಜಾಸ್ತಿ ಆಂಡ್. ಆಕ್ಲೆನ ವೈಸರಾಯಿ ಲೋಪೇಜ್
ಡೀ ಸಂಪಾಯೋ ಕುಡಲದ ಅರಂತಡೆ ದಾಳಿಮನ್ತೆ. ಆ ಕಾಲೋಡು ಬಂಗರಸುಗಲಾ
ಪೋರ್ಚುಗೀಸೆರೆಗ್ ಲಡಾಯಿ ಆದ್, ಒಂಜಿ ಕರಾರ್ದ ಮಿತ್ತ್ ಲಡಾಯಿನ್ ಉಂತಾದ್
2,400ಮುಡಿ ಆರಿ, 1,000 ಬುದ್ದುಲಿ ಎಣ್ಣೆ ಸುಂಕೊ ಕೊರ್ಪುನ ಪಾತೆರ ಕತೆ ನಡತ್ಂಡ್.
ಈ ಸಮಯೊಡು ಅರಬಿದ ಒರಿ ಸಾಹುಕಾರೆ ಕುಡಲಡ್ ಬೇರೊಗು ಶುರುಮನ್ತೆ. ಆಯಡ ಲಡಾಯಿಮನ್ತ್ದ್ ಪೋರ್ಚುಗೀಸೆರ್ ಕುಡಲದಸೀಮೆಡ್, ಕಿಸ್ತಾನ್ ಧರ್ಮ ಪ್ರಚಾರೊ ಮತ್ತೊಂದು ಬಾರೀ ಬಲೊ ಪಡೆಯೆರ್ ೨ನೇ ಕಾಮರಾಯೆ ವಿಜಯನಗರೊಗು ಕೊರ್ಪಿ ಕಪ್ಪಕಾಣಿಗೆ ಕೊರಂದಿನೆಡ್ದ್ ಕಿಸ್ತೆರ ವರ್ಸ 1520ಡ್ ಕೆಳದಿದ ಸದಾಶಿವನಾಯಕೆ ಕುಡಲಗ್ ದಂಡ್ ಕನತ್ದ್ ಬಂಗರಸುನು ಸೋಪಾದ್ ವಿಜಯನಗರೊದ ಕಪ್ಪೋನು ವಸೂಲು ಮನ್ತ್ದ್ ಕಿಷ್ಣದೇವರಾಯಗ್ ಒಪ್ಪಯೇ. ಆಯಡ್ ಬುಕ್ಕ, 3ನೇ ಹಾವಳಿಬಂಗರಸು ಕಿಸ್ತೆರೆ ವರ್ಸ 1533ಡ್ದ್ 1545 ಮುಟ್ಟ ನಂದಾರೊಡು ಪಟ್ಟೋರ್ದ್ ಆಳಿಯೆ.
79
