ಗಣಹೋಮ ಮಲ್ಲಾವೊಂದು ಬರೊಂದಿತ್ತೆ. ಆ ದೇವಳೊಗು ಉಂಬಳಿ ಉತ್ತಾರ ಬುಡಿಯೆ.
ಆನಿಡ್ದ್ ಬುಕ್ಕ ದುಡ್ಡುದ ಮೇಲ್ಮೆಗ್ ಪಣವುದ ಬಂಗರಸುಂದು ಪುದರ್
ಪಾವೊಂಡೆಗೆ. ಕುಡಲದ ಆಳುವೆದ ಬಾಕಿಲ್ಡ್ ಕೋಟೆ ಕಟ್ಟಾಯೆ. ಮಂಗಳಾದೇವಿ
ದೇವಳೂನು ಜೀರ್ಣೋದ್ಧಾರ ಮನ್ಪಾಯೆ. 2ನೇ ಚಂದ್ರಶೇಖರ ಬಂಗರಸುಡ್ಡು ಬುಕ್ಕ
ಆಯನ ಮೆಗ್ಯೆ ಕಿಸ್ತೆರೆ ವರ್ಸ 1224ಟ್ ಪಟ್ಟೊಗು ಬತ್ತೆ. ಈ ಪಾಂಡ್ಯಪ್ಪ ಬಂಗರಸುನ
ಕಾಲೊಡು ಬಾರಿ ಮಲ್ಲಪುದಾರ್ದ ಕೆಲಸ ನಡತಿಜಿ. ಆಯ ಜೊಕುಳುದಾಂತಿನೆದ್ದಾವರೆ,
ತಂಗಡಿ ವಿಠಲದೇವಿಗ್ ಕಿಸ್ತೆರೆ ವರ್ಸ 1230ಡು ಪಟ್ಟ ಆಂಡ್. ಆಳ್ ಕಿಸ್ತೆರೆ ವರ್ಸ
1264ಮುಟ್ಟು ರಾಜ್ಯೋನು ಅಳಿಯೊಳು. ಆಳೆಡ್ದ್ ಬುಕ್ಕ ೧ನೇ ಕಾಮರಾಯ ಬಂಗರಸು
ಕಿಸ್ತೆರೆ ವರ್ಸ 1264ಡ್ 1274ಮುಟ ಸೀಮೆನ್ ಅಳಿಯೆ. ಆಯಡಡ್ದ್ ಬುಕ್ಕ
ಪದ್ಮಲದೇವಿ ಪಟ್ಟ ಏರ್ಯಳ್. ಮೋಳು ಕಾಮರಾಯನ ಮರ್ಮಳ್. ಕಿಸ್ತೆರ ವರ್ಸೊ
1274ಡ್ಜ್ 1287 ಮುಟ್ಟ ಮರ್ಮಳ್ ಪದ್ಮಲಾ ದೇವಿನ ಆಳ್ವಿಕೆ ಆರ್ ಆಳನ ಮಗೆ
ಒಂಜಿನೇ ಹಾವಳಿ ಬಂಗರಾಜೆ ಕಿಸ್ತೆರೆ ವರ್ಸ 1287ಟ್ ಪಟ್ಟೋ ಏರ್ದ್ ಸೀಮೆನ್ ಆಳೊಂದು ಬತ್ತೆ. ಆಯನ ಕಾಲೊಡು ಬೋಳ್ತೇರ್ (ಬೆಳ್ತಂಗಡಿ) ಕುತ್ಯಾರ್ಡ್ ಸೋಮನಾಥ ದೇವಸ್ಥಾನದ ಜೀರ್ಣೋದ್ಧಾರ, ಅಲ್ಪ ಒಂಜಿ ಅರಮನೆ, ಬುಕ ಮಲ್ಲ ಒಂಜಿ ಕೋಟೆ. ಕಟ್ಟಾದ್ ತಿರ್ತ್ಲ್ಲ ಒಂಜಿ ಸೆಟ್ಟಿಲೆಪೇಂಟೆ, ಗುರುವಾಯನ ಕೆರೆಟ್ ಬಸ್ತಿ ಪೂರಾ ಮನ್ಪಾಯೆ. ಆ ಕೋಟೆದ ಬಡಕಾಯಿಡ್ ವೀರಭದ್ರ ದೇವಸ್ಥಾನ, ಗಣಪತಿ ದೇವಸ್ಥಾನ ಕಟ್ಟಾಯೆ. ಆ ಬಂಗರಸುಡ್ಡು ಬುಕ್ಕ, ಆಯನ ತಂಗಡಿ ಶಂಕರೀ ದೇವಿಗ್ ಕಿಸ್ತೆರೆ ವರ್ಸ 1324ಟ್ ಪಟ್ಟ ಆಂಡ್. ಆಳ್ 25 ವರ್ಸರಾಜ್ಯಭಾರಮನ್ತೋಳು. ಆಳೆನ ಆಳ್ವಿಕೆದ ಕಾಲೊಡು ಕುಡಲದ ಮಹಾಮಂಡಳೇಶ್ವರೆ ಆದ್ ಸೋಯಿದೇವ ಅಲುಪೇಂದ್ರೆ ಆಳೊಂದಿತ್ತೆ. ಆಯಗ್ ಸಂತಾನ ಇತ್ತ್ ಜಿ. ಶಕಂರೀದೇವಿಗ್ ತನ್ನ ಏಳ್ ಬಲ್ಲಾಕುಳೆ ಸೀಮೆನ್ ಆಯೆ ಬುಡ್ಡು ಕೊರುದು ಒಡೆಯಪನ್ಪಿ ಬಿರ್ದಕೊರ್ಯೆ.
ಆ ಪೊರ್ತುಡು ಹೊಯ್ಸಳೆರೆ ತಿತಿ ಬಾರೀ ಹೀನಾವಸ್ಥೆಗ್ ಮುಟ್ಟುದಿತ್ತ್ಂಡ್. ಶಂಕರೀದೇವಿ ತಾನೇ ಸ್ವತಂತ್ರವಾದ್ ಬಂಗಸೀಮೆನ್ ಆಳೊಂದು ಬತ್ತೊಳು. ಆಳ್ ತೀರಿಬುಕ್ಕ ಆಳೆನ ಮಗೆ ರಡ್ಡ್ನೇ ಹಾವಳಿಬಂಗರಾಜೆ ಕಿಸ್ತೆರ ವರ್ಸ 1349ಡ್ಡು 1400 ಮುಟ್ಟ ರಾಜ್ಯಭಾರ ಮನ್ತೆ. 51 ವರ್ಷ ಇಂಬ್ಯರಾಜ್ಯಭಾರೊ ನಡತ್ಂಡ್. ಆಯಡ್ದ್ ಬುಕ್ಕ. ಕ್ರಿಸ್ತೆರೆ ವರ್ಸ 1400 ಟ್ ೧ನೇ ಲಕ್ಷುಮಪ್ಪರಸ ಬಂಗಗ್ ಪಟ್ಟ ಆಂಡ್. ೨ನೇ ಹಾವಳಿಬಂಗನ ಮೆಗ್ಯೆ ಆಯಿನ ಈ ಬಂಗರಸುಗು ಉಮ್ಮಣ್ಣ ಬಂಗ ಪನ್ಪಿ ವಾಡಿಕೆದ ಪುದರಿತ್ತ್ಂಡ್. ಈ ಲಕ್ಷುಮಪ್ಪಗ್ಲಾ, ನೀಲೇಶ್ವರದ ಮೂತರಸುಗುಲಾ ಲಡಾಯಿ ಆಂಡ್.
78
