ಬೊಕ್ಕೊಂಜಿ ದೃಷ್ಟಿಡ್ ಉಂದು 'ಯಜಮಾನ ಸಂಸ್ಕೃತಿದ ವಿಡಂಬನೆಂದ್ ತೋಜುಂಡು. ವಾ ಧನಿನ್ಲಾ ಎದುರೆದುರೇ ಡೋಂಗಿ ಮಲ್ಪಿ ಎದೆಗಾರಿಕೆ ಜನೊಕ್ಷೆಗಿಪ್ಪುನೆ ಕಡಮೆ. ಪಂಪನಂಚಿ ಮಹಾಕಾವ್ಯ ಬರೆತಿ ಕವಿಯೇ ಸೀದಾ ಅಭಿವ್ಯಕ್ತಿ ತೋಜದ್ ಜೆ! 'ನಿಜದೊಳೆ ಭೂಪರೆಂಬರ್ ಅವಿವೇಕಿಗಳಪ್ಪರ್' ಇಂಚಿತ್ತಿ ಪಾತೆರೊ, ಪಂಪನ ಸೃಷ್ಟಿದ ಪಾತ್ರೊಲೆನ ಬಾಯಿಡ್ ಬರೊಡಾಂಡ, ಉಂದು ಆಯನ ಉಳಮನಸ್ ದ ಅಭಿವ್ಯಕ್ತಿ ಪನ್ದ್ ತೆರಿಪುಂಡು. ನಮ್ಮ ಕಬಿತದ ಕವಿಕುಲ್ಲಾಕಮ್ಮಿ ಇಜ್ಜೆರ್. ಯಜಮಾನ ಸಂಸ್ಕೃತಿಗ್ ತೋಜಾದಿ ಪ್ರತಿಕ್ರಿಯೆ ಮೂಲು ಉಂಡು.
ದಿಕ್ಕಗೊರ್ಯಗ್, ಉಲ್ಲಾಯನ ದುಸ್ರೈತೊ ಆಯಿಕೂಡ್ಲೆ ಒಂಜಿ 'ಅಣಕು ಯಜಮಾನೆ' ತಯಾರಾಯೆ. ಪ್ರದರ್ಶನ ಅಣಕು ಆಂಡಲ ಐತ ಉದ್ದೇಶ ಬಲಾತ್ಕಾರೊಡು ಕೂಲಿಯಾಳುಲೆನ್ ಲೆತೊಂದು ಬರ್ಪಿನಿ. 'ಕುಪ್ಪುಲುಕಣ್', 'ನಾಗರಬೆತ್ತ', 'ಕೆಂಚಿ ಮೀಸ' ಉಂದು ಪೂರಾ ಯಜಮಾನ ಸಂಸ್ಕೃತಿದ ಪ್ರತೀಕೋಲು. ಅಯಿತ ಪ್ರಯೋಗ ಮಸ್ತ್ ತಿರ್ತ ವರ್ಗದ ಜನೊಕುಲೆಗ್ ಆತ್ಂಡ್ ಒಂಜಿ ದೃಷ್ಟಿಡ್ ಯಾಜಮಾನನ ವರ್ತನೆನ್ ಕಬಿತೆ ಡೋಂಗಿ ಮಲ್ಪುಂಡು. ಬಲಾತ್ಕಾರೊಡು ಬೆನ್ಪಿನವು, ಬೇಲೆದಕ್ಲೆನ್ ಅಡವುದೀದ್ ಚಲ್ಲ್ ಆಸೆ ತೀರಿಸವೊನಿ, ಇಂಚ ನಿಜಯಜಮಾನ್ಯ ಏತ್ ಲಾಗ್ಯೆಂಡಲ ಮೂಲಾಯ ಬುಡೆದಿಗ್ ಬಂಜಿ! - ಅಯಿಟ್ ಮಾತ್ರ ಉಳ್ಳಾಯನ ಸಾಧನೆ ಗೆಲ್ಪುಂಡು. ಆಂಡ ಬರ್ಪಿ ಸಂತಾನ ಆಂಡಲ ಎಡ್ಡೆ ಇಪ್ಪಡ್ಂದ್ ಜನಪದೆರ್ ಬಯಕುವೆರ್.
'ಓ ಬೇಲೆ'ನ್ ಎಚ್ಚ ಪನ್ಪುನಿ ಪೊಂಜೆನಕ್ಲ್. ನೇಜಿ ನಡಗ ಸುರುಕು, ಪನ್ಪಿ ಕಬಿತೊ ಉಂದು. ಆ ಪೊರ್ತುಗು ಕಂಡೊಡು ಆಂಜೆನಕ್ಲ್ ಒಂಜಿ ಮೈಟ್ ಅಡತ್ತೊಂದುಲ ಉಪ್ಪುವೆರ್. ಉಂದೆನ್ ಪೂರಾ ಗೇನೊಗು ದೆತೊಂಡ ನಮ್ಮ ಆಲೋಚನೆ ಒಂತೆ ಬದಲುಂಡು.
ದಿಕ್ಕೆ ಪಾಪದಾಯೆ ಅಂದ್ಂಡಲ, ಆಯನ ಬುಡೆದಿಗ್, ಇಲ್ಲದಕ್ಲೆಗ್ ಆಯೆ ಜೋರೇ...ಯಜಮಾನ್ಯನೇ! ಅಂಚಿನ ದಿಕ್ಕೆ 'ಉಳ್ಳಾಯೆ' ಆದ್ ಪೊಂಜೆನಕ್ಲೆನ ಮಿತ್ತ್ ಮಲ್ಪಿ ಅಧಿಕಾರದ ವರ್ತನೆ - ನಿಜೊದ ಉಳ್ಳಾಯನೆದುರು ಆಯನ ದೈನ್ಯಾವಸ್ಥೆ ಇಂಚಿತ್ತಿ ವೈರುಧ್ಯಲೆನ್ ಈ ಕಬಿತೆ ಮೋನೆ - ಮೋನೆ ಮಲ್ಪುಂಡು.
ನಡಿನೇಜಿ ಎಡ್ಡೆಡ್ ಬರಡ್ ಪನ್ಪಿ ಆಶಯದ ಲೆಕನೆ ಉಳ್ಳಾಯನ ಬೊಡೆದಿಗಾಪಿ
58
