ಪತ್ತುನ ಬೊಳ್ಳಿಕಟ್ಟಿ ಬೀಸತ್ತಿ, ಉಳ್ಳಾಯನ ಮುಂಡಾಸ್ ಕೊರ್ಪೆರ್, ಮುನ್ನೂದು ಆಳ್ ಕೊಂಡಲಪನ್ದ್ ಮುನ್ನೂದು ರೂಪಾಯಿ, ಸಾರಾಳ್ ಕೊಂಡಲ ಪನ್ದ್ ಸಾರೊ ರೂಪಾಯಿ ಕೊರ್ಪೆರ್. ದಿಕ್ಕೆ ಮೂಡಾಯಿ ಪೋಪೆ, ಮನ್ಸೆರೆ ಬೊಟ್ಟುಗು ಪೋದು ಬೇಲೆಗ್ ಲೆಪ್ಪುವೆ. 'ಬುಲ್ಪುನ ಬಾಲೆ-ನೆರ್ಪುನ ಮಾಮಿ ಪರೆಂಚುನ ಸಮ್ಮಲೆ - ನೋಪುನ ಕಂಡನಿ ಉಂಡುಂದು ಪನ್ಪೆರ್ ಮನ್ಸೆರೆ ಪೊಣ್ಣುಲು. ಅಯಿಕ್ ಪರಿಹಾರ ಪನ್ಪೆ ದಿಕ್ಕೆ, ಆಂಡಲ ಅಕ್ಲು 'ಎಂಕ್ಲೆ ಬರಿಯೆರೆ ಆಪುಜಿ ಉಳ್ಳಾಯ' ಪನ್ಪೆರ್ (ಉಳ್ಳಾಯನ ದುಸ್ತೈತೊಡು ಇತ್ತಿನ್ಡ್ದಾದ್ - ದಿಕ್ಕನ್ ಉಳ್ಳಾಯೆಂದೇ ಎನಿವೆರ್ಂದ್ ವಕೃತೆರಿಪಾಬೆರ್) ಅಪಗ ದಿಕ್ಕೆ ಕುಪ್ಪುಲು ಕಣ್ಣ್, ಕೆಂಚಿ ಮೀಸೆ, ತಿರ್ಗಾದ್ 'ಬರೊಡುಂದ ಪನ್ಪೆ ಪೊಣ್ಣುಲು ಪಿದಡುವ, ಅಲ್ತ್ ಬೈರೆರೆ ಕೊಪ್ಪೋಗು ಪೋದು ಅಕ್ಲೆನ್ ಲೆಪ್ಪುವೆ. ಅಕುಲ್ಲಾ ಸಮಸ್ಯೆ ಪಂಡ್ದ್ 'ಬರಿಯೆರೆ ಆಪುಜಿ' ಪನ್ಪೆರ್.. ದಿಕ್ಕೆ ರೌದ್ರಾವತಾರ ತೋಜವೆ. ಪೊಣ್ಣುಲು ಪಿದಾಡೊಡಾಪುಂಡು, ಸಾದಿಡ್ ಬಚ್ಚಿರೆತಿನಿಯೆರೆ, ಕಲಿಪರ್ಯೆರೆ, ಗಂಗಸರೊ ಪರ್ಯೆರೆ-ಒಂಜೊಂಜಿ ಆಳ್ ಅಡವುದೀದ್ ಬರ್ಪೆ., ಉಳ್ಳಾಯೆ ಜನ ದಾನೆ ಕಮ್ಮಿಂದ್ ಕೇನ್ನಗ 'ಮಲ್ಲೊಂಜಿ ಕಾಡ್ಡೆ ಬತ್ತೊ-ಪಿಲಿಪತ್ಂಡ್, ತೋಡು ಕಡತ್ತ್ ಬನ್ನಗ ಬೊಲ್ಲೊಗು ಪೋತ್ಂಡ್' ಪನ್ದ್ ತಪ್ಪಾಯೆರ್ ತೂಪೆ. ಉಳ್ಳಾಯೆ ಪಿಸ್ರ್ಡ್ ಲಾಗಿವೆರ್, ಇಲ್ಲಡೆ ಪೋನಗ ದೆತ್ತಿಡ, ಕಂಡೊಗು ಪೋನಗ ಬೇಲೆದಕ್ಲೆಡಕೋಪಿಪುವೆರ್. ಕೋಪಿತ್- ಲಾಗಿದ್ ದೆತ್ತಿಗ್ ಬಂಜಿ ಆತ್ಂಡ್. ಆಣ್ ಬಾಲೆ ಆಂಡ ಆಮ್ಮಗ್ ಆಧಾರೊ, ಪೊಣ್ಣು ಬಾಲೆ ಆಂಡ ಅಪ್ಪೆಗ್ ಆಧಾರೊ - ಇಂಚ ಕಬಿತೊ ಪನ್ಪುಂಡು.
ಕುತೂಹಲ ಇಪ್ಪುನಿ ವಾ ವಿಷಯೊಡು ಪಂಡ್ಂಡ, ನಿಜೊಟ್ಟು ಇಜ್ಜಂದಿ ಉಪ್ಪಂದಿ ಇಸಯೊನು ಕಬಿತೊ ಪನ್ಪುಂಡು, ಮೇಲ್ವರ್ಗದಕ್ಲೆ ಪ್ರತಿಷ್ಠೆದ ದುಸ್ರೈತೊ, ಅತ್ಯಾರ್, ತಿರ್ತ ವರ್ಗೊಗು ಕೊರ್ಪಿನ ವಿಚಾರ ಇಪ್ಪಡ್... ಅಕುಲಾದೆ ದುಸೈತೊ ಆಯೆರಬಲ್ಲಿ, ಅಕ್ಲೆ ಅತ್ಯಾರ್ ಪತ್ತೆರೆ ಬಲ್ಲಿ ಪನ್ಪಿ ಕಟ್ಟ್ ನಮ್ಮ ಸಮಾಜಡ್ ಉಂಡು. ಅಂಚ ಇಪ್ಪುನಗ ಕಬಿತೆದ ದಿಕ್ಕೆ ಉಳ್ಳಾಯನ ದುಸೈತೊ ಆತಿನಿ, ಉಳ್ಳಾಯನ ಬೊಳ್ಗುಡೆ, ಬೊಳ್ಳಿ ಕಟ್ಟಿ ಬೆತ್ತ, ಬೀಸತ್ತಿ ಪತ್ತುನಿ ಎಂಚ?
ಉಂದು ತಿರ್ತ ವರ್ಗೊದ ಜನೊಕುಲೆನ ಕನಸುಂದು ಪನೊಲಿ. ನಿಜೊಟ್ಟು ಸಾಧ್ಯ
ಇಜ್ಜಾಂದಿನ ವೇಷಭೂಷಣ, ಅತ್ಯಾರ್ನ್ ಕಬಿತೆದ ಮೂಲಕ ಆಂಡಲ ಪತ್ಯೆರೆ. ಪಾಡೊನೈರ ತುಡಿಪುನ ಮನಸ್ಸ್ ದ ಅಭಿವ್ಯಕ್ತಿಂದ್ ಪನೊಲಿ.
57
