śಸಂಪಾದಕರ ಪಾತೆರೊ ತುಳು ಸಾಹಿತ್ಯ ಪರಂಪರೆನ್ ತೊಂಡ ಸೃಜನಶೀಲ ಬರವಣಿಗೆ ಪ್ರಕಟ ಆತಿನಾತ್, ಸಂಶೋಧನೆ, ವಿಮರ್ಶೆದಂಚಿ ಬರವುಲು ಪ್ರಕಟ ಆತ್‌ಜಿ. ನೆಕ್ಕೋ ಮುಖ್ಯ ಕಾರಣ ಪಂಡ ತುಳು ಸಾಹಿತ್ಯ ಸೃಷ್ಟಿ ಪ್ರಜ್ಞಾ ಪೂರಕವಾದ್ ನಡತಿನ ಕ್ರಿಯೆ. ಓದುಗೆರೆ ವಲಯ ಸೀಮಿತ ಇತ್ತಿನೆರ್ದಾವರ ಬರೆಪಿನಕುಲು ಪ್ರಕಟ ಮಲ್ಲುಗನ ಯೋಚನೆ ಮಲ್ಲುವೆರ್. ಅಂಚಾದ್ ಲೇಖನೊ ಬರೆನಗ ತುಳುರ್ದು ಹೆಚ್ಚ ಕನ್ನಡೊಡು ಬರೆಪೆರ್, ತುಳು ಒಂಜಿ ಸಾಂಸ್ಕೃತಿಕ ಭಾಷೆಂದ್ ಮನಪೂರ್ವಕವಾದ್ ಒಪ್ಪಿಬೊಕ್ಕ ಪ್ರಜ್ಞಾ ಪೂರ್ವಕವಾಯಿನ ಸೃಷ್ಟಿ ದೂರವಾದ್ ಎಂಚಿನ ತುಳುಟ್ಟೆ ಬರೆಪಿನಿ ಪನ್ನಿನ ಮನಸ್ಥಿತಿ ಬರ್ಪುಂಡು. ಇಂಚಿನ ಸಂದರ್ಬೊಡು ಸೃಜನೇತರ ಗದ್ಯ ಬರವಣಿಗೆಲ್ಲಾ ಪ್ರಜ್ಞಾ ಪೂರ್ವಕವಾದ್‌ ನಡಪುನ ಅಗತ್ಯ ಉಂಡು, ಇಂಚ ನಡತ್‌ಂಡ ತುಳುಟ್ಟು ಮಾತಾ ರೀತಿದ ಬರವುಲ್ಲಾ ಬರಿಯೆರೆ ಸಾಧ್ಯ. ತುಳು ಭಾಷೆ ಸಮರ್ಥ ಸಾಹಿತ್ಯ ಭಾಷೆ ಆದ್ ಪಕ್ವ ಆಪುಂಡು. ವಿಮರ್ಶೆ, ಲೇಖನೊಲೆಗ್ ಬೋಡಾಯಿ ಪಾರಿಭಾಷಿಕ ಶಬ್ಬೊಲ್ಲಾ ಸೃಷ್ಟಿ ಆಪುಂಡು, ಈ ಚಿಂತನೆಡ್ ಪುಟಿನ ಬೂಕು ಮದಿಪು ಲೇಖನೊಲು ಸಂಕಲನ ರೂಪೊಡು ತುಳುಟ್ಟು ಸೃಜನೇತರ ಗದ್ಯ ಬರವಣಿಗೆ ಬೈದಿನಿ ಕಡಿಮೆ ಆಂಡಲಾ, ಕರಿನ ಪದಿಮೂಜಿ ವರ್ಸೊದಿ್ರಂಚಿ ಅಕಾಡೆಮಿದ ಮದಿಪು ಪತ್ರಿಕೆಡ್ ಇಂಚಿ ಬರವುಲು ಬೋಡಾಯಿನಾತ್ ಬೈದ್‌ಂಡ್, ಅಯಿಟ್ ಏತೋ ಗಟ್ಟಿ ಬರವುಲು ಉಂಡು. ಅಯಿಟ್ ಕೆಲವು ಬರವುಲೆನ್ ಆಯ್ಕೆ ಮಲ್ತದ್ ಸಂಕಲನ ರೂಪೊಡು ಒಂಜೆ ಕೊಡಿಡ್ ತಿಕ್ಕುಲೆಕ ಸಂಪಾದನೆ ಮಲ್ತ್‌ದ್ ಸಂಕಲನ ಪ್ರಕಟ ಆಂಡ ಎಡ್ಡೆ ಪನ್ನಿನ ಅಭಿಪ್ರಾಯೊಡು ಮೂಲು ಪದಿಮೂಜಿ ಬರವುಲೆನ್ ಸಂಪೊಲ್‌ದ್ ಪ್ರಯೋಗಾತ್ಮಕವಾದ್ ಪ್ರಕಟ ಮಲ್ಲೊಂದುಲ್ಲ. ಬರಪಿನ ಬರಹಗಾರೆರೆಗ್ ಪ್ರೋತ್ಸಾಹ ಕೊರ್ಪಿನ ದೃಷ್ಟಿಡ್ ಒಂಜಿ ಕವನ ಸಂಕಲನ ಬೊಕ್ಕ ಲೇಖನ ಸಂಕಲನ ಕನೊಡು ಪಂಡ್‌ದ್ ಸ್ಥಾಯಿ ಸಮಿತಿಡ್ ನಿರ್ಧಾರ ಆಂಡ್. ಈ ಬಗ್ಗೆ ಪ್ರಕಟನೆ ಕೊರುಂಡಲ ಬೋಡಾಯಿನಾತ್ ಲೇಖನೊಲು ಬತ್ತಿಜಿ. ಅಯಿರ್ದಾವರ ಮದಿಪುದ ಲೇಖಲೆನ್ ಆಯ್ಕೆ ಮಲ್ತ್‌ದ್ ಪ್ರಕಟ ಮಲ್ಪೆರೆ ಸ್ಥಾಯಿ ಸಮಿತಿ ಒಪ್ಪಿಗೆ ಕೊರುಂಡು. ಅಂಚಾದ್ ಸುವರ್ಣ ಕರ್ನಾಟಕದ `ಯೋಜನೆದ ಅಡಿಟ್ ಈ ಬೂಕು ಪ್ರಕಟ ಆವೊಂದುಂಡು. iv
