ಪನ್ಪುನ ನನೊಂಜಿ ಪುದರ್ ಬತ್ತ್ದಿಪ್ಪೊಡು.
ನಲಿಕೆದಕ್ಲು ನಿಜವಾಯಿನ ಕಲಾವಿದೆರ್. ಭೂತ ನೃತ್ಯ ಕಲೆ ಈ ಮಣ್ಣ್ದ ಮಾತಾ ಜಾನಪದ ಬೊಕ್ಕ ಶಾಸ್ತ್ರೀಯ ಕಲೆಕುಲೆಗ್ ಮೂಲ ಪ್ರೇರಣೇಯಾದುಪ್ಪೊಡು. ದಾಯೆ ಪಂಡಾ ಬೇತೆ ಮಾತಾ ಜಾತಿದಕ್ಲು ಕೈಗಾರಿಕೆ, ಬೇರ, ಬೊಕ್ಕ ಬೆನ್ನಿಲೆನ್ ತನ್ಕ್ಲೆ ಬೇಲೆ ಆದ್ ಕೈಕ್ ದೆತೊನ್ನ ಕಾಲೊಡು ನಲಿಕೆದಕುಲು ನೃತ್ಯ ಕಲೆನೇ ತನ್ನ ಬೇಲೆ ಆದ್ ಗೆತೊಂದೆರ್. ಕಾಲಾನುಬಾಗೊಡು ದಲಿತ ವರ್ಗೊಗು ಸೇರಿನ ಬಾಕಿ ಜಾತಿದಕುಲೆಡ್ದ್ಲಾ ಕೆಲವು ಜಾನಪದ ಕಲೆಕುಲು ಪುಟ್ಟೊಂಡ. ದುಂಬುಗು ಮೇಲ್ಜಾತಿದಕ್ಲುಂದು ಪಂಡೊನ್ನಕ್ಲು ನಲಿಕೆದಕ್ಲೆ ಭೂತ ನಲಿಕೆ ದಂಚಿ ಬಾಕಿ ಜಾನಪದ ಕಲೆಕುಲೆನ್ ಆಧರಿಸಿದ್, ಪರಿಷ್ಕರಣೆ ಮಲ್ತ್ ದ್, ಅವೆಕ್ ಶಾಸ್ತ್ರೀಯವಾಯಿನ ಒಪ್ಪ ಕೊರ್ದು ಭರತ ನಾಟ್ಯ, ಶಾಸ್ತ್ರೀಯ ಸಂಗೀತೊಲೆನ್ ತಯಾರ್ ಮಲ್ತೆರ್. ಅಂಚಾದ್ ಈ ಮಣ್ಣ್ ಡ್ ಮಾತಾ ಕಲೆತ ಮೂಲ ಸೃಷ್ಟಿ ಕರ್ತೆರ್ ನಲಿಕೆದಕುಲುಂದು ಪಂಡಾ ತಪ್ಪಾವಂದ್. ಭರತ ನಾಟ್ಯೊಗು ಭೂತ ನೃತ್ಯದ ಕೊಡುಗೆ ಉಂಡುಂದು ಪನ್ಪುವೆರ್. ಉದಾರ್ನೆ ಭೂತ ನೃತೊಡು ಬರ್ಪಿನ ತಿತ್ತಿತ್ಸೆ ಬಕ್ಕ ತಕದಿಮಿ ತನಕಜನು ಪನ್ಪುನ ಕಾರ್ದ ಪಜ್ಜೆಗಾರಿಕೆ ಭರತ ನಾಟ್ಯೂಡ್ಲಾ ತೋಜಿದ್ ಬರ್ಪುನವು. ಇತ್ತೆ ಈ ಭಾರತ ಮಣ್ಣ್ ಡ್ ಭೂತ ನೃತ್ಯ ಕಲೆ ದುಂಬು ಪುಟ್ಟುನೆ ಅತ್ತ್ ಭರತ ನಾಟ್ಯನೋ ಪನ್ಪಿ ಪ್ರಶ್ನೆ ಸಾಮಾನ್ಯರ ಉಡಲ್ಡ್ ಮೂಡು. ಭೂತೊ ನೃತ್ಯೋನು ಉಂಡು ಮಲ್ತಿನಿ ನಲಿಕೆದಕುಲು.ಭರತ ನಾಟ್ಯೊನು ಸೃಷ್ಟಿ ಮಲ್ತಿನಿ ಬಿರನೆರ್. ಬಿರನೆರ್ನ ಪೆರಿಯಾಕ್ಲು ಈ ದೇಸೊಗು ಬರ್ಪಿನೆಕ್ ದುಂಬೇ ಮುಕ್ತ ಮೂಲ ನಿವಾಸಿ ದ್ರಾವಿಡ ನೃತ್ಯಗಾರೆರಾದಿತ್ತೆರ್. ಪದಪನ್ಪುನಕ್ಲಾದಿತ್ತೆರ್. ಅಪಗ ಈ ನೃತ್ಯ ಕಲೆ ದಲಿತ ಬಕ್ಕ ಪಿರಬೂರಿ ಜನಾಂಗದಲ್ಲಿನ ಇತಿಹಾಸ ಪುರುಸರ ಸಾಹಸ ಕತೆಲೆನ್ ಪದ್ಯ ರೂಪೊಡು ಪಂಡೊಂದು ನಲಿಪುನ ಒಂಜಿ ಕಲಾ ಪ್ರಕಾರವಾದಿತ್ತ್ಂಡ್. ಅವೆಡ್ದ್ ಈ ಕಲೆ ಜನಪ್ರಿಯವಾಯಿನಂಚನೆ ಆಯಾಯ ಇತಿಹಾಸ ಪುರುಸೆ ಏಸ (ಭೂತ) ಕಟ್ಟೋದ್ ನಲಿಪುನ ಪದ್ಧತಿ ಸುರುವಾಂಡ್. ಉಂದೆಡ್ಡಾದ್ ಭೂತೊಗು ಆರಾಧನಾ ಶೈಲಿ ಬತ್ತ್ಂಡ್. ಭರತ ನಾಟ್ಯ ಕಲೆ ಪುರಾಣ ಕಾಲೊಡೇ ಉಂಡು ಪಂದ್ ಕೆಲವೆರ್ ತರ್ಕ ಮಲ್ಪೆರ್, ಆಂಡಾ ಈ ಪುರಾಣೋಲು ಪುಟ್ಟನ್ನೇ ಬಿರನೆರ್ ಭಾರತೊಗು ಬತ್ತಿನೆಡ್ ಬಕ್ಕ, ದ್ರಾವಿಡ ಅವೆಕ್ ದುಂಬೇ ಈ ಮಣ್ಡ್ ಪದ ಪಂಡ್ದ್ ನಲಿತೊಂದಿತ್ತೆರ್.
ಯಕ್ಷಗಾನ ಭೂತ ನೃತ್ಯ ಕಲೆತ ಪರಿಷ್ಕೃತ ರೂಪ ಪನ್ಪಿನೆಕ್ ಬೋಡಾಯಿನಾತ್ ಉದಾರ್ನೆನ್ ಕೊರೊಲಿ. ಭೂತ ನೃತ್ಯೋಡು ಐತಿಹಾಸಿಕ ಕತೆನ್ ಪಾಡ್ಡನವಾದ್ ಪಂಡ್ಂಡಾ ಯಕ್ಷಗಾನೊಡು ಪುರಾಣದ ಕತೆನ್ ಬಾಗವತಿಕೆಯಾದ್ ಪನ್ಪೆರ್.ಭೂತ
46
