ಪಡೆಯರೆ ತೀರಂದ ಪುರ್ಸ ಯೇಸೊಡು ಬತ್ತ ಪತೊಂದು ಬಲಿಪುನಕತೆ ಆಣಾಯಿನಾಯೇ ಪೆನ್ಸಿನೆನ್ ನಮ್ಮ ದುಂಬು ದೀಪುಂಡು, ಮಂತ್ರದ ಮೋಸೋಡು ಪೊಣ್ಣನ್ ಯೇನ್ ರಕ್ಕಸ ಬುದ್ದಿನ್ ಬುಲೆಪಾವ ಅವು ಅತ್ತಾಂದೆ ಮನಸಾತಿ ಆಣನ್ ಬುಡ್ಡು ಯೇರಾ ಒರಿಯಡಪ್ಪ ಮ ಮಲ್ತ್ ಕೊರುಂಡ ಆಪಿನ ಅನ್ಯಾಯೊನು ದುರಂತೊನು ಪನ್ನಿನ ಬೊಳ್ಳುಳ್ಳಿ, ಕಿನ್ಯಗ ಕಂಡನೆ ಇಜ್ಜಾಂದಿ ಪೊರ್ತುಡು ಮೈತಿದಿನಕಲೆನ ಕಾಟೊಡು ಪಿಲಿ, ಬಾಯಿಗ್ ಬುರೊಡಾದ್ ತನ್ನ ಸತ್ಯದ ಬಲೊಟ್ಟು ಬದ್‌ದ್ ಬಲ್ಲಿನ ಪೊಣ್ಣನ ಕತೆನ್ ಪುತ್ರಕ್ಕ ಪಾಕ್ಷನ ಪಲೆಕ್ಕನೇ ಪೊಣ್ಣಗ್ ಪೊಣ್ಣೆ ಪಗೆ ಆದ್ ಇತ್ತಿನ ಸಂದರಪ್ಪುನುಲಾ ನಮ್ಮ ದುಂಬು ದೀಪುಂಡು. ಈಡೇ ಅತ್ತ್ ಕೊರಗತನಿಯ, ವಜ್ರಂದ ಕುಮಾರ, ಕನ್ಯಗೆ ಪಾದ್ದನೊಲು ಪೊಣ್ಣ ಉಡಲ್ಸ್ ದಿಂಜಿದಿತ್ತಿನ ಮಲ್ಲ ಮನಸ್ಸದ ಪುನು ಸುಳ್ಳು ಮಲ್ಪಂದೆ ಪನೊಂದುಂಡು, ನಂಕ್ ತಿಕ್ಕುನ, ಪೊಣ್ಣ ಸಂತಾನದ ಉಡಲ್ಪ ತಡಿಲ್‌ನ್ ಪನ್ಸಿನ ಹೆಚ್ಚಿನ ಪಾಡನೊಲು ಅಲೆನ ಸಾಮಾಜಿಕ ದುರಂತನು ಪನ್ನಿಲೆಕನೇ ಕುಟುಮದುಲಯಿದ, ನೆತ್ತೆರ್ ಕೂಟದ ಕರ್ಲ ಕಟ್ಟದ ಉರ್ಲ ಕತೆನ್ ಪೊರ್ಲುಡೇ ಮದಿಪುವ, ಮೂಲು ಬಸ್ಸಿನ ಸತ್ಯ ಅವು ಪೊಣ್ಣಗ್ ಮಾತ್ರ ದಾಯೆ ಒತ್ತರೆಡುಂಡು? ಆಲೇ ದಾಯ ಸತ್ಯ ಪರೀಕ್ಷೆಗೆ ಒಡ್ಕೊಡಾಪುಂಡು? ಪೊಣ್ಣನ್ ಮಾತ್ರ ದಾಯೆ ಮುಂಡೆ ಮುಚ್ಚಾದರ್? ಪನ್ನಿನ ಸತ್ಯನು ಜನಪದ ಕವಿ ದೆಂಗ್ ತಪ್ಪಾದ್ ಉಡಲ್ ಸೆಡ್ಡಿದ್ ತೆರಿಪಾವೊಂದುಲ್ಲೆ. ಪಾಡ್ಡನೊಡು ಪೊಣ್ಣನ ಚರಿತ್ರೆನ್ ತೂಂಡ ತನ್ನ ಪುಟ್ಟುಡೇ ವಂಚನೆಗ್ ತಿಕ್‌, ಕಾಮದ ಕಣ್ಣಿದ ಓಮೊಡ್ಡು ಪಿದಯಿ ಬರಿಯರೆ ಆವಂದೆ ಸತ್ಯದ, ಮಾಯದ ಲೋಕೊಗು ಪೋಪೊಲು, ಮುಲ್ಪ ಪನ್ನಿನ ಸತ್ಯ ಏನಿಕಾಲದ ನಾಮದ ಕಟ್ಟದ ಸಮಾಜ ವ್ಯವಸ್ಥೆಗ್ ಪತ್‌ದ್‌ ಪೋದು ಪೊಣ್ಣನ ಸಾವುಡು ಮಡಿ ಅವೊಂದಿತ್ತ್ಂಡ್. ಪಾದ್ದನೊಲೆಡ್ ನಮ ತೂಪಿನ ಗಂರ್ಭದ ಪಿಂಡ, ಪೆದ್ದು ಸಂಕಡ, ಬಾಲೆ ಮಾನಾದಿಗೆ 27
