ಮಾಯೊಗು ಸೇರ್ದ್ ಭೂತೊಲು ಆಪೆರ್. ಆಣ್ಣೆ ಕಲ್ಕುಡಗ್ ಆಯಿನ ಅನ್ಯಾಯೊನು ಬೂಟರೆ ಬೋಡಾದ್ ತಂಗಡಿ ಕಲ್ಲುರ್ಟಿ ಜೋಗೋಡು ಆವಂದಿನೆನ್ ಮಾಯೊಡು ಸಂದಾವ ಪಂಡ್ದ್ ವಾಕ್ ದೆತೊನುವೊಲು. ಮುಲ್ಪ ಪೊಣ್ಣು ಆಣಗ್ ಬೆರಿಸಾಯ ಆದ್ ಇತ್ತಿನೆನ್ ಪನೊಂದುಂಡು. ಉಂದು ಪಾಡ್ಡನದ ಸತ್ಯ.
ಅವು ಅತ್ತಂದೆ ತಗೆ ತಂಗಡಿನ ಎತೆತ್ತ ಕತೆನ್ ಪನ್ಪಿನ ಕೋಡ್ಡಬ್ಬು ತನ್ನಿಮಾನಿಗ ಪಾಡ್ಡನೊಡು ಪೊಣ್ಣು ತಾನ್ ಮೈಲೆ ಅವಂದಿಲೆಕ ಆಣನ್ ತಾಂಗ್ದ್ ಒರಿಪರೆ ಬೋಡಾದ್ ಪುಣೆವುನೆನ್ ತೂವೂಲಿ. ಕೋಡ್ಲಬ್ಬುನ ಅಪ್ಪೆ ಕಚೂರ ಮಾಲ್ದಿ ಪೊಣ್ಣು ಪೋದು ಪೊಂಜೊವು ಆಪಿನ ಕಾಲೊಡು ದೈವದ ಪ್ರಸಾದ ತಿಂದಿನೇ ಗರ್ಭ ದಿಂಜಿದ್ ಬರುಂಡುಗೆ. ಊರ ಜನಮಾನಿದ ಕೋಂಗಿ ಕೋರೆನ್ ತಪ್ಪಾವರೆ ಬೋಡಾದ್ ತಾನ್ ತುಂಬುದಿನವು ಸತ್ಯದ ಬಂಜಿ ಪನ್ಪಿನೆನ್ ಲೊಕೋಗು ತೆರಿಪಾವರೆ ಬೋಡಾದ್ ಸತ್ಯ ಪಿರ್ಮಾಣೆಗು ತನನ್ ಒಡ್ಡಾದ್ ಗೆಂದುವೊಲು.ಸತ್ಯದ ಬಾಲೆ ಮಗೆ ಕೋರ್ದಬ್ಬು ತನ್ನ ಬಿರ್ದ್ನ್ ಮೆರೆಪಾವೊಂದುಪ್ಪುನಗ ಕಿಚ್ಚಿ ಮಚ್ಚರದ ಮೋಸದ ಉಗ್ಗೆಲ್ಗ್ ಬೂರುದು ಕೋರಿ ಆದ್ ಕೆಲೆತೊಂದುಪ್ಪುನಗ, ತನ್ನಿಮಾನಿಗ ಪನ್ಪಿನ ಮುಂಡಲ್ಲದ ಮಗಲ್ ತನ್ನ ಗೆಜ್ಜೆಡ್ ಗೀರ್ದ್ ಮುಚಿದಿ ಕಲ್ಲ್ ಲಕ್ಕಾದ್ ತಾನ್ ತುತ್ತಿ ಸೀರೆಡೇ ದರ್ಪುವೊಲು. ತಗೇಂದ್ ತರ್ಕುವೊಲು. ಮುಲ್ಪ ಆಣ ಸಂತಾನೊಡ್ಡು ಆವಂದಿನಂಚಿನ ಒಂಜಿ ಇಚಿತ್ರದ ಕೆಲಸೊನು ಪೊಣ್ಣು ಮಲ್ದೊಲು ಪನ್ಪಿನ ಸತ್ಯೊನು ಪಾಡ್ಡನ ಪನೊಂದುಂಡು.
ಯೇರಾಯಿನಕುಲು ಪೊಣ್ಣಾಯಿನಲೆನ್ ಅರ್ತಿ ಪಿರ್ತಿಡ್ ಬಾಮಿದ್ ಬಮ್ಮನಿದ್ ತಾಂಗೊಂಡೆರಾ ಅಕಲೆಡ್ಡೆ ಅಲೆಗ್ ತೊರಿಪು ದೊಂಕು ಬೇನೆ ಆವೊಂದಿತ್ತ್ಂಡ್ಂದ್ ಪನ್ಪಿನೆಕ್ಕ್ ನನಲಾ ಕೆಲವು ಪಾಡ್ಡನೊಲೆನ್ ಗಿತ್ತ್ದ್ ತೂವೊಲಿ. ಉಡಲ್ ದಿಂಜಿದ್ ಕಣ್ಣಿನಿಲ್ಕೆ ತೂವೊಡಾಯಿನ ಪೊಣ್ಣ ಪೊರ್ಲುದ ಬೆಪ್ಪು ಲೆಪ್ಪುಗು ಮರ್ಲಾದ್ ತಮ್ಮಲೆ ಮೈಲೆ ಆಪಿನ ಕತೆನ್ ಕೊಲ್ಲೂರ ಮೂಕಾಂಬಿ ಜೇವು ಪಾಡ್ಡನ ಪನ್ಪುಂಡು. ಅಂಚೆನೇ ಜೈಲ ಬಂಗದಿ ನನ್ನ ಪಾಡ್ದನೊಡು ತಾನ್ ಮೋಕೆಡ್
26
