ನಂಕ್ ತಿಕ್ಕುವ, ಪಂಜುರ್ಲಿನ ಕತೆಟ್ ಬತ್ತಿಲೆಕ್ಕ ಈಶ್ವರ ಪಾರ್ವತಿ ಜೋಗಿ ಜೋಗಿತಿಯರಾಪಿನಿ, ಕೊರಗ ಕೊರತಿ ಆಪಿನಿ, ಬೋಂಟೆಗ್ ಪೋಪಿನಿ ಇಂಚಿತ್ತಿ ಕತೆಕ್ಕುಲು ತಿಕ್ಕುವ ಅಂಚೆನೆ 'ಸಿರಿಸೀತಾರಾಮ ಸಿರಿಕೃಷ್ಣ ದೇವರೆ ಪಾಡ್ಡನ, ಜನಕರಾಯ ಮುನಿಸ್ವಾಮಿ, ಕೃಷ್ಣ ಸತ್ಯಮ್ಮ ಇಂಚಿತ್ತಿ ಪಾಡ್ಡನೊಲು ಪುರಾಣದ ಪಾಡ್ಡನೊಲು. ನರಮಾನಿಲು ಭೂತೊಲಾಪಿನ ಕತೆಕ್ಕುಲು ಪಾಡ್ಡನೊಲೆಡ್ ತಿಕ್ಕುಂಡು ಉದರ್ಮಗ್ ಕೋಟಿಚೆನ್ನಯ, ಕಲ್ಕುಡ ಕಲ್ಲುರ್ಟಿ, ಬೊಬ್ಬರ್ಯ, ಕೊಡ್ಲಬ್ಬು ತನ್ನಿಮಾನಿಗ ಮೊಕುಲು ಮಾತ ದುರಂತ ಮರಣಗು ಒಳಗಾದ್ ದೈವೊಲಾತಿನ ಕತೆನೇ ಅಕಲ ಪಾಡ್ಡನ. ಪಾಡ್ಡನದ ಪ್ರಪಂಚೊಡು ಲೌಕಿಕ ಬೊಕ್ಕ ಅಲೌಕಿಕ ಪನ್ನಿನ ರಡ್ ಪ್ರಮುಖ ವಿಭಾಗೊನು ಮಲ್ಗೊಂಡ ಹೆಚ್ಚಿನ ಪಾಡನೊಲು ನಂಕ್ ಅಲೌಕಿಕ ನೆಲೆವೇ ಆದುಂಡು. ಪ್ರಾಣಿಲು ದೈವೊಲಾತಿನ ಕತೆಕ್‌ಲೆನ್ ತೂಂಡ ನಂಕ್ ತಿಕ್ಕುನು ಪಂಜುರ್ಲಿ ಪಾಡ್ಡನ. ಭಕ್ತಿ ಬೊಕ್ಕ ಭಯ ಉಂದು ನರಮಾನ್ಯಗ್ ಇತ್ತಿನೆಟ್ಟಾತ್ರ ಆದ್ಯಾತ್ಮಿಕ ಜಗತ್ ನಿರ್ಮಾಣ ه ಆತ್‌ಂಡ್. ನಾಗಾರಾಧನೆ ಬಯ್ದಿನಿಲಾ ಒಂಜಿ ರೀತಿದ ಪೋಡಿಗೆಡ್ ಪಂಡಲಾ ತಪ್ಪತ್ತ್. ಪಿಲಿತ್ಯ, ಪಂಜಿದ ಆರಾಧನೆ ನುಕ್ ಪಿಲಿಚಾಮುಂಡಿ ಬೊಕ್ಕ ಪಂಜುರ್ಲಿ ಪಾಡ್ಡನೊಲೆಡ್ ತಿಕ್ಕುಂಡು. ಪಂಜುರ್ಲಿ ಒಂಜಿ ಪ್ರಾಣಿ ಮೂಲದ ದೈವ, ತುಳುನಾಡ್‌ದ ಪಿರಾಕ್‌ದ ದೈವೊಲೆಡ್ ಒಂಜಾದುಂಡು, ನಿಸರ್ಗದ ಶಕ್ತಿಲೆನ್ ಆರಾಧನೆ ಮಲ್ಪುನ ಕಾಲೊಡು ಪಂಜುರ್ಲಿ ಆರಾಧನೆ ಬತ್ತುಪೊಡು. ದುಂಬುದ ಕಾಲೊಡು ಕಾಡ್ ಭಯಂಕರ ಆದುಪ್ಪುನಗ ಪಂಜಿನ ಉಪದ್ರ ಕೃಷಿ ಇತ್ತ್ಂಡ್, ಅಂಚ ಆ ಉಪದ್ರ ದೆಪ್ಪರೆ ಬೋಡಾದ್ ಪಂಜಿನ್ ಕೆರ್ ಅಯಿತ ನೆಂಪುಗು ವಿಗ್ರಹ ರೂಪೊಡು ನಂಬುದುಪ್ಪು. ಅತ್ತಂದೆ ಅಯಿಕ್ ವರಾಹಾವತಾರದ ಕಲ್ಪನೆ ಕೊರಿನ, ಶಿವ ಪಾರ್ವತಿನಕಲ್ನ ಕತೆನ್ ಮೊಡೆಪಿನ ಇಂಚಿತ್ತಿ ಪುರಾಣದ ಆಯಾಮೊನು ಧಾರ್ಮಿಕ, ಜಗತ್ಕಡ್ ನಂಬಿಕೆದ ಪ್ರಪಂಚೊಡು ಮಲ್ಲೊಂದು ಬಯ್ದಿನವು ತೋಜುಂಡು. 20
