ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
10. ಬಾಲೆಲೆನ ರಕ್ಷಣೆಗಾದ್ರ ಮುಡ್ಸ್ ಬೊಕ್ಕ ಮಾಂತ್ರಿಕ ನಡಾವಲಿಲು
ಧರ್ಮ ಬೊಕ್ಕ ಮಂತ್ರ ವಿದ್ಯೆಲು ಜನಮಾನಿನ ಬದ್ಕ್ಡ್ ಮಲ್ಲ ಸ್ಥಾನನ್ ಪಡೆದ್ಂಡ್. ದಾಯೆಪನ್ಡ ಬದ್ಕ್ ಕಷ್ಟ ನಷ್ಟಗ್ ಮನಸ್ ಬೇನೆಗ್ ಮಾಂತ್ರಿಕ ಆಚರನೆಡ್ ನೆಮ್ಮದಿನ್ ಪಡೆಯೊಂದಿತ್ತೆರ್. ಕೆಲಸರ್ತಿ ಗೆರಚಾರ ದೋಷಲು ಕೈ ಮೀರ್ನಗ ನರಮಾನಿ ಏಪ ಬಾನ್ಗ್ ಮೋನೆಮಲ್ತ್ ತರೆತಮಿತ್ತ್ ಕೈ ದೀಯೆನ- ಆನಿ. ಎನಡ್ದ್ ಮಿತ್ತ್ ಮಲ್ಲ ಶಕ್ತಿ ಉಂಡ್ಂದ್ ..ಧಾರ್ಮಿಕತೆಗ್ .. ಬೊಕ್ಕ .. ಪಿರಿಕಟ್ದ ತಂತ್ರೊಲೆನ್ ನಾಡ್ದ್ ಪತ್ತ್ಯೆ. ಪುಟ್ಟು-ಸಾವು, ಮದ್ಮೆ.ಬಯಕೆ.. ಇಂಚ ಬದ್ಕ್ ದ ನಾನಾ ಮುಟ್ಟಿಗಲ್ಲ್ ಗ್ ಬೋಡಾಯಿನ ನಡಾವಲಿಲು.. ಒಂಜಿ ರೀತಿಡ್ ಪೊಕ್ಕಡೆಂದ್ ತೊಜುಂಡಲಾ ಮುಲ್ಪ ಈ ಕ್ರಮಕ್ಕುಲು ಮಾನಸಿಕವಾದ್ ಮನಸ್ಗ್ ಧೈರ್ಯ ಕೊರ್ಪುಂಡ್. ಬದ್ಕ್ ಗ್ ಬೊಲ್ಪು ತೋಜಾವುಂಡು. ಅಂಚಾದ್ ಇಂಚಿನ ನಡಾವಲಿನ್ ಮೂಢನಂಬಿಕೆಂದ್.. ದಕ್ಕರೆಗಾಪುಜ್ಜಿ. ಕೆಲವು ಆಚರನೆಲೆನ್ ಸಾಮೂಹಿಕವಾದ್ ನಡಪಾವೆರ್. ಸೀಕ್ ಕಷ್ಟ.. ನಷ್ಟ..ಬೇನೆ.. ದುನಿಪು ಕನಪುನ, ಕಣ್ ಗ್ ತೋಜಾಂದಿನ ಶಕ್ತಿಲೆಗ್ ಪೋಡಿದ್ ಐತ ಪಿರಿಕಟ್ಟೆಗಾದ್ರ ಆರೋಗ್ಯದ ದಿಟ್ಟಿಗಾದ್ರ ಜನಪದೆರ್ ಕೆಲವು ನಡಾವಲಿನ್ ಬದ್ಕ್ ಡ್ ಆಚರನೆ ಮಲ್ಪರೆಗೆ ಸುರು ಮಲ್ದಿಪ್ಪೆರ್. ಒಂಜೇ ಪಾತೆರಡ್ ಪನ್ಪುನಾಂಡ ನಂಬಲಿಗೆ ಬೊಕ್ಕ ಆಚರನೆಲು ಒಂಜಿ ಕಾಸ್ದ ರಡ್ಡ್ ಮೋನೆಲೆಂದ್ ಪನೊಲಿ. ಕೆಲವೆರೆಗ್ ಅತಿಮಾನುಷತೆದ ಅಂಶ (ಕೆಲ್ಸ್) ಭೂತ-ಕುಲೆಕ್ಲಡ್ ಜಿಂಜಿದುಂಡ್ಂದ್ ಪನ್ಪುನ ನಂಬಲಿಗೆ ಉಂಡು. ತುಳು ಜನಪದದೆರ್ ಪುರುಬಾಲೆಲೆನ ರಕ್ಷಣೆಗಾದ್ರ ಕೆಲವು ಮಾಂತ್ರಿಕ ಕ್ರಮಕ್ಲೆನ್ ಆಚರನೆ ಮಲ್ತೊಂದಿತ್ತಿನ ಗುರ್ತ ಅರ್ಥನ್ ಇತ್ತೆಲಾ ಕೆಲವೆರ್ ಒರಿತೊಂದೆರ್.
•ಕೆಲವ್ ಕಡೆಟ್ ಬಾಲೆದ ಪುದಾರ್ಡ್ದ್ ಅಪ್ಪೆ ಅಮ್ಮನ ಲೆಪ್ಪುನ ಕ್ರಮ ಉಂಡು. ಉದಾರ್ಮೆಗ್ ಶೇಖನಪ್ಪೆ-ಶೇಖುನಮ್ಮೆಂದ್ ಲೆಪ್ಪೆರ್. ದಾಯೆಪಂಡ ಕಂಡನೆ ಬುಡೆದಿನ್ ಪುದಾರ್ಡ್ ಲೆತ್ತ್ಂಡ ಬುಡೆದಿ ಕಂಡನೆನ ಪುದಾರ್ಡ್ ಲೆತ್ಕಂಡ ಇಲ್ಲಗ್ ಹಾಳ್.. ಅಕುಲೆನ ಆಯಿಸ ಕಮ್ಮಿ ಆಪುಂಡ್ಂದ್ ನಂಬುವೆರ್. ಪುಟ್ಟಿನ ಬಾಲೆಗ್ ತೀರ್ದ್ ಪೋಯಿನ ಅಜ್ಜ-ಅಜ್ಜಿನ ಪುದಾರ್ನ್ ಆಕುಲೆನ ನೆಂಪುಗಾದ್ರ ದೀಪೆರ್.
•ಬಾಲೆಗ್ ದೇವೆರ್-ದಿಂಡೆರ್ನ ಪುದಾರ್ ದೀಪೆರ್. ಬಾಲೆನ್ ನೂದು ಸರ್ತಿ ಲೆಪ್ಪುನಗ ಪುನ್ಯ ಸಂಪಾದನೆ ಮಲ್ಪೊಲಿಂದ್ ಎನ್ನುವೆರ್.
•ಬಾಲೆಗ್ ಕುಲೆತಬಾಧೆ ಬರೆಬಲ್ಲಿಂದ್ ಅಡ್ಡಪುದಾರ್ಡ್ ಲೆಪ್ಪೆರ್.
•ಬಾಲೆ ಪುಟ್ಟಲಕ್ಕನೆ ಪೋಡಿಗೆ ದೆಪ್ಪರೆಗ್ ಜಾಗಂಟೆ ಬೊಟ್ಟುವೆರ್.
•ಬಾಲೆ ಉಪ್ಪುನ ಇಲ್ಲದೆದುರು ದುಷ್ಟ ಶಕ್ತಿಲು ಉಪದ್ರ ಕೊರ್ರೆ ಬಲ್ಲಿಂದ್ ಕಾವೇರ್ದ ಗೆಲ್ಲನ್ ಗೂರ್ವೆರ್ಗೆ
95
