ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಬಜ್ಜಾರ್ದೊಸೆ (ನೀರ್ ತೆಲ್ಲವು), ಸೇಮೆದಡ್ಡೆನ್ ಆಜಿ ತಿಂಗೊಲು ಮುಟ್ಟ ಕೊರ್ರೆ ಬಲ್ಲಿಗೆ. ದಿನಾಲ ಆಡ್ಸೋಗೆ, ಕೈಬೇವುದ, ಒಲ್ಲೆಕೊಡಿ, ಮಂಜಲಿರೆತ, ಕಷಾಯೊಡು ಕಜ್ಜಿ ನುಂಗುನಮುಟ್ಟ ಮೀಪಾವೊಡುಗೆ. ಮೂಜಿ ತಿಂಗೊಲ್ದ ಉಲಾಯಿ ಅಮೆಕೋರ, ಬೂರುಂಡ ಅರಿತ ಅರ್ಕಂಜಿದಡಿತ ಬಾವೆ ಪೂಜಿದ್ ಮೀಪಾವೆರ್ಗೆ.
•ಕೈಬೇವುದ ರಸನ್ ಬಂಜಿಗ್ ಕೊರ್ಪೆರ್ ಬೊಕ್ಕ ಮೀಪಾವೆರ್.
•ಆಡುಸೋಗೆ ಬೊಕ್ಕ ಕೈಬೇವುದ ಕಷಾಯಡ್ ಮೀಪಾವೆರ್.
•ನಾಲ್ ತಿಂಗಲ್ದ ಬೊಕ್ಕ ಕೋಟ್ಲೆ ಅತ್ತಡ ದಡ್ಕೆ ಬೂರುಂಡ ಪಲ್ಲಿ ತಪ್ಪು ಪಾಡ್ದ್ ಕೈಪೆ ಕಷಾಯ ನೀರ್ಡ್ ಕಜ್ಜಿ ನುಂಗುನ ಮುಟ್ಟ ಮೀಪಾವೊಡು.
•ಮೂಜಿ ದಿನೊಡ್ದ್ ಬೊಕ್ಕ ಕೈಬೇವು ತಪ್ಪು, ಕಾಯೇರಿ ತಪ್ಪು ಪಾಡ್ದ್ ಕೊದಿಪಾಯಿ ಕಷಾಯನ್ ಉಗುರು ಬಿಚ್ಚೋಡು ಮೀಪಾವೊಡು.
•ಬಾಲೆದ ಕಣ್ಣ್ ಗ್ ದ್ರಾಕ್ಷಿದ ನೀರ್, ಕೊತ್ತಂಬರಿ ನೀರ್, ಪದಂಜಿದ ನೀರ್ (ಕಣ್ಣ್ ದ ಪುರ್ಕುನ್ ಬುಡ್ಪಾವೆರ್ಗೆ ಆವಂದಿನೆಕ್) ಅಪಗ ಅಪಗ ಪಾಡೊಡು.
•ನಂದಿ ಬಟ್ಟಲ್ ಪೂತ್ತ ರಸನ್ ಪಾಡುವೆರ್
•ಮಿರೆಪೇರ್ ಅತ್ತಡ ಪೆತ್ತದ ಪೇರ್ ಪಾಡ್ದ್ ಕಣ್ಣ್ ನ್ ಬುಡ್ಪಾವೊಡು.
•ನೆಕ್ಕಿ ತಪ್ಪುದ ಕಷಾಯ ಕೊರೊಡು. -ಪಂತಿನಾರ್ ಅಚ್ಚಕ್ಕ, ಶಿವಪುರ, ಅಂಚೆ : ಹೆಬ್ರಿ,
ತಮ್ಮಗ್:- •ತಮ್ಮಡ್ ಶೀತ ಕಫ, ಉಷ್ಣ ತೆಮ್ಮ, ಉಬ್ಬಸ, ಕಪ್ಪೆ ತೆಮ್ಮ, ನಾಯಿ ತೆಮ್ಮ ಇಂಚ ನಮುನೆ ನಮುನೆದ ತೆಮ್ಮ ಉಂಡು. ಕಪ್ಪೆತೆಮ್ಮ ಬೊಕ್ಕ ನಾಯಿತೆಮ್ಮ ಬಾಲೆಲೆಗ್ ಜಿಂಜ ಭಂಞ ಕೊರ್ಪುನಂಚಿನ ತೆಮ್ಮ. ಮುಪ್ಪ ನಲ್ಪ ದಿನಮುಟ್ಟ ಉಪದ್ರ ಕೊರ್ಪಿನಂಚಿತ್ತಿನವು.
ಸೀತ ತೆಮ್ಮಗ್ :- •ತುಳಸಿ ರಸ ತಿಗ ಪಾಡ್ದ್ ಕೊರೊಡು.
•ಸಂಬರವಲ್ಲಿ ತಪ್ಪುದ ರಸಕ್ಕ್ ತಿಗ ಪಾಡ್ದ್ ಕೊರುಡು.
• ಲಿಂಬೆಪುಳಿ ರಸಕ್ಕ್ ತಿಗ ಪಾಡ್ದ್ ಕೊರುಡು.
77
