ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಉರ್ಚುನೈಕ್:- •ಅಜೀರ್ಣೋಡು ಬಾಲೆ ಬುರ್ರ ಉರ್ಚೊಂದಿತ್ತಂಡ:-
•ಅರ್ಧ ಚಂಚ ಎಡ್ಡೆಮುಂಚಿ ಅರ್ಧ ಚಂಚ ಜೀರ್ದರಿ ಅರ್ಧ ಚಂಚ ಓಮ ಉಂದೆನ್ ಬಾನಲೆಡ್ ಕೆಂಪಾಪಿನೆಟ್ಟ ಪೊತ್ತುದು ಬೊಕ್ಕ ಸಣ್ಣ ಪೊಡಿ ಮಲ್ಪೊಡು. ಅವೆನ್ ಬಾಲೆದ ಪ್ರಾಯಗ್ ಸಮ ಆದ್ ದಿನಕ್ ಮೂಜಿ ಪೊರ್ತು ಅಳೆಟ್ ಕರಡಾದ್ ಅರ್ಧಾರ್ಧ ಚಂಚ ಪರ್ಪಾವೊಡು.
•ಶುಂಠಿದ ರಸ ಕೊರೊಡು.
•ತುಲಸಿದ ರಸನ್ ಅರ್ಧಾರ್ಧ ಚಂಚ ಪರ್ಪಾವೊಡು.
•ಉಪ್ಪುನೀರ್ಗ್ ವಂತೆ ಬೆಲ್ಲ ಪಾಡ್ದ್ ಕಷಾಯ ಮಲ್ತ್ದ್ ಅಪಗಪಗ ಪರ್ಪಾವೊಡು.
•ತಾರಾಯಿದ ಕಜಕ್ ನ್ ಪೊತ್ತಾದ್ ಐತ ಪೊಡಿನ್ ಬೆಚ್ಚ ನೀರ್ಗ್ ಪಾಡ್ದ್ ಪರ್ಪಾವೊಡು.
•ಎಲಿತ ಬಿಟ್ಟೆನ್ ತಿಗಟ್ ತರೆತ್ತ್ದ್ ಕೊರೊಡು.
•ಆನೆದ ಬೀಲದ ರೋಮನ್ ಬೊನಡ್ ತರೆತ್ದ್ ಕೊರೊಡು.
ಕಕ್ಕುನೈಕ್:-
•ಕಂಚಿಕಾರನ ಗೂಡುದ ಮಣ್ಣಿನ ತಿಗಟ್ ಕಲತ್ದ್ ಕೊರುಂಡ ಕಕ್ಕುನ ಉಂತುಂಡು.
•ಆರಾರೋಟುದ ಕಂಡೆನ್ ನುಂಗಾದ್ ಪೊಡಿ ಮಲ್ದಿನೆನ್ ಓಮದ ಕಷಾಯ ಬೆರಕಾದ್ ಕೊರೊಡು.
•ಪೊದ್ದೊಲರಿಕ್ ರಡ್ಡ್ ಏಲಕ್ಕಿದರಿ ಪಾಡ್ಡಿನ ಗಂಜಿದ ನೀರ್ನ್ ಅಪಗಪಗ ರಡ್ಡ್ ರಡ್ಡ್ ಚಂಚ ಪರ್ಪಾವೊಡು.
•ಉರ್ಪೆಲ್ದರಿನ್ ಪೊತ್ತದ್ ..ಪೊಡಿಮಲ್ತ್ದ್ ರಡ್ಡ್ ಏಲಕ್ಕಿದರಿನ್ ಪಾಡ್ದ್ ಕಾಲ್ ಗಂಟೆ ಬೆಯ್ಪಾದ್ ಐತ ಗಂಜಿದ ತೆಲಿನ್ ಅಪಗಪಗ ಪರ್ಪಾವೊಡು.
•ಕೊದಿಪುನ ಪೇರ್ಗ್ ಲಿಂಬೆಪುಲಿ ಪುಂಟುದು ಪೇರ್ ತೆಟ್ಟಾದ್ ಐತ ನೀರ್ನ್ ವಂತೆ ವಂತೆ ಪರ್ಪಾವೊಡು.
•ಬಜಿಲ್ ದ ಗಂಜಿದ ನೀರ್ನ್ ವಂತೆ ವಂತೆ ಪರ್ಪಾವೊಡು,
•ಎಲಿತ ಕೆಬಿತ ಇರೆತ ರಸನ್ ಪರ್ಪಾವೊಡು.
75
