ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ನಲ್ಕೆದ ಹಿರಿಯಡ್ಕದ ದಿ. ಬೆಪ್ಪು ಪಾಗೂರ ಆರ್ ಪಂಡಿನ (ಸಂಗ್ರಹ) ಮಾಂಕಾಲಿ ಪಾಡ್ದನಡ್ ಒಂಜಿ ಬಾಲೆದ ಜೋಯಿಪದ:
ಜೋ ಜೋ ಜೋ ಬಾಲೆ ಜೋ ಜೋ ಜೋ
ಅರಡಾ ಬಾಲೆನೇ | ಬುಲಿಪಡಾ ಬಾಲೆ ಈ....ಏ
ಎನ್ನಾ ಬಾಲೆಗ್ ಎಣ್ಣೆ ಪೂಜೊಡುಯ್ಯಾ....ಏ
ಎಣ್ಣೆ ಪೂಜೊಡು ಬೆಚ್ಚ ನೀರಾವೊಡುಯ್ಯಾ .....ಏ
ಅಂದಣದಾ ಬಾಲೆಗ್ ಕುಂದಣಂದ ಪುದಾರ್ಯೇ.... ಏ
ಎಣ್ಣೆ ಪೂಜಿದ್ ಬೆಚ್ಚ ನೀರೊ ಮೀಪಾವೊಡುಯೇ....ಏ
ಅರಡಾ ಬಾಲೆನೇ .... ಬುಲಿಪಡಾ ಬಾಲೆ ಈ... ಏ ಜೋ ಜೋ
ಎನ್ನೆ ನೀರ್ಡ್ ಮೀಪಾದ್ ಬಂಜಾಲ ಹೂವೊಡೇ...ಏ
ಮುರುತ್ತಾ ಆವೊಡು, ಬಡವು ಕೊರೊಡುಯ್ಯೇ...ಏ
ಅರಡಾ ಬಾಲೆ.. ಬುಲಿಪಡಾ ಬಾಲೇ ಈ...ಏ ಜೋ ಜೋ
ಯೆನ್ನಾ ಬಾರೆಗ್ ಮಿರೆ ಕೊರೊಡುಯ್ಯೇ
ಬಂಜಾರಾ ಉರು ಬಾಲೆ | ಜೆಪ್ಪುಲಾ ಬಾಲೆ ಈ
ಬಂಜಾರಾ ಉರುಲಾ, ನೆಲಆರಾ ಜೆಪ್ಪುಲಾ ಬಾಲೆ ಈ ..... ಜೋ ಜೋ
ಕೆಮ್ಮಣ್ನ್ ದ ಸೀತು ಮರಕಲ್ತಿ ಪನ್ತಿನ ನನೊಂಜಿ ಜೋಯಿ ಪದ;
ಜೋ ಜೋ ಬಾಲೆಗ್ ಜೋ ಜೋ ಬಾಲೆ
ಬಾಲೆದಮ್ಮೆ ಮೀನ್ಗ್ ಪೋದಾಂಡ್
ಬಾಲೆದಪ್ಪೆ ಮೂಡಾಯಿ ಪೋದಾಂಡ್
ಜೆಪ್ಪುಲ ಬಾಲೆ ಈ ಬುಲಿಪಡಾ
ದೇವರುಲ್ಲೆರ್ ಮಗಾ ನಿಕ್ಕ್, ನಾರಾಯಣ ದೇವೆರ್.
ಜೆಪ್ಪುಲ ಬಾಲೆ ಈ ಬುಲಿಪಡಾ
ಜೋ ಜೋ ಬಾಲೆಗ್ ಜೋ ಜೋ ಬಾಲೆ
ಬಾಲೆ ಗಿಜ್ವಾಲೆ ಪೊಣ್ಣು
ಕಾಲೆ ಗಿಜ್ವಾಲೆ ಕಂತಾಲ್ದ್ ವಾಡ ಬನ್ನಗ
ಬಾಲೆದ ಬುಲಿಪುಗ್, ಜೋ ಜೋ.
59
