ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಎದುರು ಕತೆ
ಜನಮಾನಿನ ಬದ್ಕ್ ಡ್ ಎದುರು ಕತೆದ ಸಾಹಿತ್ಯ ಪ್ರಕಾರಲ ಗಾದೆದ ಲೆಕ್ಕ ಬಾರೀ ಪಿರಾಕ್ದ ದುಂಬುದಾಕುಲು ಎದುರು ಕತೆಲೆನ್ ಮನೋರಂಜನೆಗಾದ್ ಒಳಾಂಗಣದ ಗೊಬ್ಬುಗಾದ್ ಈ ಸಾಹಿತ್ಯ-ಸಂಸ್ಕೃತಿನ್ ಬುಲೆಪಾವೊಂದು ಬತ್ತಿನಾ ನಮ್ಮ ತುಳು ಜನಪದರೆನ ಬಿರಾತಿಕೆನ್ ತೋಜಿಪಾವುಂಡು. ಈ ಸಾಹಿತ್ಯ ಪ್ರಕಾರ ಸತ್ಯವಾದ್, ಸುಲಭವದ್ ಮನಸ್ಸಿಗ್ ಕಂತರೆಗ್ ಮುಟ್ಟ ಆದುಂಡು. ಉಂದು ಗಾದೆದ ಲೆಕ್ಕ ಎಲ್ಯ ಆಂಡಲಾ ನೆತ್ತ ಉಲಾಯಿದ ಗೂಡಾರ್ಥನ್ ನಮ ಯೋಚನೆ ಮಲ್ಪುನಂಚಿತ್ತಿನವು, ಬಿರ್ಸಾತಿಕೆಗ್ ಕನ್ನಡಿ ಪತ್ತಿಂಚಿತ್ತಿನವು. ಎದುರು ಕತೆತ ವಿವರನೆಡೆ ಐತ ಗುರ್ತದ ಸೂಕ್ಷ್ಮತೆ ದೆಂಗ್ ದ್ ಕುಲ್ಲುದಿಪ್ಪುಂಡು. ಕುಟ್ಮದಾಕ್ಲು ಎಡ್ಡೆಮಲ್ಲಿಗ್ ಮಾತೆರ್ಲಾ ಸೇರ್ನಗ ಅರ್ತಿ ಕುಸಾಲ್ಡ್ ಎದುರುಕತೆನ್ ಗುಂಪುಡು ಅತ್ತಡ ಇರ್ವೆರ್ ಸೇರ್ದ್ ಗೊಬ್ಬುವೆರ್. ಈ ಎದುರುಕತೆಟ್ ಪುರಾನ ಕತೆ, ದೈವದ ಕತೆ, ಮರ, ದೈ, ಪಕ್ಕ, ಪ್ರಾಣಿ, ಬೇಲೆ, ಪ್ರಕೃತಿದ ಸೋಜಿಗಲು ಎದುರು ಕತೆಟ್ ದೆಂಗ್ದ್ ಕುಲ್ಲುಂದುಂಡು. ಅವ್ವೆನ್ ಪೆಜ್ಜಿದ್ ಉತ್ತರ ಪನ್ಪುನನೇ ಐಸಿರಿತ. ಈ ಎದುಕು ಕತೆನ್ ಹೆಚ್ಚಾದ್ ಅಜ್ಜ-ಅಜ್ಜಿ ಪುಲ್ಲಿಯಡಿಕ್ಲು ಗೊಬ್ಬುನಂತಿಚಿತ್ತಿನವು. ಎದುರು ಕತೆಟ್ ಬಾಲೆಲೆಗ್ ಮುಟ್ಟ ಆಯಿನ ಕೆಲವು ಎದುರ್ ಕತೆನ್ ಮುಲ್ಪ ಯಾನ್ ವಿವರನೆ ಕೊರ್ರೆಗ್ ಪ್ರಯತ್ನ ಮಲ್ತದೆ:
•“ಕಿನ್ನಿ-ಕಿನ್ನಿ ಬಾಲುಲೆಗ್ ಕಿನ್ನಿ-ಕಿನ್ನಿ ಮುಟ್ಟಾಲೆ.” :- ಜನಪದರೆನ ಕಣ್ಣ್ ಗ್ ಬಿರೆಲ್ ಕಿನ್ನಿ-ಕಿನ್ನಿ ಬಾಲುಲೆನ ಲೆಕ್ಕ ತೋಜುಂಡು ಪಂಡ ಐತ ಉತ್ತರ ಮುಟ್ಟಾಲೆ. ಬಿರೆಲ್ಗ್ ಪಾಡ್ಡಿನ ಪೊರ್ಲುದ ಟೊಪ್ಪಿದ ಲೆಕ್ಕ ಆಕುಲೆಗ್ ತೋಜಿನಲ ಒಂಜಿ ಚೋದ್ಯ.
•“ಆಯಿರೆಡ್ ಬಾಲೆಲ್ ಪಂಡ, ಈಯೆರಡ್ ಸುದ್ದಿ ಆಂಡ್.”:- ಜನಮಾನಿನ ನಾಲಾಯ್ಡ್ ಬೇಗ ಸುದ್ದಿ ಪಗರುನ ಸೊತ್ತು ಪಂಡ ಗಾಲಿ, ಗಾಲಿದ ಬಲಿಪಾಟಿಕೆಗ್ ಏರ್ಲಾ ಎದುರತ್ತ್. ಮುಲ್ಪ ಆಯಿರೆಡ್ ಪೆದ್ದುನವು 1 ಕೇದಾಯಿ ಪುರ್ಪ ಪೂತ ಎಸಲ್ದ ಉಲಾಯಿಡ್ ಸಾಲ್ಡ್ ಬಾಲೆಲ್ ಜೆತ್ತಿಲೆಕ್ಕ. ಜನಪದರೆಗ್ ತೋಜಿದಿಪ್ಪು. ನನ ಐತ ಪರಿಮಲ ಊರ್ ಒರ್ಮೆಲಾ ಪಗರುಂಡು. “ಬಂಗಾರ ತಗಡ್ಡ ಉಲಾಯಿ ಬೊಲ್ಲಿದ ಬಾಲೆಲು”! ಜನಪದೆರೆನ ಕಲ್ಪನೆಗ್ ಬಿಲೆ ಕಟ್ಟರೆಗ್ ಸಾಧ್ಯ ಇಜ್ಜಿ.
•“ಅಜ್ಜನ ಪುಕುಲಿಡ್ ಪುನ್ನಿ ನೇಲ್ವೆ” ಅಜ್ಜನ ಪಕುಲಿದ ಬೆರಿಯೇ ನೇಲುನಾಕ್ಲು ಪುಲ್ಲಿಲು. ಬಾಲುಲೆನ ಬೊಡ್ಚಿ-ಬೋಡುಲೆಗ್ ಬಿಲೆ ಕೊರ್ಪಿನಾಕ್ಲು ಅಜ್ಜ-ಅಜ್ಜಿ ಅತ್ತಾವಂದೆ ಬೇತೆ ಏರ್ಲಾ ಬರಯೆರ್. ಬಾಲುಲೆನ ಸಾರ ಪ್ರಶ್ನೆಲೆಗ್ ಉತ್ತರ ಕೊರ್ರೆಗ್ ಬೋಡಿತ್ತಿನ
133
